A Tas Sc'ulejnac Eb' Schecab' Jesús Hechos 4:21 - Chuj San Mateo Bible

²¹ Yuj chi', ix vach' xib'taj eb' vin̈ yuj eb' vin̈. Ix ac'jiel eb' vin̈ d'a libre. Max nachaj yuj eb' vin̈ tas syutej eb' vin̈ yac'anoch yaelal d'a yib'an̈ eb' vin̈. Yujto masanil eb' chon̈ab' van yalan vach' lolonel d'a Dios yuj jun ix sc'ulej eb' vin̈ chi'.

Chuj San Sebastian Bible

²¹ Yuj cha, swach' xib'tn cob' ewin eb'. Xlajw cha, xya'n 'el ewin eb' 'a libre. Ma'ix nachj 'el yuj ewinac, tas tzyutj ewin ya'n 'och syailal eb', yujto smasnil eb' 'anma xaln wach' paxti 'a Dios, yuj jun xb'o yuj eb' cha.

A Tas Sc'ulejnac Eb' Schecab' Jesús Hechos 4:21 Referans Kwoze

A Tas Sc'ulejnac Eb' Schecab' Jesús Hechos 5:26

Yuj chi', axo vin̈ yajal eb' stan̈van templo chi' yed' eb' vin̈ polencía, ix b'at eb' vin̈ yic'cot eb' vin̈. Palta ac'an̈c'olal ix yutej eb' vin̈ yic'ancot eb' vin̈ schecab' Jesús chi', yujto ix xiv eb' vin̈ sjulq'uenaj yuj eb' anima.

Lc 22:2

Axo eb' vin̈ sat sacerdote yed' eb' vin̈ c'ayb'um d'a ley Moisés ix sayan modo tas ol aj smilancham Jesús eb' vin̈ d'a c'ub'eltac, yujto xiv eb' vin̈ d'a eb' anima.

Lc 20:19

A eb' vin̈ sat sacerdote yed' eb' vin̈ c'ayb'um d'a ley Moisés, ix snib'ej eb' vin̈ syam Jesús d'a elan̈chamel, yujto ix snael eb' vin̈ to a eb' vin̈ van yalani, palta ix xiv eb' vin̈ d'a eb' anima.

Lc 20:6

Palta tato scala' to yic eb' anima, axom eb' anima ol on̈ sjulq'uenejcham eb', yujto a vin̈aj Juan chi', schecab' ton Dios yaj vin̈ d'a yichan̈ eb', xchi eb' vin̈.

Mt 21:46

Yuj chi' sgana eb' vin̈ ix syama'. Palta ix xiv eb' vin̈ d'a eb' anima, yujto a Jesús schecab' ton Dios yaj d'a eb' anima chi'.

Mt 9:8

Ayic ix yilan jun chi' eb' anima, ix te sat sc'ool eb'. Ix laj yalan vach' lolonel eb' d'a Dios yujto te nivan spoder Jesús ix sch'ox d'a eb' anima.

A Tas Sc'ulejnac Eb' Schecab' Jesús Hechos 5:40

Ix snaan eb' vin̈ yajal chi' to te yel syal vin̈. Yuj chi' ix avtajxioch eb' vin̈ schecab' Jesús chi' yuj eb' vin̈. Ix yalan eb' vin̈ to smac'ji eb' vin̈. Ix yalanpax eb' vin̈ d'a eb' vin̈ to maxtzac yalel yab'ixal Jesús eb' vin̈. Ix lajvi chi', ix actajel eb' vin̈.

A Tas Sc'ulejnac Eb' Schecab' Jesús Hechos 4:17

Axo ticnaic, yic max spuquel jun ab'ix tic eb' vin̈ d'a scal eb' anima, co xib'tejec eb' vin̈, yic vach' man̈xo ol yalel yab'ixal Jesucristo eb' vin̈ d'a junocxo anima, xchi eb' vin̈ yajal chi'.

Lc 13:17

Ayic ix yalan jun chi', masanil eb' ayoch ajc'olal d'ay, ix te q'uixvi eb'. Palta masanil juntzan̈xo eb' anima, ix te tzalaj eb' yilan juntzan̈ tas ix sc'ulej Jesús chi', yujto te nivan yelc'och juntzan̈ milagro chi'.

Lc 5:26

Ix laj och q'uelan eb' smasanil ix laj yalan vach' lolonel eb' d'a Dios, ix te sat sc'ol eb', yuj chi' ix laj yal eb': —Ix te sat co c'ool quilan juntzan̈ tic, xchi eb'.

Mt 26:5

Palta ix yalan eb' vin̈: —Max yal-laj co yaman vin̈ d'a yol q'uin̈ tic, yujto ay smay ol q'ue somnaj eb' anima scot yoval d'ayon̈ yuj vin̈, xchi eb' vin̈.

Mt 15:31

A eb' max yal sloloni, ix lolonq'ue eb', a eb' malaj sc'ab', ix b'oxi eb'. A eb' max yal sb'eyi, ix b'eyxi eb'. An̈eja' eb' max uji yilani, ix yilxi eb'. Ayic ix yilan juntzan̈ chi' eb' anima, ix te sat sc'ool eb'. Ix yalan vach' lolonel eb' d'a Dios.

Mt 9:33

Axo yic ix el jun enemigo chi' d'a vin̈ yuj Jesús, ix och ijan vin̈ sloloni. Yuj chi' ix te sat sc'ool eb' anima ayec' ta', ix yalan eb': —A d'a co cal a on̈ aj Israel on̈ tic, manta b'aj squil junoc icha jun tic, xchi eb'.

A Tas Sc'ulejnac Eb' Schecab' Jesús Hechos 4:22

A vin̈ ix b'oxi yoc chi', másxo 40 ab'il sq'uinal vin̈.

A Tas Sc'ulejnac Eb' Schecab' Jesús Hechos 5:13

Axo eb' man̈ creyenteoc, malaj eb' stec'b'ej sb'a sc'ochi yic smolb'an sb'a eb' yed' eb'. Palta yojtac eb' to te vach' eb' creyente chi'.