Ex 2:5 - Chuj San Mateo Bible

⁵ Axo ix aji, ix c'och ix yisil vin̈ rey sb'ic sb'a d'a sti' a' chi'. Yacb'an van sb'eyec' eb' ix schecab' ix d'a stitac a' chi', ix yilanb'at ix d'a scal juntzan̈ te' icha te' aj chi' to ayec' jun te' xuuc ta', ix schecanb'at jun ix schecab' ix yic b'at yic'ancot jun xuuc chi'.

Chuj San Sebastian Bible

⁵ Ax x'aji, 'ix 'emch 'ix yisl win rey chi 'achnc 'a sti a cha. Ya' sb'a ax eb' 'ix ya'mal servil 'ix, tzb'eyc' eb' 'ix 'a sti a'. Ax xyiln 'at 'ix yisl win rey cha, to 'ayc' jun xuc 'a scal nan̈l te b'alal 'a sti a cha, yuj cha, schecn 'at 'ix jun 'ix ya'mal servil cha, sec tz'at yi' cot 'ix jun xuc cha.

Ex 2:5 Referans Kwoze

A Tas Sc'ulejnac Eb' Schecab' Jesús Hechos 7:21

Slajvi chi', yactajcan vin̈ yuj ix snun icha syal jun ley chi'. Axo jun ix yisil vin̈ rey chi' ilanelta vin̈. Yic'anb'at vin̈ ix d'a spat. Sq'uib'tzitan vin̈ ix icha val junoc yune'.

Salmos 12:5

Axo Jehová tz'alani: Tz'ixtaj val eb' malaj tas syal yuuj. A eb' meb'a' tz'el yav eb' yuj syail. Yuj chi', yovalil ol in colcanel eb' stan̈van in colval, xchi Jehová.

Salmos 9:9

Ach Jehová, tza col eb' tz'ixtaji, tzac' yip eb' ayic ayoch eb' d'a nivac yaelal.

Salmos 46:1

A Dios ayoch quen̈uloc, an̈eja' pax ayoch quipumaloc. A tz'och qued'oc ayic ayon̈ d'a scal yaelal.

Ex 8:20

Ix yalanxi Jehová d'a vin̈aj Moisés chi' icha tic: —A q'uic'an d'a sacb'inaji, sb'at vin̈ rey chi' d'a sti' a a', yuj chi' pet ex q'ue vaan, b'at eyalan d'a vin̈: Icha tic yalan Jehová: Actejel eb' in chon̈ab' yic tz'och eb' ejmelal d'ayin.

Ex 7:15

Ayic sacb'inaj q'uic'an, tzex b'at d'a sti' a' nivan Nilo, tze tan̈van sc'och vin̈ achanvel ta'. Tzeyic'anb'at te' c'ococh ix och chanil.

Pr 21:1

A d'a yol sc'ab' Jehová, ata' ayoch spensar eb' rey, icha secojtaquil sq'uexchaj sb'e a a', icha chi' tz'aj sq'uexchaj spensar eb' rey chi' yuuj.

Salmos 76:10

A yoval sc'ol eb' anima, ol ac'can meltzajoch d'a aloj vach' lolonel d'ayach. A jab'ocxo yoval sc'ol eb' chi', ol a cachoch vaan.

A Ch'an̈ B'ab'el Libro Yic Yab'ixal Eb' Rey 17:6

Junjun q'uin̈ib'alil yed' junjun yemc'ualil syic'anb'at svael vin̈ noc' joj chi' yed' schib'ej, axo jun a a' chi' syuc' vin̈.

Jonás 1:17

Yacb'an chi' axo Jehová ix ac'ancot jun noc' nivan chay, ix turjib'at vin̈aj Jonás chi' yuj noc'. Oxe' c'ual yed' oxe' ac'val ix ec' vin̈ d'a yol sc'ol noc' chay chi'.

Jonás 2:10

Ix lajvi chi', axo Jehová ix checanb'at noc' nivan chay chi', yic b'at xejajcanel vin̈aj Jonás chi' yuj noc' d'a sti' a' mar chi'.

Ex 2:6

Ayic ix sjacan te' ix, ix yilan ix to nene' unin jun ayem d'a yool, van yoq'ui, yuj chi' ix oc' sc'ol ix d'ay, ix yalan ix: —Yic am eb' ix hebrea jun unin tic, xchi ix.