Ex 17:12 - Chuj San Mateo Bible

¹² Palta ste c'unb'i sc'ab' vin̈ sb'at jecan, yuj chi' ix say jun q'uen q'ueen vin̈aj Aarón yed' vin̈aj Hur chi'. A d'a yib'an̈ q'ueen ix em c'ojan vin̈aj Moisés chi', axo eb' vin̈ ix yamanq'ue sc'ab' vin̈ chi', junjun eb' vin̈ d'a stz'eytac vin̈ masanto ix b'at c'u.

Chuj San Sebastian Bible

¹² Caw wal tzc'unb' sc'ab' Moisés yi'n cha'an̈, yuj cha, sayn eb' jun q'ue'en, sec ata tz'em wocan. Ax Aarón yet' Hur, a eb' xyamn chan̈ sc'ab' Moisés cha, junjn eb' 'a junjn sc'ab', masnto x'em c'u.

Ex 17:12 Referans Kwoze

Is 35:3

Aq'uec stec'anil eb' malaj yip. Iptzitejec eb' c'unb'inac.

A Scarta San Pablo D'a Eb' Aj Filipos 1:19

Yujto vojtac to vach'chom svab' syail ticnaic, palta vach'n̈ej ol in elc'ochoc, yujto van e lesalvi vuuj. Icha chi' ol in ajoc, yujto a Yespíritu Jesucristo ayoch ved'oc.

A Ch'an̈ Carta D'a Eb' Hebreo 12:12

A ex mach ex schab'ax e c'ool, ichato malaj yip e c'ab', ma ichato sicb'inac el e yoc. Aq'uec val eyip, yic vach' ol ex tec'c'ajoc.

1 Ts 5:25

Ex vuc'tac ex vanab', tzex lesalvi cuuj ta'.

Ef 6:18

An̈ejtona' tzon̈ lesalvi d'a Dios d'a masanil tiempo yed' spoder Yespíritu, sco c'anan tas d'ay. Scac' val och co pensar co lesalvi. Man̈ on̈ tzactzajoc. Lesalvan̈ec yuj jantacn̈ej eb' yicxo Dios qued'oc.

2 Co 1:11

tato tzex colvaj qued' d'a lesal. Tato tzijtum ex tzex lesalvi cuuj, an̈ejtona' nivan ex ol eyac' yuj diosal d'a Dios yuj svach'c'olal ol yac' d'ayon̈.

Santiago 1:6

Ayic sco c'anan co jelanil chi', yovalil scac' och d'a co c'ool to ol co cha'a. Man̈ chab'c'olaloc sco c'ana'. Yujto a eb' ay schab'c'olal d'a Dios, lajan eb' icha a' mar sq'ue chulan sat yuj ic' tz'emxi pon̈najoc.

Salmos 35:3

Iq'uelta a lanza tza macan sat eb' tzin pechan b'eyec'oc. Al d'ayin to in Columal ach.

A Scarta San Pablo D'a Eb' Aj Colosas 4:2

A exxo e masanil, tzex lesalvi val d'a smasanil e c'ool d'a Dios d'a masanil tiempo. Tzeyac'anpax yuj diosal d'ay.

Ex 17:11

A syic'anq'ue sc'ab' vin̈aj Moisés d'a chaan̈, scan eb' amalecita d'a yalan̈ yuj eb' israel. Axo syic'anxiem sc'ab' vin̈, ijan scan eb' vin̈ israel d'a yalan̈.

Ex 17:13

Icha chi' ix aj yac'an lajvoc eb' amalecita vin̈aj Josué chi'.

Ex 24:14

Ayic manto b'atlaj vin̈, ix yalan vin̈ d'a eb' yichamtac vinaquil chon̈ab' chi': —Canan̈ec d'a tic masanto ol on̈ emxuloc. Ayec' vin̈aj Aarón yed' vin̈aj Hur eyed'oc. Tato ay tas e gana sb'oi, a eb' vin̈ tic ol b'oan d'ayex, xchi vin̈aj Moisés chi'.

Josué 8:26

Maj yic' jab'oc yip vin̈aj Josué chi' yed' masanil eb' vin̈ soldado, masanto ix yal scham eb' aj Hai chi' smasanil.