Ester 9:25 - Chuj San Mateo Bible

²⁵ palta yujto ix b'at tevi ix Ester d'a vin̈ rey, yuj chi' ix yaq'uelta jun ley vin̈ to a masanil chucal ix sna vin̈aj Amán chi' sc'ulej d'a eb' israel chi', a d'a yib'an̈ vin̈ smeltzajcani. Yuj chi' ix ac'jiq'ue locan vin̈ yed' eb' yuninal d'a te te'.

Chuj San Sebastian Bible

²⁵ Palta yujto xc'och 'ix Ester paxtinc 'a win rey, yuj cha, xya'n 'elt win jun ley, to a smasnil tas tu 'ix sna Amán sb'on 'a eb' israel cha, a 'a yib'n̈ win tz'atcni, yuj cha, 'ix q'ue locn win yet' eb' yunnal smasnil.

Ester 9:25 Referans Kwoze

Salmos 7:16

A schucal eb' comonn̈ej sc'ulej, a ol cotcan d'a yib'an̈ eb'.

Mt 21:44

Tato ay junoc mach tz'em tan̈naj d'a yib'an̈ jun q'ueen tic, choc' tz'aji. Tato a q'ueen tz'em tan̈naj d'a yib'an̈ junocxo, icha pococ tz'aji, xchi Jesús d'a eb' vin̈.

Salmos 141:10

Canocab' eb' chuc chi' d'a syaal chi', a inxo jun, ol in ec'n̈ej.

Ester 7:5

Ix sc'anb'an vin̈aj rey Asuero chi' icha tic: —¿Mach jun chi'? ¿B'ajtil ay jun mach snaan jun tzal chi'? xchi vin̈.

Ester 3:6

Toxo ix yab' vin̈ to israel vin̈aj Mardoqueo chi', yuj chi' ix snaan vin̈ to man̈ocn̈ej vin̈ smiljichamoc, palta ix sna vin̈ tas tz'aj satjiel masanil eb' israel ayec' d'a yol smacb'en vin̈aj rey Asuero chi'.

Ester 7:4

Yujto a in tic yed' eb' vetchon̈ab' chi', ix on̈ chon̈chaji yic tzon̈ satjiel d'a juneln̈ej. Comonoc val ton̈ej on̈ chon̈chajb'at checab'oc, tato icha chi' tecan man̈ smojoc to sviq'uec' a tiempo, ocxo jun, to ol on̈ satjoquel d'a juneln̈ej, xchi ix.

Salmos 140:8

Mamin Jehová, man̈ ac' sgana eb' sc'ulan chucal, man̈ ac' sgana spensar eb' yic max yic'chaan̈ sb'a eb'. A eb' tzoymajoch d'ayin, sna tastac eb', palta aocab' tas sna eb' chi' scot d'a yib'an̈.

Is 22:25

A d'a jun c'ual chi', a jun te te' vach' yaj smac'chajoch chi', ol elta chocnaj te'. Ol emta tan̈naj te' d'a sat luum, ol pojcanb'at masanil tas locanoch chi' d'a te'. A val Jehová tz'alan d'ayin, xchi vin̈aj Isaías chi'.

A Ch'an̈ B'ab'el Libro Samuel 25:39

Ayic ix yab'an vin̈aj David to toxo ix cham vin̈, ix yalan vin̈ icha tic: —Aljocab' vach' lolonel d'a Jehová yujto toxo ix yaq'uec' in pac d'a vin̈aj Nabal yuj tas ix in yutej vin̈. A Jehová chi' ix in cachanoch vaan yuj tas chuc ijan ix in c'ulej. An̈eja' ix ac'ancot yaelal d'a yib'an̈ vin̈aj Nabal chi' yuj schucal, xchi vin̈. Ix lajvi chi' ix yac'anb'at schecab' vin̈ d'a ix Abigail yic b'at yal eb' vin̈ to snib'ej vin̈ syic' ix.

A Ch'an̈ B'ab'el Libro Yic Yab'ixal Eb' Rey 8:32

comonoc tzab' d'a satchaan̈, tza ch'olb'itan d'a stojolal mach ay smul, tom a jun mach tz'ac'jioch d'a yib'an̈ chi', mato a jun mach tz'ac'anoch d'a yib'an̈ chi'. A achocab' tzac' syaelal jun mach ay smul chi', axo pax jun mach malaj smul chi' jun, a achocab' tzac' checlajoc to malaj smul.

Ester 7:10

Yuj chi' ix q'ue locan vin̈aj Amán chi' d'a te', aton te' ix sb'oq'ue vin̈ yuj vin̈aj Mardoqueo yalani. Icha chi' ix aj sicb'i yoval sc'ol vin̈ rey chi'.

Salmos 7:17

Svac' yuj diosal d'a Jehová yuj stojolal. Tzin b'itej Dios ec'to d'a yib'an̈ smasanil.

Salmos 94:23

A ach ol a pactzitej schucal eb' chuc. Ol satel eb' yuj smul. Ach co Diosal, ol ac'can lajvoquel eb'.

Pr 5:22

A eb' chuc, an̈eja' schucal eb' chi' ol ac'an juvoqueloc. An̈eja' schucal eb' chi' ol tzec'anoc, icha co tzec'ji d'a junoc lasu.

Pr 26:27

A eb' sjoyan junoc olan yic yaal, an̈eja' eb' ol b'at d'a jun olan chi'. A eb' tz'ecanb'at junoc q'uen q'ueen d'a yib'an̈ junoc anima, an̈eja' q'ueen ol cotpax d'a yib'an̈ eb'.

Abdías 1:15

Lac'anxo sjavi jun c'ual ayic ol vac'ancot yoval in c'ol d'a yib'an̈ masanil nación. Icha tas ix e c'ulej, ichaval chi' ol ex yutej juntzan̈xo anima. Ol e chaan spac icha val smojal.