Apoc 16:18 - Chuj San Mateo Bible

¹⁸ Junanto rato chi', ix ec' copoljoc leb'lon. Ay pax juntzan̈ tas ix laj c'an̈i. Ix laj c'an̈ c'u. Ix ec' val jun nivan quixcab'. A jun quixcab' ix ec' chi', yictax ix pitzvi anima d'a yolyib'an̈q'uinal mantalaj b'aj ix ec' junoc icha chi'.

Chuj San Sebastian Bible

¹⁸ Yajn̈j wal cha, x'ec' jun tzo'n̈ raya. 'Ix laj c'an̈ c'u. 'Ay pax jun tzo'n̈ xo tas xlaj c'an̈i. 'Ix 'ec' wal jun niwquil quixcab'. Yictax mant 'a 'anma 'a yolyib'n̈q'uinal, mant xon junc quixcab' 'e'nc 'icha jun cha.

Apoc 16:18 Referans Kwoze

Apoc 4:5

Tz'el copoljoc c'ac' d'a jun c'ojnub' chi' yed' juntzan̈xo tas ix laj n̈ilili, n̈ilili sc'an̈ pax c'u. Ay uque' nivac candil ayoch sc'ac'al d'a yichan̈ c'ojnub' chi', aton Yespíritu Dios yucvan̈il.

Dn 12:1

A d'a jun tiempoal chi', a ángel Miguel, sat ángel yaji, stan̈vumal eb' etchon̈ab' israel, ol och vaan. A d'a jun tiempoal chi' te ay val nivan yaelal. Manta juneloc ix uji jun chi' yictax ix el yich spitzviq'ue vaan juntzan̈ nación. A d'a jun tiempoal chi', ay eb' etchon̈ab' ol colchajoc, syalelc'ochi, aton eb' tz'ib'ab'il sb'i d'a yol ch'an̈ libro yic Dios.

Apoc 11:19

Ix lajvi chi', ix jacvi stemplo Dios d'a satchaan̈. Axo ta' ix checlaj scaxail strato Dios. Ix laj ec' copoljoc leb'lon, ay juntzan̈ tas ix laj c'an̈i, ix laj c'an̈ c'u, ix ec' pax jun quixcab', ix ja pax q'uen nivac sacb'at.

Apoc 11:13

Junanto rato chi' ol ec' jun quixcab'. Te ov ol yutej sb'a. D'a jun nivan chon̈ab' chi', a b'aj ay lajlajun̈eoc pat, jun ol lan̈chajoc. Uque' pax mil anima ol cham yuuj. Axo juntzan̈xo eb' anima, ol te xiv chaan̈ eb', yuj chi' ol yal eb' to te nivan yelc'och co Mam Dios aj satchaan̈.

Apoc 8:5

Ix lajvi chi' b'ian, ix yac'an b'ud'joc schaynub' chi' d'a te' tzac'ac' ayq'ue d'a yib'an̈ jun altar chi'. Ix spoc'anem d'a sat luum. Ix lajvi chi', ix och ijan sn̈ilili sc'an̈ c'u yed' juntzan̈xo tas ix laj n̈ilili. Ix laj ec'pax copoljoc leb'lon. Ix ec' pax jun quixcab'.

Apoc 6:12

Ix vilani, ayic ix sd'in̈chitanel jun svaquil spixul chi', ix vab'ani, ix ec' jun nivan quixcab'. Axo c'u, ix q'uic'b'iel icha noc' lopil. Axo q'uen uj chac ix aj q'ueen icha chic'.

Mt 24:21

Yujto te nivan yaelal ol javoc d'a jun tiempoal chi'. Manta b'aj tzuji icha chi' yictax ix sb'oan yolyib'an̈q'uinal tic Dios. An̈ej val jun chi', man̈xa b'aq'uin̈ ol ujoc pax junelxo.