Ez 16:30 - Chuj San Mateo Bible

³⁰ A in val Jehová in svala': A Jerusalén te pec' d'a ajmulal chi', lajan val ix yutej sb'a icha junoc ix ajmul ix maxtzac q'uixvi yuj tas syutej sb'a.

Chuj San Sebastian Bible

³⁰ An Jehová Yajl in, an tzwal 'ixtic: Caw wal pec' 'a 'ajmulal, lajn wal tzyutj sb'a 'icha junc 'ix 'ajmul 'ix man̈xtzac q'uixwi.

Ez 16:30 Referans Kwoze

Jeremías 3:3

Yuj val e mul chi' maxtzac yac' n̈ab' d'a stiempoal. Icha eb' ix ajmul ix maxtzac q'uixvi jab'oc, icha val chi' eyaji.

Jeremías 4:22

Ix yalanxi Jehová icha tic: A eb' in chon̈ab', te malaj spensar eb', max in yojtaquejel eb'. Lajan eb' icha eb' unin malaj jab'oc spensar, man̈ jab'oc snachajel yuj eb'. Te jelan eb' d'a chucal. Man̈ yojtacoc eb' sc'ulan vach'il, xchi.

Is 3:9

Scheclajpaxel d'a sat eb' to lajan smul eb' icha eb' aj Sodoma, max sc'ub'ejel jab'oc eb'. Ob'iltac eb'. Munil val a eb' tz'ic'ancot d'a yib'an̈.

Is 1:3

A noc' vacax, yojtac yajal noc' yed' noc' b'uru yojtac noc' b'aj sva yuj mach ay yico'. Palta axo in chon̈ab' Israel, max b'alaj nachajel jab'oc yuuj tato vico'. Ichato malaj spensar, xchi Jehová.

Pr 9:13

A junoc ix ix malaj spensar, man̈ jantacoc slolon ix, max q'uixvilaj jab'oc ix, malaj pax jab'oc tas snachajel yuj ix.

Pr 7:21

A tas te vach' ix yal ix chi', elan̈chamel ix montaj vin̈ quelem chi' yuuj.

Ez 16:29

Ix yac'anpaxb'at sb'a d'a Babilonia, aton schon̈ab' eb' chon̈vajum, palta man̈ yujoc chi' ix c'och sc'ool.

Salmos 78:37

Malaj b'aj vach' ix yutej sb'a eb' d'ay. Maj sc'anab'ajej pax strato eb' yed'oc.

Jeremías 3:1

Ix yalanxi Jehová icha tic: Ex israel, tato ay junoc ix ix spuc sb'a yed' vin̈ yetb'eyum, syic'an junocxo vin̈ ix, tato spucxi sb'a ix yed' vin̈ schab'il chi', a vin̈ yetb'eyum ix chi', maxtzac yal yic'lanxi sb'a vin̈ yed' ix. Tato syic'lajxi sb'a eb' jun, a lum luum tic sjuviel lum d'a yol in sat. Palta a in Jehová in tic svala' to lajan ix eyutej e b'a icha eb' ix ajmul ix tzijtum svinac, axo ticnaic, tze nib'ej tzex meltzajxicot d'ayin.

Os 9:1

Ex vetisraelal man̈ ex tzalajoc, man̈ ex q'ue chennaj yuj tzalajc'olal icha eb' ch'oc chon̈ab'il, yujto ix eyactejcan co Diosal, icha tz'aj yactancan yetb'eyum eb' ix ajmul ix. Tzex te tzalaj e ch'oxani to xajan Baal eyuuj, yujto vach' tz'aj sat tas tzeyavej yuuj eyalani.