A Tas Sc'ulejnac Eb' Schecab' Jesús Hechos 8:29 - Chuj San Mateo Bible

²⁹ Axo Yespíritu Dios ix alan d'a vin̈aj Felipe chi': —Ixic, nitzb'at a b'a d'a stz'ey jun carruaje chi', xchi.

Chuj San Sebastian Bible

²⁹ Ax Yespíritu Dios 'ix aln 'a Felipe 'ixtic: —'Ixc 'a stz'ey jun caruaje cha, xchi.

A Tas Sc'ulejnac Eb' Schecab' Jesús Hechos 8:29 Referans Kwoze

A Tas Sc'ulejnac Eb' Schecab' Jesús Hechos 10:19

An̈eja' vanto snaan vin̈aj Pedro yuj juntzan̈ ix yil chi', ix yalan Yespíritu Dios d'a vin̈: —Ay oxvan̈ eb' vin̈ vinac tzach c'anb'ani.

A Tas Sc'ulejnac Eb' Schecab' Jesús Hechos 11:12

Axo Yespíritu Dios ix alan d'ayin icha tic: Ixic, man̈ chab'c'olaloc tzach b'at yed' eb' vin̈, xchi. Ix b'at pax vacvan̈xo eb' vin̈ cuc'tac tic ved'oc. Axo ix on̈ c'och ta', ix on̈ och d'a yol spat jun vin̈.

1 Ti 4:1

A Yespíritu Dios tz'alan sjichanil to ayic vanxo sjavi jun slajvub' tiempoal, ay eb' ol meltzaj d'a spatic. Axo d'a juntzan̈ c'ayb'ub'al es ol yac'och spensar eb'. Palta a juntzan̈ c'ayb'ub'al chi', a d'a eb' enemigo scoti.

A Tas Sc'ulejnac Eb' Schecab' Jesús Hechos 21:11

Ix xid'ec' vin̈ on̈ sc'umej. Ayic van co lolon yed' vin̈, ix yic'anel stzec'ul vin̈aj Pablo chi' vin̈. Ix tzec'an c'otan sb'a vin̈ yed'oc. Ix lajvi chi' ix yalan vin̈: —A Yespíritu Dios tz'alani to icha ix vutej in tzec'an in b'a tic, icha chi' ol aj stzec'chaj vin̈ ay yic jun tzec'ul tic yuj eb' israel d'a Jerusalén. Ol lajvoc chi', ol yac'anoch vin̈ eb' d'a yol sc'ab' eb' man̈ israeloc, xchi vin̈.

Os 6:3

Caq'uec quip cojtacanel Jehová. Icha cojtacaneli to ol sacb'oc, cojtac to ol jax d'ayon̈ tato sco na co b'a. Ol yac'cot svach'c'olal d'a quib'an̈, icha tz'aj syaxb'i sat lum luum yuj b'ab'el n̈ab' yed' slajvub' n̈ab'ilq'uinal, xcham eb'.

Is 65:24

Ayic manto in yavtej eb', toxo ix in tac'vi d'a eb', ayic manto lajvi yalan eb', toxo ix vab' tas syal eb'.

1 Co 12:11

Tzijtum val juntzan̈ tas tz'ac'ji co c'ulej, palta junn̈ej Espíritu tz'ac'an co c'ulej. Ch'occh'oc tas syac' co c'ulej junjun on̈, ato syala' tas sgana d'ayon̈.

A Tas Sc'ulejnac Eb' Schecab' Jesús Hechos 8:26

Ay jun yángel Dios Cajal ix alan icha tic d'a vin̈aj Felipe chi': —Ac' lista a b'a. Ixic d'a sur, d'a jun b'e scot d'a Jerusalén, sc'och d'a chon̈ab' Gaza, xchi. A jun b'e chi', aton jun tz'ec' d'a tz'inan luum.

A Tas Sc'ulejnac Eb' Schecab' Jesús Hechos 8:28

Van spax vin̈ d'a Etiopía chi'. C'ojanem vin̈ d'a yol jun scarruaje. Van yilan Slolonel Dios vin̈ tz'ib'ab'ilcan yuj vin̈aj Isaías, aton vin̈ schecab' Dios.

A Tas Sc'ulejnac Eb' Schecab' Jesús Hechos 8:30

Axo ix c'och vin̈ d'a stz'ey, ix yab'an vin̈ to van yavtan Slolonel Dios vin̈, aton jun tz'ib'ab'ilcan yuj vin̈aj Isaías. Yuj chi' ix yal vin̈ d'a vin̈: —¿Tzam nachajel uuj tas van avtan chi'? xchi vin̈.

A Tas Sc'ulejnac Eb' Schecab' Jesús Hechos 8:39

Ayic ix lajvi sq'uexta eb' vin̈ d'a yol a a' chi', axo Yespíritu Dios ix ic'anb'at vin̈aj Felipe chi'. Yuj chi' majxo iljilaj vin̈ yuj vin̈ aj Etiopía chi', majxo yil-laj vin̈ b'aj ix c'och vin̈. Palta te tzalajc'olal ix b'atxican vin̈ aj Etiopía chi' d'a yol b'e chi'.

A Tas Sc'ulejnac Eb' Schecab' Jesús Hechos 28:25

Yujto maj scha sb'a spensar eb', ix laj pax eb' d'a spat. Yuj chi' ix yal vin̈aj Pablo chi' d'a eb': —A Yespíritu Dios ac'annac yal vin̈aj Isaías d'a eb' co mam quicham d'a peca'. Te yel jun yalnac vin̈ chi', aton jun syal icha tic:

A Ch'an̈ Carta D'a Eb' Hebreo 3:7

Yuj chi', icha syalcan Yespíritu Dios d'a Slolonel Tz'ib'ab'ilcani: A d'a jun c'u tic, tato tzeyab' tas syal Dios,