A Tas Sc'ulejnac Eb' Schecab' Jesús Hechos 28:4 - Chuj San Mateo Bible

⁴ Ayic ix yilan eb' aj chon̈ab' chi' to ix can chinan noc' d'a sc'ab' vin̈, ix yalan eb': —A jun vin̈ tic, tecan mac'umcham anima vin̈. Vach'chom ix yac' ganar vin̈ scolchaj d'a yib'an̈ a' mar tic, palta yovalil ol scha spac smul vin̈ chi', ol cham vin̈, xchi eb'.

Chuj San Sebastian Bible

⁴ 'Ix yiln eb' 'aj lugar cha, to xcan t'un̈n no 'a sc'ab'. Yuj cha, xyaln eb' 'ixtic: A win tic, tecn to ma'm cham 'anma winac. Wach'xam xyac' ganar scolchj 'el 'a a mar, palta yowlal 'oj scha spac jun smul cha, 'oj chamoc, xchi eb'.

A Tas Sc'ulejnac Eb' Schecab' Jesús Hechos 28:4 Referans Kwoze

Lc 13:4

Naeccot yuj 18 eb' anima chamnac yuj jun pat te chaan̈ steel lan̈chajnac d'a Siloé. ¿Tas yuj icha chi' ajnac eb' tze na'a? ¿Tom te chuc eb' d'a yichan̈ juntzan̈xo eb' yetchon̈ab' d'a Jerusalén chi'?

Lc 13:2

Yuj chi' ix yalan Jesús d'a eb': —¿Tzam e na tas yuj icha chi' ix aj eb' vin̈ aj Galilea chi'? ¿Yuj am to te chuc eb' vin̈ d'a yichan̈ juntzan̈ eb' yetchon̈ab' chi' tze na'a?

A Tas Sc'ulejnac Eb' Schecab' Jesús Hechos 28:5

Axo vin̈aj Pablo chi', ton̈ej ix stzicub'tan̈ej sc'ab' vin̈, ix em lan̈naj noc' d'a scal te' c'ac' chi'. Malaj jab'oc ix ic'an vin̈ yuj noc'.

A Tas Sc'ulejnac Eb' Schecab' Jesús Hechos 28:2

Axo eb' aj chon̈ab' chi' te vach' ix yutej spensar eb' d'ayon̈. Ix yac'anoch jun nivan c'ac' eb' yujto te siic, ay pax n̈ab'. Ix on̈ yavtanb'at eb' c'axnel.

Jn 7:24

Man̈ e comon ch'olb'itej junoc mach d'a ichn̈ejta'. Tato ay mach tze ch'olb'itej, d'a stojolal tzeyutej e ch'olb'itani, xchi Jesús d'a eb'.

Mt 23:35

Yuj chi', a d'a eyib'an̈ ol ja schamel masanil eb' tojol spensar ix miljicham d'a yolyib'an̈q'uinal tic, yictax ix cham vin̈aj Abel, jun vin̈ tojol spensar, masanto yic ix miljicham vin̈aj Zacarías yuninal vin̈aj Berequías. A vin̈aj Zacarías chi', ix miljicham vin̈ yuj eb' e mam eyicham chi' d'a snan̈al stemplo Dios yed' altar.

Is 43:20

Ol in yic'chaan̈ noc' caltacte'al noc', noc' oques yed' noc' avestruz, yujto ol vac' q'ueul a a' d'a lum taquin̈ lum chi'. Ol laj b'ey a' b'aj taquin̈taxon sat yic tzeyuc' a' ex in chon̈ab' ex sic'b'il ex el vuuj tic.

Apoc 21:8

Palta ay eb' scomon xivi yed' eb' max yac'och sc'ool d'ayin, eb' chuc sc'ulej, eb' milumcham anima, eb' tz'em d'a ajmulal, eb' ajb'aal yed' eb' ajchum, eb' tz'em cuman d'a juntzan̈ comon dios yed' masanil eb' tz'esani, a d'a yol jun c'ac' icha n̈ajab' sq'ue n̈iln̈on yoc calan yaj yed' azufre ol scha spac eb', aton jun schab'il chamel, xchi Dios.

Mt 27:25

Yuj chi', ix laj yalan eb' smasanil d'a vin̈: —Ochocab'can schamel vin̈ chi' co muloc yed' d'a yib'an̈ eb' cuninal, xchi eb'.

Sofonías 2:15

Icha chi' ol utaj jun chon̈ab' te ac'umtac syutej sb'a, malaj tas sna'a, syipc'olej sb'a sch'ocoj, syalan eb' cajan d'ay icha tic: Malaj junocxo chon̈ab' lajan yed' co chon̈ab' tic, xchi eb'. Palta ol can tz'inan, axon̈ej noc' chium noc' ol cajnajcan ta'. A eb' ol ec' d'a slac'anil chi', ol schin̈ub'tan̈ej sc'ab' eb', ol b'uchvaj eb' d'ay.

Is 26:21

yujto ol elta Jehová b'aj ay, yic syac'anoch syaelal masanil anima cajan d'a sat lum tic yuj schucal eb'. A lum luum tic man̈xo ol sc'ub'ejel eb' milb'ilcham d'a luum, palta ol checlajoc machtac miljinaccham eb'.

Pr 28:17

A eb' milumcham anima, yovalil schampax eb', man̈ smojoc to ay mach scolan eb'.

Gn 3:1

A noc' chan, yelxo val te jelan noc' d'a yichan̈ masanil noc' c'ultaquil noc' ix sb'o Jehová Dios. Ix yalan noc' d'a ix ix: —¿Tom yel ix yal Dios to max yal e loan sat masanil te' avb'en te' tic? xchi noc'.

A Tas Sc'ulejnac Eb' Schecab' Jesús Hechos 28:3

Axo vin̈aj Pablo chi' ix b'at mec'ancot juntzan̈xo te' b'olob'. Ayic van yac'anb'at te' vin̈ d'a yib'an̈ c'ac', ay jun noc' chan ix elta d'a scal te' yuj te' c'ac' chi'. Ix chiji sc'ab' vin̈ yuj noc', ix can chinan noc' d'ay.