A Tas Sc'ulejnac Eb' Schecab' Jesús Hechos 24:1 - Chuj San Mateo Bible

¹ Yoilxo c'ual sc'och vin̈aj Pablo d'a Cesarea chi', ix c'och vin̈aj Ananías, vin̈ sat sacerdote. Ajun pax jayvan̈ eb' vin̈ ichamtac vinac ay yopisio yed' jun vin̈ licenciado scuch Tértulo. Ix c'och eb' vin̈ d'a yichan̈ vin̈aj Félix chi' yic syac'anb'at eb' vin̈ d'a yib'an̈ vin̈aj Pablo chi'.

Chuj San Sebastian Bible

¹ Chon̈ji xo sc'och Pablo 'a Cesarea, xc'och pax win Ananías, win sat ya'mal 'och sti eb' israel 'a Dios. Ajun pax jaywn̈ eb' 'ichmtac winc 'ay yopiso, yet' jun win licenciado Tértulo sb'i. 'Ix c'och ewin 'a yojltac Félix, yic tzya'n 'och ewin 'a yib'n̈ Pablo.

A Tas Sc'ulejnac Eb' Schecab' Jesús Hechos 24:1 Referans Kwoze

A Tas Sc'ulejnac Eb' Schecab' Jesús Hechos 24:11

Syal ojtacaneli to yel juntzan̈ ol val tic d'ayach. Manto c'ochlaj slajchavil c'ual in c'och d'a Jerusalén, yic sval in b'a d'a Dios.

A Tas Sc'ulejnac Eb' Schecab' Jesús Hechos 23:2

Axo vin̈aj Ananías, vin̈ sat sacerdote, ix alan d'a eb' ayec' d'a stz'ey vin̈aj Pablo chi' to stz'itb'at sti' vin̈ eb'.

A Tas Sc'ulejnac Eb' Schecab' Jesús Hechos 25:2

Axo eb' vin̈ sat sacerdote yed' juntzan̈xo eb' ay yopisio, ix c'och eb' d'a vin̈ yic sc'anoch eb' d'a yib'an̈ vin̈aj Pablo chi'.

A Tas Sc'ulejnac Eb' Schecab' Jesús Hechos 23:30

Palta ix vab'i to ay eb' israel ix slajtiej sb'a, ix yalan eb' to ol smilcham vin̈ eb'. Yuj chi' svac'b'at vin̈ d'ayach. Ix valan d'a eb' tz'ac'anoch d'a yib'an̈ vin̈ chi' to syal sb'at eb' d'ayach, b'at yalan eb' tas val spensar eb' d'a spatic vin̈. An̈ej tic svalb'at d'ayach, xchi vin̈ d'a scarta chi'.

A Tas Sc'ulejnac Eb' Schecab' Jesús Hechos 23:24

Tzeyac'an lista jayvan̈oc schejal vin̈aj Pablo. Yujto yovalil ol eyic'b'at vin̈ d'a vin̈aj Félix, vin̈ yajal. Te lista tzeyutej e b'a yic malaj ol ic'an vin̈ d'a yoltac b'e, xchi vin̈.

A Tas Sc'ulejnac Eb' Schecab' Jesús Hechos 21:27

Axo yic vanxo slajvi uque' c'ual chi', ay jayvan̈ eb' israel aj Asia, ayic ix yilan eb' to ayec' vin̈aj Pablo d'a yol yamaq'uil stemplo Dios, ix yac'anq'ue somnaj eb' anima eb' smasanil scot yoval. Ix syaman vin̈aj Pablo chi' eb'.

Salmos 11:2

Ina val eb' vin̈ chuc, syac' lista sjul-lab' eb' vin̈ yic sjulvaji, ijanxocan eb' vin̈ yed' sjul-lab' chi'. D'a c'ub'eltac sjulji eb' anima vach' yuj eb' vin̈.

1 Co 2:4

Ix in nib'ej to man̈oc in ix ex in montej. Yuj chi' ayic ix in lolon eyed'oc, ix valan eyab'i. Man̈ jelanoc ix vutej in b'a ayic ix valan d'ayex. A Yespíritu Dios, montannac ex yed' spoder Dios chi'.

1 Co 2:1

Ex vuc'tac ex vanab', ayic ix in ec' valel yab'ixal Dios te yel d'a e cal, man̈ jelanoc ix vutej in loloni. Man̈oc juntzan̈ lolonel syal eb' jelan ix ec' valeli.

A Tas Sc'ulejnac Eb' Schecab' Jesús Hechos 25:15

Ayic ix in xid'ec' d'a Jerusalén, a eb' sat sacerdote yed' eb' ichamtac vinac ay yopisio ix c'och eb' d'ayin, ix yac'anoch eb' d'a yib'an̈ vin̈aj Pablo chi'. Sgana eb' ix vac'och chamel d'a yib'an̈ vin̈.

A Tas Sc'ulejnac Eb' Schecab' Jesús Hechos 12:21

Axo vin̈ rey chi' ix alani tas c'ual sc'och eb' d'a yichan̈ vin̈. Axo d'a jun c'u chi', ix yac'och juntzan̈ spichul vin̈ te vach', icha yic eb' rey smasanil. Ix lajvi chi', ix em c'ojan vin̈ d'a sc'ojnub'. Ix och ijan vin̈ slolonelta d'a eb' anima chi'.

Is 3:3

eb' yajal yaj d'a 50 eb' soldado, eb' nivac yelc'ochi, eb' ac'um razón, eb' tzuji yuuj yed' eb' ajb'aal.

A Tas Sc'ulejnac Eb' Schecab' Jesús Hechos 23:33

Axo yic ix c'och eb' d'a chon̈ab' Cesarea chi', ix yac'an ch'an̈ carta chi' eb' d'a vin̈ yajal chi'. Ix yac'ancan vin̈aj Pablo chi' eb' d'a vin̈.

A Tas Sc'ulejnac Eb' Schecab' Jesús Hechos 24:2

Ayic ix ic'jicot vin̈, ix och ijan vin̈aj Tértulo chi' yac'anb'at d'a yib'an̈ vin̈. Ix yalan vin̈ icha tic d'a vin̈aj Félix chi': —Ach cajal Félix, yuj val dios d'ayach, uuj junc'olal caji. Te vach' yaj jantacn̈ej tas d'a yol a c'ab', yujto te jelan ach.