A Tas Sc'ulejnac Eb' Schecab' Jesús Hechos 26:24 - Chuj San Mateo Bible

²⁴ Ayic van yalan juntzan̈ chi' vin̈aj Pablo chi', axo vin̈aj Festo chi' ix q'ue jucnaj vin̈, ix yalan vin̈ d'a vin̈: —Pablo, tecan to ay tas tz'ixtan yol a jolom. Man̈ jantacoc tas a c'ayb'ejnac, yuj chi' a' ix q'ue d'a a jolom, xchi vin̈ d'a vin̈.

Chuj San Sebastian Bible

²⁴ Wan yaln Pablo jun tzo'n̈ tic, yic xyaln spaxti', ax Festo, xq'ue jucnjoc yaln 'a 'a: —Caw owya ach Pablo. Til wal tas a cuyjnac, yuj cha, ach 'och owyail, xchi win 'a 'a.

A Tas Sc'ulejnac Eb' Schecab' Jesús Hechos 26:24 Referans Kwoze

1 Co 1:23

Palta a on̈xo pax tic, scalel yab'ixal Cristo, chajtil ix aj scham d'a te' culus. A eb' israel chi', ton̈ej somchaj sc'ool eb' yuuj. Axo eb' man̈ israeloc, quistalil yaj jun ab'ix tic d'a eb'.

2 Co 5:13

A on̈xo tic, tato ichato ay tas tz'ixtan yol co jolom eyilani, yuj cac'an servil Dios icha chi' tzon̈ aji. Palta d'a val yel vach' co pensar. Icha chi' tzon̈ aji yuj ex cac'an servil.

1 Co 4:10

Ichato malaj co pensar d'a yichan̈ anima, yujto ayoch co pensar d'a Cristo. Palta a exxo tic, te jelan exxo d'a yic Cristo e naani. Cojtac to man̈ on̈ tec'anoc. A exxo tic, ichato te tec'an exxo. A on̈ tic, tzon̈ spatiquejel eb' anima. Palta a exxo tic, te ay val eyelc'och d'a sat eb'.

Mr 3:21

A ix yab'an eb' sc'ab' yoc Jesús, ix javi eb', ijan ix syam eb', yujto a snaan eb' to loco yaji.

A Tas Sc'ulejnac Eb' Schecab' Jesús Hechos 26:11

Tzijtum el vac'nacoch syaelal eb' yic maxtzac yac'och Jesús eb' d'a sc'ool in naani. Icha chi' ec' vutejnac in b'a d'a yoltac spatil culto. Te nivan chichonnac in c'ol d'a eb'. Xid'nac in pax ec' d'a juntzan̈ chon̈ab' te najat, xid' vac'annacoch syaelal eb'.

A Ch'an̈ Schab'il Libro Yic Yab'ixal Eb' Rey 9:11

Ayic ix c'ochxi vin̈aj Jehú chi' b'aj molanec' eb' vin̈ yetyajalil chi', ix sc'anb'an eb' vin̈ d'a vin̈: —¿Tas xchi, vach' ama? ¿Tas yuj ix ul ach yil jun vin̈ quistal chi'? xchi eb' vin̈. —A ex tic eyojtacxo vin̈, eyojtac tas syaltaxon eb' vin̈ schecab' Dios chi', xchi vin̈aj Jehú chi'.

A Tas Sc'ulejnac Eb' Schecab' Jesús Hechos 17:32

Palta ayic ix yab'an eb' to ol pitzvocxi eb' chamnac, ay eb' ix laj b'uchvaj d'a vin̈. Palta ay juntzan̈xo eb' ix alani: —Olto co c'anb'ejxi cab' juntzan̈ tic d'ayach, xchi eb' vin̈ d'a vin̈.

Os 9:7

Ex vetisraelal, van sjavi sc'ual sjavi yaelal. Ol nachajel eyuuj to toxo ix c'och sc'ual yic tze cha e tojol icha smojalil. Tzeyal icha tic: A eb' schecab' Dios, te malaj spensar eb'. A eb' cuchb'ab'il yuj Yespíritu Dios toxo ix och eb' locoal, xe chi. Tzeyal icha chi', yujto tz'alchaj e chucal yuj eb', yuj chi' schichon e c'ool d'a eb'.

A Tas Sc'ulejnac Eb' Schecab' Jesús Hechos 24:25

Ix yalan vin̈aj Pablo chi' d'a vin̈ to yovalil vach' scutej co b'eyb'al, sco cachanoch vaan co b'a yic max co c'ulej chucal. Ix yalanpax vin̈ to ol ch'olb'itaj yaj eb' anima smasanil. Ayic ix yab'an juntzan̈ chi' vin̈, ix te xiv vin̈. Ix yalan vin̈ d'a vin̈: —C'ocb'ilxo chi' tzala'. Tato ay b'aj ol och in colanil, ol ach vavtejxicoti, xchi vin̈.

A Tas Sc'ulejnac Eb' Schecab' Jesús Hechos 22:1

—Ex vetchon̈ab' yed' ex ichamtac vinac, ab'ec in lolonel sval tic d'ayex, xchi vin̈.

Jn 8:52

—A ticnaic scojtaquejeli to ayoch enemigo d'ayach. A vin̈aj Abraham yed' jantacn̈ej eb' schecab' Dios d'a peca', chamnacxo eb' smasanil. A achxo tic tzala': Tato ay mach sc'anab'ajan tas svala', malaj b'aq'uin̈ ol chamoc, nivanoc xa chi.

Jn 8:48

Ix yalanpax eb' vin̈ aj Judea chi' d'ay: —Tecan yel scala' to aj Samaria ach, tecan to ayoch junoc enemigo d'ayach, xchi eb' d'ay.

Jn 7:15

Axo eb' ay yopisio d'a scal eb' aj Judea chi', ix te sat sc'ol eb' yab'ani. Ix laj yalan eb': —¿Tas val syutej yojtacanel juntzan̈ syal tic? Ina man̈ c'ayb'ab'iloc, xchi eb'.

A Tas Sc'ulejnac Eb' Schecab' Jesús Hechos 24:27

Chab' ab'il ix yac' vin̈ icha chi' yed' vin̈aj Pablo chi'. Ix lajvi chi', ix el vin̈ d'a yopisio. Axo vin̈aj Porcio Festo ix ochcan sq'uexuloc vin̈. Axo yic ix el vin̈aj Félix chi' d'a yopisio chi', ix cann̈ej vin̈aj Pablo chi' d'a yol preso chi' yuj vin̈ yic vach' stzalaj eb' israel yed' vin̈.

2 Ti 3:15

Atax yic ix ach cotoch uninal, atax ta' ix a yamoch a c'ayb'an Slolonel Dios Tz'ib'ab'ilcani. Aton Slolonel chi' tz'ac'an jelanb'oc co pensar yic tzon̈ colchaji, yuj cac'anoch Cristo Jesús d'a co c'ool.