A Tas Sc'ulejnac Eb' Schecab' Jesús Hechos 4:23 - Chuj San Mateo Bible

²³ Ix lajvi yac'jiel vin̈aj Pedro yed' vin̈aj Juan chi' d'a libre, ix b'at eb' vin̈. Ix c'ochxi eb' vin̈ b'aj aycan juntzan̈xo eb' yetb'eyum. Ix laj yalan eb' vin̈ jantac tas ix yal eb' vin̈ sat sacerdote yed' eb' vin̈ ichamtac vinac ay yopisio.

Chuj San Sebastian Bible

²³ Xlajwn̈ej yel Pedro yet' Juan 'a libre, 'ix 'at eb'. 'Ix c'ochx eb' 'a 'aj 'aycn jun tzo'n̈ xo yitb'eym eb'. Cuxn xyal eb', jantcn̈ej tas 'ix alx 'a eb' yuj ewin sat ya'mal 'och sti eb' israel 'a Dios, yet' eb' 'ichmtac winc 'ay yopiso.

A Tas Sc'ulejnac Eb' Schecab' Jesús Hechos 4:23 Referans Kwoze

Salmos 119:63

Vach' vac'an yed' eb' syaq'uem sb'a d'ayach yed' eb' sc'anab'ajan a checnab'il.

Malaquías 3:16

A eb' ay yelc'och Jehová d'a yol sat, slolon eb' d'ay junjun, axo Jehová chi' tz'ab'an tas syal eb' chi'. Yuj chi' schecji tz'ib'chajcan sb'i eb' d'a jun libro, aton ta' sb'inajcan eb' ay yelc'och Jehová d'a yol sat, yujto ay val och spensar eb' d'ay.

Pr 13:20

Tato junn̈ej tzon̈ ec' yed' eb' ay spensar, squic' co jelanil d'a eb'. Tato junn̈ej tzon̈ ec' yed' eb' malaj spensar jun, tzon̈ satcanel yed' eb'.

Salmos 42:4

Ayic tzin naan juntzan̈ tic, ste och pitz'an d'a in c'ool. Tzin naancoti ayic ay in ec' d'a scal eb' anima, yic tzin cuchb'an eb', yic tzon̈ b'at d'a a templo. Man̈xo jantacoc yel yav eb' yuj tzalajc'olal yed' ac'oj yuj diosal. Nivan q'uin̈ ton val jun chi'.

Salmos 16:3

Te vach' yic eb' tzach c'anab'ajan d'a scal eb' a chon̈ab'. In gana tzin aj d'a scal eb'.

A Tas Sc'ulejnac Eb' Schecab' Jesús Hechos 16:40

Ix lajvi yelta eb' vin̈ d'a preso chi', ix b'atxi eb' vin̈ d'a spat ix Lidia. Ix sc'umlan sb'a eb' vin̈ yed' eb' creyente. Ix ac'jican yip sc'ool eb' yuj eb' vin̈. Ix lajvi chi' ix b'atxi eb' vin̈.

A Tas Sc'ulejnac Eb' Schecab' Jesús Hechos 4:22

A vin̈ ix b'oxi yoc chi', másxo 40 ab'il sq'uinal vin̈.

A Tas Sc'ulejnac Eb' Schecab' Jesús Hechos 4:24

Axo ix yab'an eb' yetb'eyum eb' vin̈ chi', junn̈ej molan̈ ix aj slesalvi eb' d'a Dios. Ix yalan eb' icha tic: —Mamin, ach co Diosal, a ach a b'onac satchaan̈ yed' lum luum tic, a' mar yed' smasanil tastac.