Ez 43:13 - Chuj San Mateo Bible

¹³ A juntzan̈ echlab' ix c'anchaj d'a templo, a' ix c'anchaj pax d'a yechel jun altar d'a yamaq'uil templo chi'. Aton yechel jun altar chi': A cimientoal yich, nan̈al metro ayem d'a yol lum, nan̈al pax metro yajel d'a spatic yichan̈. Axo d'a sti' jun ayel chi' ay jab'xo tzalanq'ue d'a stitac, 25 centímetro yajq'uei.

Chuj San Sebastian Bible

¹³ A yechl jun yet'l xajmb'al 'ay 'a yatut Dios, 'ix 'echtax yet' jun 'echtab' xc'anx 'a b'ab'el. A 'a spatc 'el cha, ata b'ob'il jun zanja, nan̈l metro xab'l yich, nan̈l metro pax sat, ax 'a yojltac 'el cha, ata tzeln chan̈ jun yune muro, 25 centímetro 'ay cha'an̈.

Ez 43:13 Referans Kwoze

Ez 41:8

Ix vilani to a templo b'ob'ilq'ue d'a yib'an̈ jun yich, oxe' metro schaan̈il yajq'ue jun yich chi'. An̈eja' jun chi' ayoch yichoc juntzan̈ cuarto ay d'a spatictac templo chi'. Axo jun yich chi' nan̈al yoxil metro b'echanel d'a spatiquel juntzan̈ cuarto chi'. Ay junxo amac' ayoch d'a spatictac yich templo chi' yed' d'a scal juntzan̈ scuarto eb' sacerdote, 10 metro sat. Ay spuertail juntzan̈ cuarto d'a spatictac templo chi', tz'elul d'a amac' ay d'a spatictac chi'. Ay jun puerta d'a stojolal norte, ay pax junxo d'a stojolal sur.

Ez 40:5

A d'a spatictac templo chi' ay jun muro oyanochi. A jun te' aj yed'nac jun vin̈ vinac chi', oxe' metro steel te'. Ix yechtan jun muro chi' vin̈. A jun chi' oxe' metro spimal, oxe' pax metro schaan̈il yajq'uei.

2 Cr 4:1

Ix schecpax vin̈aj Salomón chi' b'ojoc jun altar nab'a bronce, 9 metro ix aj sc'atul, 9 metro ix aj sat, nan̈al yoil metro ix ajq'ue schaan̈il.

Ex 25:25

Sb'opaxq'ue stitac te', tz'ec' oyan d'a yib'an̈, uque' centímetro sq'uei, tz'och q'uen oro d'ay.