Esdras 7:8 - Chuj San Mateo Bible

^8-9 Ayoch Dios yed' vin̈aj Esdras chi', yuj chi' ix cot vin̈ d'a Babilonia d'a b'ab'el c'u yic b'ab'el uj, d'a yuquil ab'il yoch vin̈aj Artajerjes chi' reyal. Ix javi vin̈ yed' eb' ajun yed'oc d'a Jerusalén tic d'a b'ab'el c'u yic yoil uj, an̈eja' d'a yuquil ab'il chi'.

Chuj San Sebastian Bible

^8-9 'Ix colwj Dios yet' winac, yuj cha, 'ix paxt 'a Babilonia 'a yic b'ab'l c'u yic b'ab'l 'uj yic yucl xo ab'il yoch Artajerjes reyal. 'Ix jaw 'a Jerusalén 'a b'ab'l c'u yic yol 'uj yoch yucl ab'il cha.

Esdras 7:8 Referans Kwoze

Esdras 7:7

Ayic yuquil ab'il yoch vin̈aj Artajerjes chi' reyal, ix javi vin̈aj Esdras chi' d'a Jerusalén tic yed' jun n̈ilan̈ eb' yetisraelal, aton eb' sacerdote, eb' levita sb'itani yed' eb' stan̈van puerta yed' eb' smunlaj d'a templo.

Esdras 8:32

Ayic ix on̈ javi d'a Jerusalén tic, oxe' c'ual ix quic' quip.

Esdras 9:9

Vach'chom checab' caji, palta maj on̈ actejcanlaj. Ix a ch'ox a vach'c'olal d'ayon̈ d'a yichan̈ eb' sreyal Persia. Ix ac' co q'uinal yic ix co b'oanxiq'ue a cajnub' tic, yujto jub'ilemi. A ach tzon̈ a tan̈vej d'a Judá yed' d'a Jerusalén tic.

Esdras 10:9

Yuj chi', axo d'a jun c'u chi', aton d'a 20 yoch sb'alun̈il uj, ix smolb'an sb'a masanil eb' vin̈ ay yopisio yic Judá yed' yic Benjamín d'a Jerusalén chi'. Ix em c'ojan eb' smasanil d'a yamaq'uil scajnub' Dios. Ste ib'xi eb' yuj tas van yalchaj chi' yed' pax yuj jun n̈ab' ov yemi.

Ester 2:16

Ayic slajun̈il uj, d'a jun uj scuchan Tebet, ayic yuquil ab'il yoch vin̈aj Asuero reyal, ata' ix ic'chajb'at ix d'a spalacio vin̈ yic svay ix yed' vin̈.

Dn 9:25

Yovalil ol nachajel jun tic uuj: Ayic ol alchajoc to ol b'ochajxiq'ue chon̈ab' Jerusalén, ol ec' uque' semana b'ab'el, slajvi chi' ol ec' pax 62 semana. Ichato chi' ol ja jun Yajal to sic'b'ileli. A d'a jun tiempoal chi', ol b'ochajxiq'ue scalleal yed' smuroal Jerusalén chi' d'a scal jantac yaelal.