Dt 3:26 - Chuj San Mateo Bible

²⁶ Palta eyujn̈ej ix cot yoval Jehová chi' d'ayin. Maj schalaj yab' tas ix in c'an chi' d'ay, palta ix yal d'ayin icha tic: C'ocb'ilxo chi', man̈xo al jun lolonel chi' d'ayin.

Chuj San Sebastian Bible

²⁶ Palta ax Jehová 'ix cot yowl 'ayin. Eyujn̈ej wal ax tic, yuj cha, ma'ix yac' tas xin c'an 'a 'a. 'Ix yaln 'ayn 'ixtic: Colb'xo al jun tic 'ayin.

Dt 3:26 Referans Kwoze

Dt 1:37

Eyuj val a ex tic, yuj chi' cotpax yoval Jehová d'ayin, yalan d'ayin icha tic: Man̈ ol ach ochpaxlaj d'a luum a ach tic.

Dt 31:2

Ayxo 120 ab'il in q'uinal, man̈xa val vip in b'eyec' ex in cuchb'ej, an̈ejtona' toxo ix yal Jehová d'ayin to man̈xo ol in c'axpajec' d'a a' Jordán tic.

2 Co 12:8

Oxel in c'annac d'a Cajal Jesús, yic talaj syiq'uel d'ayin.

Mt 26:39

Ix lajvi chi', ix snitzanb'at sb'a, ix em cuman ix emc'och snan̈al sat d'a sat luum. Ix lesalvi icha tic: —Mamin, tato syala', iq'uec' jun yaelal tic d'a vib'an̈. Palta mocab' ichoc in gana a in tic, palta ichocab' val a gana, xchi.

1 Cr 17:4

Ixic, b'at al d'a vin̈ in checab' aj David to a in Jehová in sval icha tic d'a vin̈: Man̈oc ach ol a b'oq'ue junoc in templo b'aj ol in cajnajoc.

Dt 34:4

Ix yalan Jehová chi' d'a vin̈ icha tic: Aton jun luum tic vac'nac in ti' vac'an d'a vin̈aj Abraham, d'a vin̈aj Isaac yed' d'a vin̈aj Jacob. Valannac d'a eb' vin̈ icha tic: A jun luum tic ol vac' d'a eb' eyin̈tilal, xin chi, yuj chi' tzin ch'oxcanb'at lum d'ayach, vach'chom man̈xo ol ach c'och d'a luum, xchi Jehová chi' d'a vin̈.

Mt 20:22

Ix yalan Jesús d'a eb' vin̈ schavan̈il: —Max nachajel-laj eyuj tas tze c'an d'ayin. ¿Tom ol techaj yaelal eyuuj icha ol in utaj a in tic? xchi d'a eb' vin̈. —Ol techajoc, xchi eb' vin̈ d'ay.