Ex 1:10 - Chuj San Mateo Bible

¹⁰ A ticnaic yovalil sco na' tas tz'aj eb', yic vach' man̈ ol te q'uib' sb'isul eb', yujto talaj ay b'aq'uin̈ ay mach scot ul yac' oval d'ayon̈, syac'anoch sb'a eb' yed' eb' cajc'ol chi', axo eb' vin̈ smolan sb'a yac'an oval chi' qued'oc. Tzam elcan eb' libre d'a tic, xchi vin̈ rey chi'.

Chuj San Sebastian Bible

¹⁰ Yuj cha, a ticnec, yowlal tzqui na'ec tas tz'aj eb', sec ma'oj 'ec' sb'isl eb' 'ayn̈ec, toq'ue 'ay b'a'n̈ 'ay junc owl tzjaw 'a qui calec, ax am tz'aji tzya'ch sb'a eb' yet' ewin 'ajc'ojl cha, tzya'n eb' owl quet'ec, ax yel am ewin 'a qui chon̈b'ec tic, xchi win rey cha.

Ex 1:10 Referans Kwoze

A Tas Sc'ulejnac Eb' Schecab' Jesús Hechos 7:19

A jun vin̈ rey chi', yixtejnac val eb' co mam quicham chi' vin̈. Yac'nac val chucal vin̈ d'a eb'. Yalannac vin̈ d'a eb' to yovalil syumel jantacn̈ej eb' svinac unin eb' tzato alji, yic munil syac'cham sb'a eb' b'aj sb'at yumjicanel chi'.

Pr 1:11

Q'uinaloc ay b'aj syal eb' d'ayach icha tic: Ochan̈ qued'oc yic vach' b'at co maclejec d'a yol b'e, yic sco mac'cham junoc anima tz'ec' ta'.

Salmos 105:25

Palta a Dios ix ac'an sc'ulej eb' aj Egipto chi', ix och eb' ajc'olal d'a schon̈ab' chi', ix ixtaj eb' schecab' yuj eb'.

Salmos 10:2

Syic'chaan̈ sb'a eb' sc'ulan chucal, tz'och eb' ajc'olal d'a eb' meb'a', palta munil a eb' ol can d'a yol ch'an̈ yaal ix sb'oem chi'.

A Tas Sc'ulejnac Eb' Schecab' Jesús Hechos 23:12

Axo d'a junxo q'uin̈ib'alil, ay jayvan̈ eb' israel ix smolb'ej sb'a. Ix slajtian sb'a eb' to ol smilcham vin̈aj Pablo chi' eb'. Ix yalan eb': —Man̈ ol on̈ vaoc, man̈ ol cuc'pax a' masanto sco milcham vin̈aj Pablo chi'. Axo tato man̈ ol co c'anab'ajej icha scal tic jun, yac'ocab' co yaelal Dios, xchi eb'.

Pr 21:30

Vach'chom ay mach te jelan, te aj pensar, ma tzijtum tas yojtac, palta max yal-laj scachanoch vaan tas sgana Jehová.

Pr 16:25

Ay b'eyb'al te vach' co naani, palta van on̈ yic'anb'at d'a chamel.

Job 5:13

A' syamanoch vaan eb' jelan d'a chucal, yic max elc'och tas snib'ej eb' d'a chucal chi'.

Nm 22:6

Yuj chi' cotan̈ d'a elan̈chamel yic tzul a catab'an eb', yujto yelxo nivan sb'isul eb' d'a quichan̈. Tato icha chi' tope ol yal vac'an ganar eb' yic tzin pechanel eb' d'a co lum tic, yujto vojtac to a a catab' yed' a vach' lolonel tzala', tz'eln̈ejc'ochi, xchib'at vin̈.

A Ch'an̈ B'ab'el Libro Samuel 29:4

Palta ix cot yoval eb' vin̈ yajal chi' d'a vin̈ rey chi', ix yalan eb' vin̈: —Al d'a eb' to smelzajcan eb' d'a schon̈ab' ix ac' chi', max b'atlaj eb' qued'oc d'a oval, axo talaj tz'aji a d'ayon̈ smeltzajoch eb' ajc'olal d'a scal oval chi'. Q'uinaloc sna vin̈aj David tic scanxi vach'il d'a vin̈aj Saúl, smilancham eb' co soldado tic vin̈.