A Tas Sc'ulejnac Eb' Schecab' Jesús Hechos 27:40 - Chuj San Mateo Bible

⁴⁰ Ix stzepan d'in̈chaj sch'an̈al q'uen syamanoch vaan te' barco chi' eb'. Ix can juntzan̈ q'uen q'ueen chi' d'a yol a' mar chi'. Ix stijanel sch'an̈al b'aj sch'umji te' eb', yic vach' syal sch'uman te' eb' junelxo. Ix yac'anxiq'ue jun icha mantiado eb' d'a chaan̈, yic a smac'ji yuj ic' sb'eyxi te'. Yuj chi' ix och ijan te' sb'at b'aj ay yarenail sti' a' chi'.

Chuj San Sebastian Bible

⁴⁰ 'Ix stzu'n can t'ucchjoc ewin sch'an̈l q'uen q'uen tzyamn 'och wan te barco cha. 'Ix can jun tzo'n̈ q'uen chi 'a yol a mar. 'Ix sjiyn 'el eb' sch'an̈l sch'umnb'il te 'ayt' 'a yojl a', sec wach' tztac' sch'umn eb' jun 'ejm xo. 'Ix ya'n q'ue eb' jun 'icha mantiado 'a cha'an̈, sec a tzma'x yuj 'ic', tzb'eyxi. Yuj cha, 'ix syamn 'och te s'at 'a 'aj 'ay yarenail sti a'.

A Tas Sc'ulejnac Eb' Schecab' Jesús Hechos 27:40 Referans Kwoze

Mt 4:18

Ayic van sb'eyec' Jesús d'a sti' a' n̈ajab' yic Galilea, ix yilani ayec' vin̈aj Simón scuch pax Pedro yed' jun vin̈ yuc'tac vin̈ scuchan Andrés. Van yac'anem jun schimpa eb' vin̈ yic yamlab' chay d'a yol a', yujto yamum chay eb' vin̈.

A Tas Sc'ulejnac Eb' Schecab' Jesús Hechos 27:17

Ix lajvi sq'uec'och te' d'a yib'an̈ te' nivan chi', axo eb' aj barco chi', ix sc'an juntzan̈ nivac lasu eb', yic stzec'an tzatzb'oc te' nivan chi' eb'. Yujto ix xiv eb' spoc'anem sb'a te' d'a yib'an̈ jun yarenail jun scuchan Sirte, ay d'a sjayil sti' a', yuj chi' ix stijemta juntzan̈ icha mantiado eb' ayq'ue d'a yib'an̈ te' barco chi', aton juntzan̈ smac'ji yuj ic'. Ix lajvi chi', ix on̈ can ichn̈ej ta'. Munilxon̈ej ix on̈ yic'b'at te' yed' ic' chi'.

A Tas Sc'ulejnac Eb' Schecab' Jesús Hechos 27:41

Palta ix spoq'uem sb'a te' d'a yib'an̈ q'uen arena ay d'a yich a'. Yuj chi' ix can ch'apan te' d'a q'uen arena chi'. Majxo ib'xoclaj jab'oc te'. Axo te' spatic elc'ochi van smac'jiel vecnaj te' yuj yipal a'.