A Tas Sc'ulejnac Eb' Schecab' Jesús Hechos 7:49 - Chuj San Mateo Bible

⁴⁹ A satchaan̈, aton in despacho. Axo yolyib'an̈q'uinal, icha sc'an̈ voc yaji. Yuj chi', ¿tasto val ol eyutoc e b'oan junoc in templo? Malaj junoc lugar b'aj syal vic'an vip.

Chuj San Sebastian Bible

⁴⁹ A satcha'an̈, a chi in despacho yaji. Ax lum lu'um, 'icha to sb'achnub'al woc yaji. Ax xo tic, ¿tast wal 'oj eyutc e b'on junc watut 'aj tzin 'ilji?

A Tas Sc'ulejnac Eb' Schecab' Jesús Hechos 7:49 Referans Kwoze

Is 66:1

Ix yalan Jehová icha tic: A satchaan̈ in despacho yaji, axo sat luum tic sb'achnub' voc yaji. A exxo tic, ¿b'ajtil ol e b'oq'ue junoc in pat b'aj vach' tzin aji?

Salmos 11:4

Palta ayec' Jehová d'a stemplo to an̈ej ay yico'. A d'a satchaan̈, ata' ay sdespacho, scham val sc'ool yilani, sch'olb'itan sb'eyb'al eb' anima.

Jn 4:21

Ix yalanxi Jesús d'a ix: —Ach ix, ac'och d'a a c'ool tas svala'. Ay jun tiempoal ol javoc, man̈xooclaj d'a jun vitz tic ol ul eyal e b'a d'a co Mam Dios. An̈ejtona' d'a Jerusalén, man̈xo yovaliloc ol ex c'och eyal e b'a ta'.

Jeremías 23:24

A in val Jehová in svala': Malaj junoc b'aj vach' e c'ub'anel e b'a d'ayin. ¿Tom man̈ eyojtacoc to ayinn̈ej ec' d'a masanil satchaan̈ yed' d'a masanil sat luum?

A Ch'an̈ B'ab'el Libro Yic Yab'ixal Eb' Rey 22:19

Yuj chi' ix yalanxi vin̈aj Micaías chi' icha tic: —Ab' val slolonel Jehová. Ix vila' to c'ojanem Jehová d'a yol sdespacho, axo eb' yángel d'a satchaan̈ oyanoch eb' d'a spatic yichan̈.

Apoc 3:21

A eb' ol ac'an techajoc, ol vaq'uem c'ojan eb' b'aj ay in despacho, icha ix aj vem c'ojan yed' in Mam b'aj ay sdespacho, yujto vac'nac techajoc.

Mt 24:2

Ix yalan d'a eb': —¿Tzam eyil juntzan̈ nivac pat tic smasanil? Val yel sval d'ayex, a juntzan̈ q'uen q'ueen latz'b'ilq'ue tic, man̈xa junoc q'uen ol can d'a yib'an̈ q'uen yetq'ueenal. Ol juchajem smasanil, xchi d'a eb'.

Mt 23:22

Tato ay pax mach slocan sb'i satchaan̈, syalelc'ochi, van slocan sb'i sdespacho Dios. Slocpax sb'i Dios yed'oc, yujto ata' ayec' Dios chi'.

Malaquías 1:11

Palta te nivan velc'och d'a sat masanil anima d'a yolyib'an̈q'uinal tic. A val tas vach' sn̈ustz'a eb' silab'il d'ayin. Syac'an yofrenda eb' d'ayin icha val d'a smojalil, yujto nivan velc'och d'a yol sat eb'.

A Ch'an̈ B'ab'el Libro Yic Yab'ixal Eb' Rey 8:27

Palta, ¿yel am val Mamin ol ach cajnaj d'a sat luum tic? Ina to max yab'laj satchaan̈ b'aj syal a cajnaji, ocxom val jab' pat ix in b'oq'ue tic d'ayach.

2 Cr 6:18

Palta jun, ¿tom syal a cajnaj d'a sat lum tic yed' eb' anima? Inatax satchaan̈, yelxo te nivan, palta max yab'laj b'aj tzach aji, ocxom jab' templo ix in b'oq'ue tic.