A Tas Sc'ulejnac Eb' Schecab' Jesús Hechos 1:21 - Chuj San Mateo Bible

^21-22 Yuj chi' co siq'uequelta junoc mach tz'och sq'uexuloc vin̈. Scac'anoch yopisio yalaneli to ix pitzvixi Jesús. A jun ol co siq'uelta chi', yovalil toxonton quetb'eyum co b'a yed'oc ayic on̈ ec' yed' Cajal Jesús, yictax yac'jinac bautizar eb' anima yuj vin̈aj Juan, masanto ix pax Jesús d'a satchaan̈, xchi vin̈aj Pedro chi' d'a eb'.

Chuj San Sebastian Bible

^21-22 Yuj cha, qui si'c 'elt junc mach tz'och sjelc winac. Tzca'nec 'och yopiso yaln 'eli, chajtlto yel 'ix pitzw pax Jesús. A jun 'oj qui si'c 'elt cha, yowlal quitb'eymec xon qui b'a yet'oc, yic on̈ 'e'c yet' Cajlil Jesús. A jun cha, yowlal ajun xon quet'ec, yictax yajx bautisar Jesús yuj Juan, masnto x'ijx 'at 'a satcha'an̈, xchi Pedro 'a eb'.

A Tas Sc'ulejnac Eb' Schecab' Jesús Hechos 1:21 Referans Kwoze

Jn 15:27

An̈ejtona', ich ex ta', ol eyac' testigoal e b'a, yujto junn̈ej ec'nac ex ved'oc yictax ix el yich in munlajel tic.

A Ch'an̈ Schab'l Libro Samuel 5:2

D'a yalan̈taxo ayic aytooch vin̈aj Saúl co reyaloc, a ach on̈ a cuchb'ejnac d'a oval. An̈eja' pax Jehová alannac d'ayach to a ach ol on̈ a cuchb'ej yed' och co reyaloc, xchi eb'.

Dt 31:2

Ayxo 120 ab'il in q'uinal, man̈xa val vip in b'eyec' ex in cuchb'ej, an̈ejtona' toxo ix yal Jehová d'ayin to man̈xo ol in c'axpajec' d'a a' Jordán tic.

Nm 27:17

yic scuchb'ejb'at eb' yic sb'atn̈ej eb', yic max satec' eb' icha noc' calnel malaj stan̈vumal, xchi vin̈.

A Ch'an̈ B'ab'el Libro Yic Yab'ixal Eb' Rey 3:7

Mamin Jehová in Diosal, vach'chom quelem into, mantalaj in jelanil yic svalan tas tz'aj eb' anima, palta ix el val d'a a c'ool ix in ac'anoch reyal sq'uexuloc vin̈ in mam chi'.

Lc 24:3

Ix och eb' ix d'a yol q'ueen, ix yilan eb' ix to man̈xalaj snivanil Jesús Cajal ayeq'ui.