A Tas Sc'ulejnac Eb' Schecab' Jesús Hechos 3:10 - Chuj San Mateo Bible

¹⁰ Yuj chi' ix te sat sc'ool eb' yuj tas ix aj sb'o vin̈, yujto yojtac eb' to junjun c'u c'ojanem vin̈ sc'an tumin d'a sti' spuertail yamaq'uil templo chi', aton d'a jun scuch Vach' Yilji.

Chuj San Sebastian Bible

¹⁰ Yuj cha, caw 'ix sat sc'ojl eb' si'mb'il, tas 'ix 'aj win sb'o'i, yujto yojc eb', 'a junjn c'u wocn 'ejm win sc'an stumn 'a sti yatut Dios, 'a jun tzcuch Wach' Yilxi.

A Tas Sc'ulejnac Eb' Schecab' Jesús Hechos 3:10 Referans Kwoze

A Tas Sc'ulejnac Eb' Schecab' Jesús Hechos 3:2

Ay jun vin̈, junjun c'u tzul chelchajcan d'a yol sti' jun spuertail yamaq'uil templo chi', aton d'a jun scuch Vach' Yilji, yic sc'an tumin vin̈ d'a eb' sc'och d'a yol yamaq'uil templo chi', yujto max yal sb'ey vin̈ yictax ix alji.

Jn 9:3

Ix yalan Jesús chi' d'a eb': —A jun vin̈ tic, man̈ yujoc smul smam snun vin̈, man̈ yujoc pax smul vin̈ icha chi' yajcani. Yujto snib'ej Dios sch'ox tas satub'tac yuj vin̈, yuj chi' icha tic yaj vin̈.

Jn 5:20

A in Mam chi', te xajan in yuuj a in Yuninal in tic. A jantacn̈ej tas sc'ulej, sch'oxpax d'ayin. Ayto val juntzan̈xo tas te nivan ol sch'oxo', ol te sat e c'ool eyilani.

Lc 9:43

Ix sat sc'ol eb' smasanil, yujto te nivan spoder Dios ix yil eb'. Yacb'an satnac sc'ol eb' yuj tas ix sc'ulej chi', ix yalan Jesús chi' d'a eb' sc'ayb'um:

A Tas Sc'ulejnac Eb' Schecab' Jesús Hechos 2:12

Ix laj sat sc'ool eb' smasanil, ix laj somchaj eb'. Ix laj yalan eb': —¿Tas val yaj juntzan̈ tic? xchi eb'.

A Tas Sc'ulejnac Eb' Schecab' Jesús Hechos 2:7

Ix te sat sc'ool eb', ix laj och q'ueljab' eb'. Ix laj yalan eb': —A val eb' van slolon tic, aj Galilea eb' smasanil.

Lc 4:36

Masanil eb' anima ayec' ta', ix te sat sc'ol eb' yuuj, ix laj yalan junjun eb': —¿Tastaxlaj yaj juntzan̈ slolonel jun vin̈ tic? A slolonel vin̈ tic sch'oxaneli to ay spoder schecanel juntzan̈ enemigo tic, tz'el eb' b'ian, xchi eb'.

Mt 14:35

Axo ix yilan eb' anima to a Jesús, ix laj yalanel eb' d'a juntzan̈ lugar chi'. Yuj chi' ix ic'jib'at masanil eb' penaay d'ay.

Jn 9:8

Axo ix yilan eb' ay d'a spatic schiquin spat vin̈ yed' juntzan̈xo eb' tz'ilantaxon sc'anan stumin vin̈, ix laj yalan eb': —¿Tom man̈oc jun vin̈ tic tz'em c'ojan c'anoj tumin? xchi eb'.