Apoc 11:5 - Chuj San Mateo Bible

⁵ Tato ay mach sgana yixtan eb', ol elta c'ac' d'a yol sti' eb'. Axo eb' schichonoch sc'ool d'a eb' chi', juneln̈ej ol tz'ab'at eb' yuuj. Icha chi' ol aj scham masanil eb' sgana tz'ixtan eb'.

Chuj San Sebastian Bible

⁵ Toto 'ay mach tznib'n 'ixtnoc eb' chawn̈ cha, 'oj 'eltoc c'ac' 'a sti eb'. Ax eb' 'ajc'ojl 'oj 'ajch 'a eb' cha, 'oj tz'a eb' yuj 'a jun 'ejmn̈ej. 'Ixta 'oj 'aj scham jantcn̈ej eb' tznib'n 'ixtnoc eb'.

Apoc 11:5 Referans Kwoze

Os 6:5

Yuj in lolonel ix vac' yal eb' in checab', ol ex in sateli. Nivan chequel ol aj eyaelal chi' icha val yoc c'u.

Is 11:4

D'a stojolal ol sb'o yaj yoval eb' meb'a' yed' eb' anima emnaquil syutej sb'a. Ton̈ej ol yala' ol ac'joc syaelal eb' tz'ec' d'a yib'an̈, ol ac'jococh eb' sc'ulan chucal chi' d'a yol sc'ab' chamel.

Zacarías 2:8

A Jehová Yajal d'a Smasanil, schecan val juntzan̈ lolonel tic d'a juntzan̈ nación ix ex pechan saclem a ex schon̈ab' ex tic. A tz'alan icha tic: Yaln̈ej mach tz'ixtan in chon̈ab' tic, ichato a snenal yol in sat syixtej. Yuj chi' a in ol vac' oval yed' juntzan̈ nación chi', a in ol in chec eb' ayoch schecab'oc eb' yic a eb' ol ic'anec' jantac sb'eyumal eb', xchi Jehová. Icha chi' ol aj sch'oxan sb'a stziquiquial Jehová, icha pax chi' ol aj snachajel eyuuj to a' ix in checancot val d'ayex.

Jeremías 1:10

Aton val ticnaic svac'och in lolonel d'a a ti'. Tzach in checb'at d'a juntzan̈ chon̈ab' yic tzalan yab' eb' to ol javoc yaelal d'a yib'an̈ eb', ol satel eb', ol lajvoquem eb'. Ay chon̈ab' chi' ol satel d'a juneln̈ej, ay pax ol b'ochajxiq'ueoc, xchi Jehová.

Salmos 18:8

Ichato ix elta tab' d'a yol a n̈i', axo d'a yol a ti' ichato ix elta jun c'ac' te ov. Ichato ix elta tzipipoc tzac'ac' d'a yol a ti' chi'.

Zacarías 1:6

Axo pax in lolonel yed' in checnab'il ix val d'a eb' in checab' chi', ix elc'och d'a eb' e mam eyicham chi', yuj chi' ix sna sb'a sc'ol eb', ix yalan eb': A Jehová Yajal d'a Smasanil, ix on̈ yutej icha ix aj snaani, icha smojal co chuc pensaril yed' chucal sco c'ulej, xchi eb', xchi Jehová d'ayin.

Ez 43:3

A tas ix vil chi', lajan val icha jun ix vila' ayic ix javi Jehová ul yac'an satel Jerusalén, lajan pax icha jun ix vil d'a sti' a' nivan Quebar. Ix in em lachnaj d'a sat lum yuuj.

Apoc 9:17

Icha d'a vayichal ix aj vilan noc' schej eb'. A sjolom noc' lajan yed' sjolom noc' choj. Axo eb' ayq'ue d'a yib'an̈ chej chi', ayoch q'ueen smaculoc sn̈i' sc'ool junjun eb', chacchac icha yilji sq'ue yoc te' c'ac', yaax, c'anc'an yilji q'ueen. Axo d'a yol sti' noc' chej chi', ix elta c'ac', tab' yed' azufre.

Apoc 13:13

Ay juntzan̈ milagro te nivan yelc'och ix sch'oxo'. Ato d'a satchan̈ ix yic'cot jun c'ac' ix emul d'a yolyib'an̈q'uinal yil eb' anima.