Ez 10:7 - Chuj San Mateo Bible

^7-8 A d'a yalan̈ sc'axil eb' querubín chi', ata' ayelta sc'ab' eb' icha c'ab' anima. A junoc eb' querubín chi' ix yac'b'at sc'ab' d'a scal c'ac' ayelta d'a snan̈al eb' chi', ix yic'anelta jab'oc c'ac' chi', ix yac'anoch d'a yol sc'ab' vin̈ ayoch lino spichuloc chi'. Ix schaanec' vin̈, ix yic'anelta vin̈.

Chuj San Sebastian Bible

^7-8 A eb' querubín cha, a 'a yaln̈ sc'axl eb' ata 'ay 'elt sc'ab' junjn eb', lajn sc'ab' eb' chi 'icha sc'ab' 'anma'. Ax 'a scal eb', ata 'ay jun sjilb't sc'ab' chi 'a jun c'ac' cha. 'Ix yi'n cot jab' te c'ac' cha, xya'n 'ejm 'a yol sc'ab' win lino spichl cha, xlajw cha, 'ix 'at winac.

Ez 10:7 Referans Kwoze

Ez 10:6

Ayic ix yalan Jehová d'a jun vin̈ vinac ayoch lino spichuloc chi' to syiq'uelta c'ac' d'a scal juntzan̈ xocanxocan d'a snan̈al eb' querubín chi', ix och vin̈ b'ian, ix och lin̈an vin̈ d'a stz'ey junoc juntzan̈ xocanxocan chi'.

Ez 1:13

A d'a scal eb', ay jun tas sb'eyeq'ui, lajan yilji icha tzac'ac' chacxilinac, ma icha yilji junoc tas ayoch sc'ac'al. Toxon̈ej sveei yilji, axo d'a scal tz'elta copoljoc c'ac'.