Dt 4:43 - Chuj San Mateo Bible

⁴³ A juntzan̈ chon̈ab' chi', aton Beser d'a yac'lical tz'inan luum macb'il yuj eb' yin̈tilalcan Rubén, Ramot d'a yol yic Galaad, macb'il yuj eb' yin̈tilalcan Gad. Axo junxo, aton Golán, ay d'a yol yic Basán, macb'il yuj eb' yin̈tilalcan Manasés.

Chuj San Sebastian Bible

⁴³ A jun tzo'n̈ chon̈b' cha, atn eb' tic: chon̈b' Beser, 'a span̈nil lum cusltac lum 'a 'aj xcan eb' yin̈tl Rubén; chon̈b' Ramot, 'a yol yic Galaad, 'a lum 'aj xcan eb' yin̈tl Gad; yet' pax chon̈b' Golán, 'a yol yic Basán, 'a lum 'aj xcan spacl eb' yin̈tl Manasés.

Dt 4:43 Referans Kwoze

Josué 20:8

Axo d'a junxo sc'axepalec' a' Jordán, d'a stojolal b'aj sjavi c'u d'a Jericó, ata' ix siq'uel oxexo chon̈ab' eb': Aton chon̈ab' Beser d'a ac'lic yic tz'inan luum d'a yol yic eb' yin̈tilal Rubén, chon̈ab' Ramot d'a yol yic Galaad d'a yol yic eb' yin̈tilal Gad yed' chon̈ab' Golán d'a Basán, d'a yol yic eb' yin̈tilal Manasés.

1 Cr 6:80

Axo d'a yol yic eb' yin̈tilal Gad, ix ac'chajpax juntzan̈ chon̈ab' tic d'a eb': Ramot d'a yol yic Galaad, Mahanaim, Hesbón yed' Jazer. A d'a juntzan̈ chon̈ab' chi', ayn̈ej b'aj sva noc' smolb'etzal noc' eb'.

1 Cr 6:71

Axo d'a eb' vin̈ yin̈tilal vin̈aj Gersón, icha syal jay macan̈ yaj eb', ix ac'chaj chon̈ab' Golán d'a yol yic Basán, chon̈ab' Astarot yed' b'aj syal sva noc' smolb'etzal noc' eb'. A chab' chon̈ab' chi' ay d'a yol smacb'en Manasés d'a stojolal b'aj sjavi c'u.

A Ch'an̈ B'ab'el Libro Yic Yab'ixal Eb' Rey 4:13

A vin̈aj Ben-geber, a vin̈ tz'ic'ancot tastac tz'ab'laj chi' d'a Ramot d'a yol yic Galaad yed' d'a masanil chon̈ab' d'a yol yic Galaad chi', aton juntzan̈ schon̈ab' eb' yin̈tilalcan Jair yuninal Manasés yed' pax d'a yol smacb'en Argob d'a yol yic Basán. Ata' ay 60 nivac chon̈ab' ayoch smuroal, ayoch q'uen bronce tz'ec' c'atan syamnub'aloc spuertail.

Josué 21:27

Axo pax eb' levita yin̈tilal Gersón, chab' chon̈ab' ix ac'ji d'a eb' d'a yol yic nan̈alxo eb' yin̈tilal Manasés. A juntzan̈ chon̈ab' chi', aton Golán yed' Beestera d'a yol yic Basán. A d'a chon̈ab' Golán chi' syal scolan sb'a eb' smac'ancham junoc anima. Axo pax d'a yol yic eb' yin̈tilal Isacar chan̈e' chon̈ab' ix ac'jipax d'a eb', aton Cisón, Daberat, Jarmut yed' En-ganim. Axo d'a yol yic eb' yin̈tilal Aser, an̈eja' chan̈e' chon̈ab' ix ac'jipax d'a eb', aton Miseal, Abdón, Helcat yed' Rehob. Axo pax d'a yol yic eb' yin̈tilal Neftalí, oxe' chon̈ab' ix ac'jipax d'a eb', aton Cedes d'a yol yic Galilea, b'aj syal scolan sb'a eb' smac'ancham junoc anima. Ix ac'jipax chon̈ab' Hamot-dor yed' Cartán d'a eb'. Yuj chi' a masanil chon̈ab' ix yic' eb' yin̈tilal Gersón, 13 d'a smasanil, ato syal jay macan̈ yaj eb'.

Dt 4:42

Ata' syal scolan sb'a junoc mach smac'ancham junoc yetanimail to man̈ sc'anoc sc'ool, malaj b'aj syac' oval yed'oc d'a yalan̈taxo. A jun chi', syal scolan sb'a d'a junjunoc juntzan̈ chon̈ab' chi'.

Dt 4:44

(Aton val juntzan̈ checnab'il tic ix yal vin̈aj Moisés d'a eb' yetchon̈ab'. A jantac c'ayb'ub'al, cachnab'il yed' checnab'il tic ix yal vin̈ d'a eb' atax yelnaccot eb' d'a Egipto.

1 Cr 6:63

An̈eja' pax d'a eb' vin̈ yin̈tilal vin̈aj Merari, ix ac'chaj 12 chon̈ab' icha jay macan̈ yaj eb'. A juntzan̈ chon̈ab' chi', a d'a yol smacb'en eb' yin̈tilal Rubén ay, eb' yic Gad yed' eb' yic Zabulón.

1 Cr 6:66

Ay juntzan̈xo macan̈ yin̈tilal vin̈aj Coat ix chaan juntzan̈ chon̈ab' b'aj tz'aj eb' d'a smacb'en eb' yin̈tilal Efraín: