Ez 31:3 - Chuj San Mateo Bible

³ Ol ach in lajb'ej yed' vin̈ sreyal Asiria: A vin̈ chi' lajan ix aj vin̈ yed' junoc te' tzicap, ma icha junoc te' c'ute' ay d'a Líbano, a sc'ab'tac te', te vach' yen̈ul d'a caltac te', chaan̈ steel te', tzato ec'b'at te' d'a yib'an̈ juntzan̈xo te te' te chaan̈ steel.

Chuj San Sebastian Bible

³ 'Oj ach in lajb'tzoc yet' junc te c'ute 'a Líbano. A te te cha, caw wach' yilx sc'ab' te', tzlaj yac' te yen̈l 'a eb' te yit tel 'a stz'ey cha, caw niwquil 'ajnc ste'il, 'ec'b'al stel 'a yib'n̈ jun tzo'n̈ xo te te cha.

Ez 31:3 Referans Kwoze

Dn 4:10

Aton val in vayich ix vil tic ayic jichan in ec' in vayi: A d'a snan̈al lum luum tic ix vil jun te te' te chaan̈ steel.

Ez 17:22

A in Jehová Yajal in svala': A in ol viq'uel schon te' c'ute' chi'. A junoc yuninal schon te' ol viq'ueli, ol vavanem d'a junoc jolom vitz te chaan̈ yajq'ue d'a Israel. Ol q'uib'q'ue sc'ab'tac te', nivan c'ute' ol aj te', te vach' pax ol aj te'. A d'a yich te' chi', ol cajnaj masanil macan̈il noc' noc', axo d'a sc'ab'tac te' ol sb'o so' masanil macan̈il noc' much.

Jueces 9:15

Ix ab' yalan te' q'uiix chi' to syal yoch te' yajaliloc te te' chi' smasanil. Ix ab' yalan te': Tato yel d'a smasanil e c'ol tzin eyac'och eyajaliloc, ochan̈ec d'a yalan̈ ven̈ul tic e masanil. Tato max yal e c'ol tzin och eyajaliloc jun, elocab'cot jun nivan c'ac' d'ayin yic stz'acanb'at te' c'ute' d'a Líbano, xchab' te' q'uiix chi'.

Zacarías 11:2

Oc'ocab' te' taj, yujto toxo ix telvi te' c'ute'. A juntzan̈ te te' man̈xo jantacoc svach'il chi', toxo ix lajviel te'. Oc'ocab' te' ji d'a yol yic Basán, yujto a te' nivac te', te c'ayum, toxo ix ch'acjiel te'.

Sofonías 2:13

Ol yac'anpax yaelal Jehová d'a yib'an̈ eb' cajan d'a Asiria ay d'a norte yic satel eb'. Tz'inini ol ajcan chon̈ab' Nínive yuuj, tz'inan luum ol ajcanoc.

Dn 4:12

Te vach' yilji xil te', man̈ jantacoc sat te', c'ocb'il val syab' sat te' chi' sloan masanil anima. Axo masanil noc' noc', tz'och noc' sc'ub'ej sb'a d'a yen̈ul yich te'. Axo d'a sc'ab'tac te' sb'o so' noc' much, axo masanil tas pitzan d'a yolyib'an̈q'uinal tic, c'ocb'il svatzitaj eb' yuj sat te'.

Ez 31:16

Ix vaq'uem te' d'a yed'tal eb' chamnac, ix c'ochcan te' yed' juntzan̈ chamnacxo ayxo ec' ta'. Ayic ix c'an̈ yem te' chi', ix ib'xiq'ue juntzan̈ nación. Yuj chi' toxon̈ej ix te tzalaj te te' ayn̈ejoch yal d'a yalan̈taxo, axo ticnaic ayxoec' te' b'aj sb'atcan eb' chamnac, aton te' ay d'a Edén yed' pax te' te vach' ay d'a Líbano.

Ez 31:6

Masanil macan̈il noc' much ix sb'o so' d'a sc'ab'tac te'. Masanil noc' noc' ay d'a caltac te', a d'a yich te' ix cajnaj noc', ata' pax ix aj yune' noc'. A d'a yalan̈ yen̈ul sc'ab'tac te' chi', ix yal yajec' tzijtumoc nación.

Is 37:24

Ix a checanpaxcot eb' a checab' yic tzic'an val chaan̈ a b'a, ix ul yalan eb' d'ayin icha tic: Yed' val jantac in carruaje yic oval in q'uec'och d'a sjolom lum vitz te chaan̈ d'a yol yic Líbano. Ix in ch'aquem te' c'ute' chaan̈ steel yed' te' taj te vach' yilji. Ix in q'uec'och d'a lum jolomtac vitz te chaan̈ b'aj c'ayum te te'.

Salmos 92:12

A eb' anima vach' spensar, ol q'uechaan̈ eb' icha xumaquil te' palma. Ol q'uib'chaan̈ eb' icha val te' c'ute' d'a Líbano,

Jeremías 17:8

Lajan val eb' icha te te' avab'il d'a stitac a a', sb'at val sch'an̈al yib' b'aj sb'ey a a' chi'. Malaj sna te' vach'chom te ay c'ac', c'ayumn̈ej xil te'. D'a stiempoal malaj n̈ab', malaj jab'oc tz'ic'an te', malaj b'aq'uin̈ syactej yac'an sat te'. Icha chi' yaj eb'.

Jeremías 50:18

Yuj chi' a in Jehová Yajal in d'a Smasanil, sDiosal in Israel sval icha tic: Ol vac'och syaelal vin̈ sreyal Babilonia yed' masanil schon̈ab'il, icha val vutejnac vin̈ sreyal Asiria.

Ez 19:11

Ay juntzan̈ sc'ab' te', q'uenal te' ix aji, a ix och sc'ocochoc eb' rey. Te chaan̈ ix aj steel te' sq'uib'i, ix ec'b'at te' d'a yib'an̈ juntzan̈xo te' nivac te'. Ch'oc ix aj yel te' d'a scal juntzan̈xo te te' yujto te chaan̈ steel te', te tzijtum pax sc'ab'tac te'.

Ez 31:5

Yujto man̈ jantacoc a a', yuj chi' te chaan̈ ix aj steel te' d'a yichan̈ masanil te te' ay d'a caltac te'. Te nivan ix ajel mayan sc'ab'tac te'.

Ez 31:8

Malaj junoc te' c'ute' d'a scal te yavb'en te' Dios ix yal slajb'an sb'a yed' te'. Malaj junoc te' taj lajan ix aj sc'ab'tac yed' te'. Malaj pax junoc te' castaño lajan ix aj xil yed' te'. Malaj junoc te te' d'a Edén yavb'en Dios ix yal slajb'an sb'a yed' svach'il yilji te'.

Ez 31:10

Yuj chi' a in Jehová Yajal in sval icha tic: A jun te te' chi', te chaan̈ ix aj steel te'. Ix ec'b'at steel te' chi' d'a juntzan̈xo te te' te chaan̈ steel, aton vin̈ sreyal Asiria sch'oxcot te te' tic, ix yic' val chaan̈ sb'a vin̈.

Ez 31:17

A mach ix ec' cajan d'a yalan̈ yen̈ul te', aton juntzan̈ nación ayoch yed'oc, ajun pax eb' ix c'och yed'oc b'aj ayec' eb' chamnac yuj oval.

Ez 32:22

Ata' ayec' vin̈ ec'nac sreyaloc Asiria yed' masanil eb' soldado, oyanoch eb' d'a spatic vin̈ b'aj ayec' eb' chamnac chi', aton d'a oval chamnac eb' smasanil.

Zacarías 11:1

Jacchajocab' b'e d'a te' c'ac' yic sb'at tz'ab'at te' c'ute' d'a Líbano.

Dn 4:7

Ix javi eb' smasanil: Aton eb' ajb'aal, eb' naumel lolonel, eb' schuman yed' q'uen c'anal yed' eb' ajchum. Ix valan in vayich chi' d'a eb', palta maj yal-laj eb' d'ayin tas syalelc'ochi.