A Tas Sc'ulejnac Eb' Schecab' Jesús Hechos 3:16 - Chuj San Mateo Bible

¹⁶ A jun vin̈ tzeyil tic, eyojtac vin̈, toxonton max yal sb'ey vin̈. Palta a Jesús ix ac'an b'oxoc vin̈. Yujn̈ej to scac'och Jesús chi' d'a co c'ool ix b'oxi sc'ool vin̈ sic'lab'il d'a eyichan̈ e masanil.

Chuj San Sebastian Bible

¹⁶ A jun win tzeyil tic, eyojc xon winac. Palta a Jesús x'a'n b'oxc winac, yujto a tzca'ch 'a qui c'ojl on̈. Yujn̈ej to tzca'ch qui c'ojl 'a Jesús on̈, yuj cha, 'ix b'ox win si'mb'il 'a e sat e masnil.

A Tas Sc'ulejnac Eb' Schecab' Jesús Hechos 3:16 Referans Kwoze

A Tas Sc'ulejnac Eb' Schecab' Jesús Hechos 14:9

van yab'an vin̈ tas syal vin̈aj Pablo. Axo vin̈aj Pablo chi' ix och q'uelan d'a vin̈. Ix yilan vin̈ to syac'och vin̈ d'a sc'ool to syal sb'oxi vin̈ yuj Dios.

A Tas Sc'ulejnac Eb' Schecab' Jesús Hechos 4:10

Yuj chi' a jun tic ol cal d'ayex, yic ol yojtaquejel eb' quetisraelal smasanil. A vin̈ ix javi d'a eyichan̈ tic, ix b'oxi vin̈ yujn̈ej spoder Jesucristo aj Nazaret, aton jun ix e culusejq'uei. Palta axo Dios ix ac'anxi pitzvoc d'a scal eb' chamnac.

A Tas Sc'ulejnac Eb' Schecab' Jesús Hechos 3:6

Palta ix yalan vin̈aj Pedro chi' d'a vin̈: —A in tic, malaj in tumin. Palta ay jun syal vuuj, a yed' jun chi' ol in colvaj d'ayach. Yuj spoder Jesucristo aj Nazaret q'uean̈ vaan, b'eyan̈, xchi vin̈ d'a vin̈.

A Tas Sc'ulejnac Eb' Schecab' Jesús Hechos 16:18

Tzijtum el ix ec' ix qued'oc. An̈ej val jun chi' syal ix d'a juntac el. Axo vin̈aj Pablo chi', majxo techaj yuj vin̈ yab'ani. Yuj chi' ix meltzajb'at q'uelan vin̈ d'a ix. Ix yalan vin̈ d'a jun enemigo chi': —Sval d'ayach d'a sb'i Jesucristo, elan̈ d'a ix, xchi vin̈ d'ay. D'a jun rato chi' ix el d'a ix.

Mt 9:22

Yuj chi' ix meltzajb'at q'uelan Jesús d'a ix, ix yalan d'a ix: —Ach ix, tec'tec' tzutej a b'a. Tzach b'oxican vuuj, yujto in ac'och d'a a c'ool, xchi d'a ix. D'a jun rato chi' ix b'oxican ix.

1 Co 13:2

Vach'chom ac'b'il copisio calanel slolonel Dios, vach'chom snachajel masanil tas mantalaj mach ojtannac cuuj, taxon̈ej cojtac masanil tas d'a yolyib'an̈q'uinal tic, vach'chom scac' val och Dios d'a co c'ool, yic syal quic'anel junoc vitz d'a yed'tal, palta tato max co xajanej co b'a, te malaj jab'oc quelc'ochi.

Jn 14:12

Val yel sval d'ayex, a mach tzin ac'anoch d'a sc'ool, ol sb'o juntzan̈ munlajel tzin b'o tic. Ayto juntzan̈xo ec'alto ol sb'o d'a yichan̈ juntzan̈ tzin b'o tic, yujto ol in paxq'ue b'aj ay in Mam chi'.

A Tas Sc'ulejnac Eb' Schecab' Jesús Hechos 4:7

Ix b'at yac'an ic'joccot vin̈aj Pedro yed' vin̈aj Juan d'a yichan̈ eb' vin̈. Ix sc'anb'an eb' vin̈ d'a eb' vin̈: —¿B'ajtil ix eyic' jun eyopisio tic yic tze c'ulan juntzan̈ tic? ¿Mach tz'ac'an e c'uloc? xchi eb' vin̈.

A Tas Sc'ulejnac Eb' Schecab' Jesús Hechos 3:8

Ix q'ue jucnaj vin̈, ix och ijan vin̈ sb'eyi. Ix och vin̈ d'a yol yamaq'uil templo chi' yed' eb' vin̈, sq'ue chennaj vin̈ ayic sb'eyec' vin̈. Ix yalanpax vach' lolonel vin̈ d'a Dios.

Dt 32:4

A Jehová b'aj sco col co b'a lajan icha junoc q'uen nivan tenam. Te vach'n̈ej tas sb'o'o, te tojoln̈ej sb'eyb'al. Tz'eln̈ejc'och tas syala'.

A Tas Sc'ulejnac Eb' Schecab' Jesús Hechos 4:30

Ac' val a poder d'ayon̈, yic vach' ol b'oxoc sc'ool eb' penaay. Ac' co b'o juntzan̈ milagro sch'oxanel a poder, yujn̈ej Uninal aton Jesús, sic'b'ilcaneli, xchi eb' d'a Dios.

Jn 7:23

A ex tic tzeyac' circuncidar eb' unin d'a sc'ual ic'oj ip, yic max ex ec' d'a yib'an̈ jun ley Moisés chi'. Tato icha chi', ¿tas yuj scot eyoval d'ayin yujto ix vac' b'oxoc sc'ol jun vin̈ penaay d'a sc'ual ic'oj ip chi'?

Ro 3:22

Yujn̈ej to scac'och Jesucristo d'a co c'ool, tzon̈ och vach'il d'a yichan̈ Dios chi' yujto a eb' tz'ac'anoch d'a sc'ool, tz'och eb' vach'il d'a yichan̈. Jun lajan tzon̈ aj co masanil d'a yichan̈ Dios.

Mt 14:29

—Cotan̈, xchi d'a vin̈. Yuj chi' ix elta vin̈ d'a yol te' barco chi'. Ix b'eyb'at vin̈ d'a sat a' yic sc'och vin̈ d'a Jesús chi'.