A Ch'an̈ Schab'l Libro Samuel 5:7 - Chuj San Mateo Bible

⁷ Vach'chom icha chi' ix yal eb', palta ix yac' ganar chon̈ab' Sion vin̈ rey chi', yuj chi' schon̈ab' vin̈aj David ix sb'iejcani.

Chuj San Sebastian Bible

^7-8 A 'a yic jun tiempoal cha, ata xyal David 'a eb' soldado 'ixtic: E masnil ax 'oj eyoch a owal, b'eyn̈ec 'och 'a yojl 'aj tzb'ey a a tz'o'ch 'a yol chon̈ab'. Tzlajw cha, tze miln cham eb' cob' tzyalch sb'a to matz uj yilni, yet' smasnil eb' tz'em sb'eyi. A jun tzo'n̈ eb' cha, caw wal tzin yajl eb', xchi. Yuj cha, yalx can jun paxti 'ixtic: A eb' matz 'uj yilni, yet' eb' tz'em sb'eyi, matz tac' yoch eb' 'a yol sdespacho win rey, xchi. Ax x'aji, x'ejm jun niwquil cuartel 'a Sión chi yuj David, yuj cha, scuchn can Schon̈b' David.

A Ch'an̈ Schab'l Libro Samuel 5:7 Referans Kwoze

A Ch'an̈ B'ab'el Libro Yic Yab'ixal Eb' Rey 2:10

Axo yic ix cham vin̈aj rey David chi', a d'a chon̈ab' scuch Schon̈ab' David, ata' ix mucchaj vin̈.

A Ch'an̈ Schab'l Libro Samuel 6:16

Ayic ix javi te' scaxail trato chi' d'a schon̈ab' vin̈aj David chi', d'an̈anelta ix Mical yisilcan vin̈aj Saúl d'a sventena. Ix yilan ix to a vin̈aj David chi' sq'ue chennaj vin̈ d'a yichan̈ Jehová, yuj chi' ix chab'axq'ue sc'ol ix d'a vin̈.

A Ch'an̈ Schab'l Libro Samuel 6:12

Ayic ix yab'an vin̈aj rey David chi' to yuj te' scaxail strato Jehová, ix yac' svach'c'olal Jehová d'a yib'an̈ vin̈aj Obed-edom chi' yed' eb' cajan yed' vin̈ yed' masanil tastac ay d'a vin̈, yuj chi' ix b'at yic'anxicot te' vin̈aj David chi'. Yed' val tzalajc'olalil ix yic'cot te' vin̈ d'a yol schon̈ab'.

Apoc 14:1

Ix lajvi chi' ix vilani, a jun Calnel sb'i, lin̈anec' d'a sjolom lum tzalan Sion. Ayec' pax 144 mil eb' anima yed'oc. Axo d'a snan̈al sat junjun eb', tz'ib'ab'iloch sb'i jun Calnel sb'i chi' yed' sb'i Smam.

A Ch'an̈ Carta D'a Eb' Hebreo 12:22

Palta a on̈xo tic, man̈oc talaj ayb'at co pensar. Yujto a d'a jun tzalan scuch Sion yed' d'a jun chon̈ab' yic Dios pitzan, ata' ayb'at co pensar. A jun chon̈ab' chi', aton jun Jerusalén ay d'a satchaan̈, jun b'aj man̈xo b'ischajb'enoc eb' ángel.

Ro 9:33

Yalnac yab'ixal Cristo Dios d'a Slolonel, b'aj syal icha tic: A d'a chon̈ab' Sion, ata' ol in ch'ox junoc mach icha junoc q'ueen b'aj stenoch yoc eb', stelvi eb' yuuj, palta a eb' tz'ac'anoch jun chi' yipoc sc'ool, man̈ ol somchajel-laj eb' yuuj, xchi Dios chi'.

Miqueas 4:2

Man̈ jantacoc sb'isul eb' anima d'a junjun nación ol laj alan d'ay junjun icha tic: Cotan̈ec, con̈ q'ueec d'a jolom vitz b'aj ay stemplo Jehová sDiosal vin̈aj Jacob yic tzon̈ sc'ayb'ej d'a sb'eyb'al, yic ol co b'eyb'alej sb'eyb'al chi', xcham eb'. Yujto a d'a Sion, aton Jerusalén ol elta sc'ayb'ub'al Jehová, aton schecnab'il.

Is 59:20

A Jehová tz'alani to ol javoc scol eb' aj Sion, aton eb' yin̈tilal Jacob sna sb'a yuj schucal.

Is 12:6

A on̈ cajan on̈ d'a Sion tic, elocab' cav d'a tzalajc'olal, yujto a co Diosal ayec' qued' a on̈ israel on̈ tic, Axon̈ej Ochi. Te nivan pax yelc'ochi, xe chama.

Salmos 132:13

Mamin Jehová, a ach ix a sic'canel lum tzalan Sion yic tzach cajnaj ta', yujto icha chi' snib'ej a c'ool.

Salmos 87:2

Yelxo val te xajan chon̈ab' Sion yuj Jehová d'a yichan̈ juntzan̈xo co chon̈ab' a on̈ yin̈tilal on̈ vin̈aj Jacob.

Salmos 51:18

Ac' a vach'c'olal d'a Sion. Yuj svach'il a c'ool, b'oxiq'ue smuroal Jerusalén.

Salmos 48:12

Ec'an̈ec oyoyoc d'a spatic yichan̈ Sion, tze b'isani jaye' storreal.

Salmos 9:11

B'itanan̈ec d'a Jehová Cajal d'a Sion, alec yab' eb' chon̈ab' tastac ix sc'ulej.

Salmos 2:6

Toxo ix vac'och yopisio Vin̈ Rey d'a tzalan Sion, aton jun tzalan sic'b'ilel vuuj, xcham Jehová chi'.

2 Cr 24:16

A d'a schon̈ab' vin̈aj David ix mucji vin̈, aton b'aj smucchaj eb' vin̈ rey. A tas ix sc'ulej vin̈ te vach'n̈ej yuj svach'iloc eb' yetisraelal, vach' ix yutej vin̈ yac'an servil Dios yed' d'a stemplo.

2 Cr 5:2

Ix lajvi chi' axo d'a sc'ual q'uin̈ te nivan yelc'och d'a yuquil uj d'a yol ab'il chi', ix schecan vin̈aj Salomón chi' smolb'ej sb'a masanil eb' yichamtac vinaquil chon̈ab' Israel chi' d'a Jerusalén yed' masanil eb' yajal yaj d'a junjun in̈tilal yed' eb' nivac yelc'och d'a scal eb' sc'ab' yoc. Ix smolb'ej sb'a eb', yic tz'ic'chajcot te' scaxail strato Jehová yuj eb' levita d'a Sion, aton schon̈ab' vin̈aj David.

1 Cr 11:7

Ix lajvi chi', ix cajnaj vin̈aj rey David d'a cuartel d'a Sion chi', yuj chi' Schon̈ab' Vin̈aj David ix sb'iejcani.

A Ch'an̈ B'ab'el Libro Yic Yab'ixal Eb' Rey 8:1

A te' scaxail strato Jehová, ayec' te' d'a schon̈ab' vin̈aj David scuchan Sion. Axo vin̈aj Salomón ix naani to syic'b'at te' vin̈ d'a yol templo yacb'an molanec' masanil eb' anima d'a Jerusalén yuj snaancot q'uin̈ chinama eb' d'a yuquil uj scuchan Etanim. Yuj chi' ix smolb'an masanil eb' yichamtac vinaquil chon̈ab' Israel vin̈, eb' yajal yaj d'a junjun yin̈tilal eb' yed' eb' sat yaj d'a junjun macan̈ eb'.

A Ch'an̈ B'ab'el Libro Yic Yab'ixal Eb' Rey 3:1

Ix yic'laj sb'a vin̈aj Salomón yed' ix yisil vin̈ sreyal Egipto yic tz'och junc'olal d'a scal schon̈ab' eb'. A d'a schon̈ab'can vin̈aj David ix ic'jib'at ix yuj vin̈ yacb'an sb'ochaj spalacio vin̈ yed' stemplo Jehová yed' pax muro d'a spatictac Jerusalén.

A Ch'an̈ Schab'l Libro Samuel 6:10

Majxo yal-laj sc'ol vin̈aj David chi' ix yic'cot te' caxa chi' d'a schon̈ab'. Yuj chi' ix yal vin̈ to tz'ic'jib'at te' d'a spat vin̈aj Obed-edom aj Gat.

A Ch'an̈ Schab'l Libro Samuel 5:9

Ix lajvi chi', ix cajnaj vin̈aj David chi' d'a cuartel ay d'a jun chon̈ab' chi', ix yac'an scuch vin̈ Schon̈ab' Vin̈aj David, ix laj sb'oanq'ue juntzan̈xo pat vin̈ d'a spatictac, ix schael yich b'aj ix mucchaj jun ch'olan.

A Ch'an̈ Schab'l Libro Samuel 5:8

A d'a jun c'u chi', ix yal vin̈aj David d'a eb' soldado: A mach sb'ab'lajoch yac' oval yed' eb' jebuseo tic, ochocab' d'a sb'e a a' tz'ochc'och d'a yol chon̈ab' chi', smilancham masanil eb' max uji yilan yed' eb' tz'em sb'eyi. A val juntzan̈ eb' chi', tzin yaj eb', xchi vin̈. Ata' elnaccancot jun lolonel tz'alji: A eb' max uji yilani yed' eb' tz'em sb'eyi, max yal-laj yoch eb' d'a yol spalacio vin̈ rey, xchi.

Jeremías 21:13

Ex aj Jerusalén, te chaan̈ eyajq'ue d'a yib'an̈ lum ac'lic, icha yajq'ue junoc nivan tenam d'a lum ac'lic chi'. Palta a in Jehová in svala' to aycot yoval in c'ol d'ayex. Tzeyal icha tic: ¿Mach ol yal yac'an oval qued'oc? ¿Mach ol yal sq'ueul b'aj sco col co b'a tic? xe chi.

Nehemías 3:15

A vin̈aj Salum yuninal vin̈aj Colhoze, yajal d'a yol smacb'en chon̈ab' Mizpa, a vin̈ ix b'oanxiq'ue b'aj ix can sti' d'a sjaj a a'. Ix yac'q'ue spatil vin̈, ix yac'anoch spuertail chi' vin̈, ix ec'paxcan c'atan q'uen hierro syamnub'oc. Ix sb'oanxiq'ue muro chi' vin̈ b'aj ay tanque scuch Siloé d'a slac'anil yavb'en te' eb' rey, masanto b'aj b'achquiltac yem sb'eal schon̈ab' vin̈aj David.

Salmos 48:3

A Dios ayec' d'a juntzan̈ palacio d'a tzalan Sion tic. Ojtacab'il to a Dios ayoch co columaloc.