A Tas Sc'ulejnac Eb' Schecab' Jesús Hechos 27:12 - Chuj San Mateo Bible

¹² A d'a jun lugar chi', malaj b'aj syal scan vaan te' barco chi' yic tz'ec' n̈ab'il q'uinal chi'. Yuj chi' quenxon̈ej man̈ masaniloc eb' ix naani to vach' tzon̈ b'atn̈ej, ta icha chi' colan tzon̈ c'och d'a chon̈ab' Fenice d'a yol yic Creta chi'. Ata' sgana eb' ix co tan̈vej ec' n̈ab'il q'uinal chi', yujto man̈ ovoc sc'och ic' ta'.

Chuj San Sebastian Bible

¹² Ax 'a jun lugar cha, may 'aj wach' tzcan te barco yic tz'ec' n̈ab'lq'uinal. Yuj cha, jab'xoj man̈ smasnilc eb' 'ix nani, to wach' tz'at eb'. Snan eb', toq'ue wach' 'oj c'och eb' 'a chon̈b' Fenice. An̈jtona jun chon̈b' cha, ata 'ay 'a yol yic Creta. Ata snib'j eb' stan̈wj yec' n̈ab'lq'uinal yujto man̈ owc yec' 'ic' ta'.

A Tas Sc'ulejnac Eb' Schecab' Jesús Hechos 27:12 Referans Kwoze

A Tas Sc'ulejnac Eb' Schecab' Jesús Hechos 27:8

Pural ix on̈ ec' d'a sti' Creta chi' masanto ix on̈ c'och d'a jun chon̈ab' scuch “B'aj Vach' Tz'och vaan Te' Barco” ay d'a slac'anil chon̈ab' Lasea.

Salmos 107:30

Ix tzalaj eb' ayic ix yilan eb' snumc'aj a'. Axo Dios ix ic'anb'at eb' d'a puerto b'aj d'in̈an sc'och eb' chi'.

A Tas Sc'ulejnac Eb' Schecab' Jesús Hechos 2:11

Ay pax eb' aj Creta yed' eb' aj Arabia. Co masanil scab' slolon eb' d'a co ti' yic syalan eb' jantac val tas satub'tac sb'o Dios, xchi eb'.

A Tas Sc'ulejnac Eb' Schecab' Jesús Hechos 27:7

Ayic ix on̈ b'atxi te tzijtum c'ual ix on̈ b'eyi, yujto c'ojanc'olal sb'ey te' barco chi'. Pural ix on̈ c'och d'a yichan̈cot chon̈ab' Gnido. Ix lajvi chi', ix on̈ ec' d'a slac'anil chon̈ab' Salmón, ix on̈ ec' pax d'a Creta, aton jun ay d'a snan̈al a' mar, yujto a jun ic' chi' an̈eja' man̈ tojoloc sb'eyi.

A Tas Sc'ulejnac Eb' Schecab' Jesús Hechos 27:13

Ix sna eb' to vach' tzon̈ b'ati, yujto ay jun ic' c'ojanc'olal van scot d'a sur. Yuj chi' ix on̈ b'ati. Ix on̈ ec' d'a slac'anil stitac Creta chi'.

A Tas Sc'ulejnac Eb' Schecab' Jesús Hechos 27:21

Nivan tiempo majxo on̈ valaj. Ix lajvi chi' ix q'ue lin̈an vin̈aj Pablo chi' d'a co cal. Ix yalan vin̈: —Ex vetanimail, octom val ix e cha eyab' tas ix vala'. Octom maj on̈ cotlaj d'a Creta chi'. Tato icha chi', maj am ja jun tic d'a quib'an̈, malaj am pax jab'oc tas ix sateli.

Tito 1:5

Vac'nac ach can d'a yol yic Creta chi', yic tza vach' b'oej juntzan̈ tas ayto sb'oi. Tza sic'anpaxelta eb' tz'och ancianoal d'a junjun chon̈ab'. Tza siq'uelta eb' icha vutejnac valancan d'ayach.

Tito 1:12

Ay jun vin̈ aj Creta chi' te jelan d'a scal eb'. Ix yal vin̈ icha tic: A eb' vetchon̈ab' tic, te esalvum eb'. Lajan val eb' icha junoc noc' noc' te ov. Te jaragana eb', an̈ej vael sgana eb' syac'a', xchi vin̈.