Ex 18:4 - Chuj San Mateo Bible

⁴ Axo vin̈ schab'il scuch Eliezer, yujto ix yal vin̈: Ayn̈ejoch sDiosal in mam ved'oc, a ix in colanel d'a q'uen yespada vin̈ sreyal Egipto, xchi vin̈.)

Chuj San Sebastian Bible

⁴ Ax win schab'l cha, Eliezer sb'i winac, yujto 'ix yal pax Moisés 'ixtic: A sDiosal in mam, a in coln 'el 'a q'uen yespada win sreyl Egipto, xchi.

Ex 18:4 Referans Kwoze

A Ch'an̈ Carta D'a Eb' Hebreo 13:6

Yuj chi' d'a smasanil co c'ool scal icha tic: A Cajalil scolvaj qued'oc. Man̈ ol on̈ xivlaj yuj tas ol on̈ yutoc eb' anima, xco chi.

2 Ti 4:17

Palta axo Cajal Jesús ix och ved'oc. Ix colvaj ved'oc, yuj chi' ix in vach' alejel vach' ab'ix yic colnab'il. A val eb' man̈ israeloc, ix yab' eb' smasanil. A junel, ichato yamchajnac in yuj jun noc' choj, ijan schinac in b'at noc', palta a Cajal Jesús colannac in elta d'a yol sti' noc' choj chi'.

A Tas Sc'ulejnac Eb' Schecab' Jesús Hechos 12:11

Axo ix yilan vin̈ to yel. Yuj chi' ix yalan vin̈: —A ticnaic, svila' to yel ix scheccot jun yángel Dios Cajal tzul in scolanel d'a yol sc'ab' vin̈aj Herodes. In colchajelta d'a yalan̈ jantacn̈ej tas sgana eb' vetisraelal syac'och d'a vib'an̈, xchi vin̈.

Dn 6:22

Ix scheccot jun yángel in Diosal yic smacan sti' noc' choj tic. Yuj chi' malaj val jab'oc tas ix in yutej noc', yujto yojtac to malaj jab'oc in mul d'a yichan̈. Malaj pax tas chuc ix in c'ulej d'ayach, xchi vin̈.

Salmos 46:1

A Dios ayoch quen̈uloc, an̈eja' pax ayoch quipumaloc. A tz'och qued'oc ayic ayon̈ d'a scal yaelal.

Salmos 34:4

Ix in avaj d'a Jehová, ix tac'vi d'ayin, ix yic'canel masanil in xivc'olal.

Salmos 18:48

A ach tzin a colel d'a yoval sc'ool eb' ayoch ajc'olal d'ayin, aton eb' schichon sc'ool d'ayin. Mamin, tzin a colanpax d'a eb' comonn̈ej smac'an anima.

Salmos 18:1

Mamin Jehová, tzach in xajanej, a ach tzac' ipal d'ayin.

1 Cr 23:15

A eb' vin̈ yuninal vin̈aj Moisés, aton vin̈aj Gersón yed' vin̈aj Eliezer.

Ex 2:15

A ix yab'an specal jun chi' vin̈ rey, ix yac'anb'at sayumal vin̈aj Moisés chi' vin̈ yic smiljicham vin̈. Yuj chi' ix b'at vin̈aj Moisés chi' elelal d'a yol yic Madián. Ayic ix c'och vin̈ d'a sti' jun a' uc'b'ila', ix em c'ojan vin̈ ta'.

A Tas Sc'ulejnac Eb' Schecab' Jesús Hechos 7:29

Slajvin̈ej yab'an jun chi' vin̈aj Moisés chi', sb'atcan vin̈ elelal. Sc'ochcan cajan vin̈ d'a scal eb' ch'oc chon̈ab'il d'a yol yic Madián. Axo ta' alji chavan̈ yuninal vin̈.

A Ch'an̈ Carta D'a Eb' Hebreo 11:34

Ay eb' ac'jinac tup juntzan̈ c'ac' te ov. Ay pax eb' colchajnaqueli ayic ijan smiljinaccham eb' d'a q'uen espada. A eb' malaj yip, ac'jinac yip eb', tec'an yutejnac sb'a eb' d'a oval, yuj chi' elnac lemnaj eb' soldado ch'oc chon̈ab'il d'a eb'.

Gn 49:25

yuj val yip in Diosal, aton ol ach colanoc. A Dios Syal Yuj Smasanil ol yac' svach'c'olal d'a ib'an̈, aton n̈ab' scot d'a satchaan̈ yed' syaxil sat lum luum. Yuj svach'c'olal ol q'uib' sb'isul eb' uninal yed' noc' a molb'etzal noc'.

Ex 2:22

Ix alji jun yune' ix, Gersón ix yac' vin̈aj Moisés chi' sb'iej, ix yalan vin̈: Ch'oc chon̈ab'il vaj d'a jun lugar tic, xchi vin̈.

Ex 4:20

Ix yic'anb'at ix yetb'eyum vin̈aj Moisés yed' eb' yuninal, ix yac'anq'ue eb' vin̈ d'a yib'an̈ noc' b'uru, ix b'at eb' d'a Egipto chi'. Yed'nac te' sc'ococh vin̈, aton te' ix yal Dios to ol och yopisio yuj vin̈.

1 Cr 23:17

A vin̈aj Eliezer chi' junn̈ej yuninal vin̈, aton vin̈aj Rehabías, vin̈ yajal yaji. Axo pax vin̈aj Rehabías chi', tzijtum yuninal vin̈.

Ex 10:28

Yuj chi' ix yalanxi vin̈ rey chi' d'a vin̈aj Moisés chi': —Elan̈ d'a vichan̈. Man̈xo a na'a to svil a sat junelxo d'a tic, yujto ta tzach javi junelxo d'a vichan̈ tic, a d'a jun c'ual chi' tzach chamxon̈ej, xchi vin̈.