A Ch'an̈ Schab'l Libro Samuel 9:3 - Chuj San Mateo Bible

³ Ix sc'anb'an vin̈ rey chi' d'a vin̈ icha tic: —¿Man̈xa am val junoc yin̈tilal vin̈aj Saúl ayeq'ui, yic tzin ch'ox in vach'c'olal d'ay icha ix vutej vac'an in ti' d'a yichan̈ Jehová? xchi vin̈. Ix tac'vi vin̈aj Siba chi': —Aytocan jun vin̈ yuninal vin̈aj Jonatán, chuclaj yoc vin̈ schab'il, xchi vin̈.

Chuj San Sebastian Bible

³ 'Ix yaln David 'a win 'ixtic: —¿Man̈x am wal junc yin̈tl win Saúl xcani, 'a 'aj wach' tzin ch'ox in wach'c'ojlal, 'icha wutjnac wa'n in ti 'a sat Dios? xchi. —'Ayt can jun win yunnal Jonatán may yip yoc schab'il, xchi Siba.

A Ch'an̈ Schab'l Libro Samuel 9:3 Referans Kwoze

A Ch'an̈ Schab'l Libro Samuel 4:4

(A vin̈aj Jonatán yuninal vin̈aj Saúl ay jun yuninal vin̈ cannac scuch Mefi-boset. A jun vin̈ chi', man̈ vach'oc yoc vin̈ schab'il, yujto ayic oye'anto ab'il sq'uinal vin̈, ix javi yab'ixal tas ix uji d'a Jezreel to toxo ix cham vin̈aj Saúl yed' vin̈aj Jonatán. Yuj chi' ix cheljib'at vin̈ yuj jun ix tz'ilan q'uib'oc, ix b'at eb' elelal yalani. Yujto ix spil yip ix yeli, ix yactanel vin̈ ix, yuj chi' icha chi' ix aj yixtaxcan yoc vin̈ chi'.)

Lc 6:36

Oc'ocab' e c'ool d'a eb' eyetanimail, icha tz'aj yoc' sc'ol Dios d'ayex.

Dt 10:15

Yujto xajan eb' co mam quicham yuuj, yuj chi' ix sic'jicanel yin̈tilal eb' yuuj, a on̈ toni, ix on̈ sic'jiel d'a scal juntzan̈xo chon̈ab' yuuj icha cajcan tic.

A Ch'an̈ Schab'l Libro Samuel 19:26

Ix tac'vi vin̈aj Mefi-boset chi': —Mamin rey, yujto chuclaj voc, yuj chi' ix val d'a vin̈ in checab' aj Siba to syac'och stz'um noc' in b'uru vin̈, tzin q'ue d'a yib'an̈ noc' yic tzin b'at ed'oc valani, palta ix smusej in sat vin̈.

Dt 4:37

A val Jehová xajanannac eb' co mam quicham, yuj chi' on̈ sic'naccanel a on̈ yin̈til on̈ can eb'. Slajvi chi' on̈ yic'anelta d'a Egipto, ayn̈ej och qued'oc yed' val spoder.

A Ch'an̈ Schab'l Libro Samuel 9:7

Ix yalan vin̈aj David chi' d'a vin̈ icha tic: —Man̈ ach xivoc, vach' ol vutej in b'a d'ayach yuj b'aj xajan yilnac in vin̈aj Jonatán vin̈ a mam. Ol vac'xican masanil lum sluum vin̈ a mam icham aj Saúl d'ayach. Ol ach van̈ej ved' d'a in mexa, xchi vin̈.

A Ch'an̈ Schab'l Libro Samuel 9:13

A vin̈aj Mefi-boset chi', chuclaj yoc vin̈ schab'il, a d'a Jerusalén ayec' vin̈ yujto ata' sva vin̈ yed' vin̈aj rey David chi'.

A Ch'an̈ Schab'l Libro Samuel 19:27

Ix yesejpaxel in ti'oc vin̈ d'ayach. A ach tic mamin rey, lajan ach icha junoc Yángel Dios. Elocab' c'och tas tza nib'ej.