Ex 5:22 - Chuj San Mateo Bible

²² Ix lajvi chi', ix yalan vin̈aj Moisés d'a slesal: —Mamin Jehová, ¿tas val yuj te ya tzutej eb' a chon̈ab' tic? ¿Tas yuj ix in a checcoti?

Chuj San Sebastian Bible

²² Yuj cha, 'ix leslwi Moisés 'a Jehová 'ixtic: —Mamin Jehová, ¿tas wal yuj caw ya tz'ec' eb' a chon̈b' tic? ¿Tas yuj in a chec coti?

Ex 5:22 Referans Kwoze

Jeremías 20:7

Mamin Jehová, ton̈ej ix in a montej. Ix in c'anab'ajan tas ix ala'. Yelxo te tec'an ach, yuj chi' ix in ac' ganar. Masanil tiempo tzin tzetzaji, masanil anima tzin b'uchan uuj.

Habacuc 2:3

A jun tas van ilan tic, manto c'ochlaj stiempoal yelc'ochi, palta yovalil ol elc'ochoc, man̈ esoclaj. Tan̈vej, vach'chom olto eb'oc, palta ol eln̈ejc'ochoc.

Salmos 73:25

Malaj junocxo mach ayec' d'a satchaan̈ b'aj svac'och in pensar, a achn̈ej toni. Ayic snachajel vuuj to ayach ec' ved'oc, man̈xalaj tas tzin nib'ejoch d'a sat luum tic.

A Ch'an̈ B'ab'el Libro Yic Yab'ixal Eb' Rey 19:10

Ix tac'vi vin̈ d'ay icha tic: Mamin Jehová Yajal d'a Smasanil, ix te cot voval yuj tas tzach utaj yuj eb' vetisraelal. Yujto ix spatiquejel a trato eb', ix sjuanem altar eb', ix xicancham eb' a checab' eb'. A inxon̈ej ix in colchajcaneli, palta van in sayjiec' yuj eb' yic tzin smilancham eb', xchi vin̈.

A Ch'an̈ B'ab'el Libro Yic Yab'ixal Eb' Rey 19:4

Ix lajvi chi', ix b'at vin̈ d'a tz'inan luum. Jun c'ual ix b'ey vin̈. Ix c'unb'i vin̈, ix em c'ojan vin̈ d'a yich jun te' mes. Ata' ix snib'ej cham sb'a vin̈. Ix yalan vin̈: C'ocb'ilxo tic Mamin. Iq'uel in q'uinal, man̈ ec'b'aloclaj velc'och d'a eb' in mam vicham, xchi vin̈.

A Ch'an̈ B'ab'el Libro Samuel 30:6

Ix te och vin̈aj David chi' d'a ilc'olal, yujto ijan sjulq'uenajcham vin̈ yuj eb' soldado chi'. Masanil eb' te chab'xo sc'ol yuj tas ix utaj eb' yuninal eb' chi', palta axo vin̈aj David chi', ix yac'val och spensar vin̈ d'a Jehová sDiosal.

Nm 11:11

Ix yalan vin̈ d'a Jehová icha tic: —¿Tas yuj tzac' vil yaelal a in a checab' in tic? ¿Tas val yoval a c'ol d'a in patic, yuj chi' tzac' jun chon̈ab' tic in tan̈vej?

Ex 17:4

Yuj chi' ix tevi vin̈aj Moisés chi' d'a Jehová icha tic: —Mamin, ¿tas val svutej eb' anima tic? Ijan val tzin sjulq'uenej eb', xchi vin̈.

Jeremías 12:1

Ix valan d'a Jehová icha tic: Mamin Jehová, vach'chom vojtac to te tojol a pensar, palta in gana tzin telaj in b'a ed'oc. Tzin nib'ej tzin c'anb'ej juntzan̈ tic d'ayach: ¿Tas yuj vach'n̈ej yaj eb' chuc sb'eyb'al? ¿Tas yuj junc'olal yaj eb' an̈ej chucal sna'a?

Jeremías 4:10

Ix valan Jeremías in tic: Ay Mamin ¿tas yuj ix a q'uexan̈ tiej eb' aj Jerusalén tic? Ix ac' a ti' ac'an junc'olal d'a eb', axo ticnaic, a q'uen cuchilub' ijanoch d'a sjaj eb' uuj, xin chi.

Josué 7:7

Ix yalan vin̈aj Josué chi' icha tic: —Ay Mamin Jehová, ¿tas yuj ix iq'uec'ta a chon̈ab' tic d'a sc'axepal a' Jordán tic? ¿Tom yuj on̈ satanel eb' amorreo, yuj chi' on̈ iq'uec'ta d'a jun lugar tic? Te vach' ama, ta ix on̈ can d'a sc'axepalec' a' Jordán chi'.