A Ch'an̈ Schab'l Libro Samuel 9:13 - Chuj San Mateo Bible

¹³ A vin̈aj Mefi-boset chi', chuclaj yoc vin̈ schab'il, a d'a Jerusalén ayec' vin̈ yujto ata' sva vin̈ yed' vin̈aj rey David chi'.

Chuj San Sebastian Bible

¹³ Palta a 'a Jerusalén ata cajn Mefi-boset, atn win may yip yoc, yujto ata tzwa yet' win rey.

A Ch'an̈ Schab'l Libro Samuel 9:13 Referans Kwoze

A Ch'an̈ Schab'l Libro Samuel 9:7

Ix yalan vin̈aj David chi' d'a vin̈ icha tic: —Man̈ ach xivoc, vach' ol vutej in b'a d'ayach yuj b'aj xajan yilnac in vin̈aj Jonatán vin̈ a mam. Ol vac'xican masanil lum sluum vin̈ a mam icham aj Saúl d'ayach. Ol ach van̈ej ved' d'a in mexa, xchi vin̈.

A Ch'an̈ Schab'l Libro Samuel 9:3

Ix sc'anb'an vin̈ rey chi' d'a vin̈ icha tic: —¿Man̈xa am val junoc yin̈tilal vin̈aj Saúl ayeq'ui, yic tzin ch'ox in vach'c'olal d'ay icha ix vutej vac'an in ti' d'a yichan̈ Jehová? xchi vin̈. Ix tac'vi vin̈aj Siba chi': —Aytocan jun vin̈ yuninal vin̈aj Jonatán, chuclaj yoc vin̈ schab'il, xchi vin̈.

A Ch'an̈ Schab'l Libro Samuel 9:12

Ay jun yuninal vin̈aj Mefi-boset chi' yuneto scuchan Micaía. Masanil mach ayec' d'a spat vin̈aj Siba chi', schecab' vin̈aj Mefi-boset chi' yaj eb'.

Jeremías 52:33

Ichato chi' ix sq'uexanel spichul vin̈aj Joaquín chi' yic preso, axon̈ej yed' vin̈ rey ix va vin̈ masanto ix cham vin̈.

A Ch'an̈ Schab'l Libro Samuel 4:4

(A vin̈aj Jonatán yuninal vin̈aj Saúl ay jun yuninal vin̈ cannac scuch Mefi-boset. A jun vin̈ chi', man̈ vach'oc yoc vin̈ schab'il, yujto ayic oye'anto ab'il sq'uinal vin̈, ix javi yab'ixal tas ix uji d'a Jezreel to toxo ix cham vin̈aj Saúl yed' vin̈aj Jonatán. Yuj chi' ix cheljib'at vin̈ yuj jun ix tz'ilan q'uib'oc, ix b'at eb' elelal yalani. Yujto ix spil yip ix yeli, ix yactanel vin̈ ix, yuj chi' icha chi' ix aj yixtaxcan yoc vin̈ chi'.)

A Ch'an̈ Schab'l Libro Samuel 19:27

Ix yesejpaxel in ti'oc vin̈ d'ayach. A ach tic mamin rey, lajan ach icha junoc Yángel Dios. Elocab' c'och tas tza nib'ej.