Esdras 10:10 - Chuj San Mateo Bible

¹⁰ Ix lajvi chi', ix q'ue lin̈an vin̈aj sacerdote Esdras chi', ix yalan vin̈ d'a eb' icha tic: —A ex tic ix och e mul yujto ix eyic'laj e b'a yed' eb' ix ix ch'oc chon̈ab'il. Icha chi' ix aj svach' och co mul.

Chuj San Sebastian Bible

¹⁰ Xlajw cha, xq'ue wan Esdras win ya'mal 'och sti eb' 'anma 'a Dios, xyaln 'a eb' 'ixtic: —Ax tic x'och e mul, yujto xeyij e b'a yet' eb' 'ix 'ix chuc chon̈b'al, yuj cha, 'ixta x'aj scot maysch'olnil 'a quib'n̈ec an̈ israel on̈c tic.

Esdras 10:10 Referans Kwoze

Mt 23:32

A exxo, tze vach' aq'uejoch stz'acub' tas sc'ulejnac eb' e mam eyicham chi'.

Esdras 9:6

Ix valan icha tic: Ach in Diosal, tzin te q'uixvi d'ayach. Tzin somchaj chaan̈. Maxtzac nachaj vuuj tas svutej valan in b'a d'ayach, yujto ix te ec' yib'an̈ co chucal. A co mul chi' ix q'uec'och d'a satchaan̈.

2 Cr 28:13

Ix yalan eb' vin̈ icha tic: —Man̈ eyic'cot eb' chi' d'a tic, yujto a jun tic tz'och co muloc d'a Jehová. ¿Tom tze say tas tz'aj svach' och co mul d'ay? Te nivanxo co mul tz'ochi, yuj chi' scot val yoval Jehová chi' d'ayon̈, xchi eb' vin̈.

Nm 32:14

A exxo tic, ex yin̈tilal anima pit, e gana tze b'eyb'alej sb'eyb'al eb' co mam quicham chi' yic tze tzuntzanxicot yoval sc'ol Jehová d'a quib'an̈.

Esdras 10:9

Yuj chi', axo d'a jun c'u chi', aton d'a 20 yoch sb'alun̈il uj, ix smolb'an sb'a masanil eb' vin̈ ay yopisio yic Judá yed' yic Benjamín d'a Jerusalén chi'. Ix em c'ojan eb' smasanil d'a yamaq'uil scajnub' Dios. Ste ib'xi eb' yuj tas van yalchaj chi' yed' pax yuj jun n̈ab' ov yemi.

Esdras 10:11

A ticnaic, alecq'ueta e mul d'a yichan̈ Jehová sDiosal eb' co mam quicham, c'anab'ajejec tas snib'ej. Iq'uequel e b'a d'a scal eb' anima ch'oc chon̈ab'il chi', tzeyactanpaxcan eb' ix ix, ix eyic'laj e b'a yed'oc d'a scal eb' chi', xchi vin̈.

Esdras 9:14

Tato te chuc scutejxi co b'a d'ayach, tato squic'laj co b'a yed' juntzan̈ ch'oc animail te chuc sb'eyb'al chi', ol am te cot oval d'ayon̈, ol on̈ a sataneli, masanto man̈xa junoc on̈ ol on̈ canoc.