Ex 16:1 - Chuj San Mateo Bible

¹ Ix lajvi chi', ix el eb' israel d'a Elim chi', ix javi eb' d'a tz'inan lum yic Sin, d'a scal Elim yed' Sinaí. A d'a jun c'u chi' nan̈al schab'il ujalxo yelta eb' d'a Egipto.

Chuj San Sebastian Bible

¹ Xlajw cha, 'ix 'el paxt eb' israel 'a lum Elim, axta 'ix jaw eb' 'a lum cusltac lum yic Sin, lum 'ay 'a snan̈l Elim yet' Sinaí. Nan̈l xo schab'l 'uj yelt eb' 'a Egipto yic xjaw eb' ta'.

Ex 16:1 Referans Kwoze

Ex 17:1

Masanil eb' israel ix el d'a lum tz'inan luum yic Sin, c'ojanc'olal ix aj sb'ey eb', ato syal tas tz'aj sch'oxan Jehová. Ix lajvi chi', ix javi eb' d'a Refidim, palta malaj a a' ta'.

Ex 15:27

Ix lajvi chi', ix javi eb' d'a Elim b'aj ay lajchave' sjaj a a' yed' 70 te' palma. Ata' ix sb'oq'ue scampamento eb' d'a stitac a a' chi'.

Ex 12:6

Tze sic'canel noc' masanto d'a 14 yoch jun uj tic. Tze milcham noc' d'a yemc'ualil d'a jun c'u chi'.

Ex 12:51

A val d'a jun c'ual chi', d'a stzolal ix aj yelta eb' israel yuj Jehová d'a yol smacb'en Egipto chi'.

Ex 19:1

A val stz'acvi yoxil ujal yel eb' israel d'a Egipto, ix ja eb' d'a taquin̈ luum b'aj ay lum Sinaí,