A Ch'an̈ Schab'l Libro Samuel 5:23 - Chuj San Mateo Bible

²³ Yuj chi' ix sc'anb'ejxi vin̈aj David chi' d'a Jehová. Ix tac'vixi Jehová chi' d'a vin̈: —Man̈ ach c'och d'a sat eb', palta to a d'a spatictac eb' ol ach cotoc. A b'aj ay juntzan̈ te' bálsamo tzach coti.

Chuj San Sebastian Bible

²³ Xlajw cha, sc'anb'n pax David 'a Jehová, yuj cha, xta'w 'a 'a, xyaln 'ixtic: —Man̈oc 'a sat eb' tzach 'at ac' owal, palta tzoycn eb' b'ab'el, ax 'a spatquil eb' tzach coti. Ata tzach c'och 'a 'aj 'ay eb' te te bálsamo sb'i.

A Ch'an̈ Schab'l Libro Samuel 5:23 Referans Kwoze

1 Cr 14:14

Yuj chi', ix sc'anb'ejxi vin̈aj rey David chi' d'a Dios, ix yalan Dios d'a vin̈ icha tic: —A ticnaic, man̈ ach och d'a sat eb' ac'an oval, palta to a d'a spatic eb' tzach coti, b'aj ay te' bálsamo.

Josué 8:7

Axo yic ol eyilan icha chi', ol ex elta b'aj c'ub'an ex chi', axo eyoch n̈ilnaj d'a yol chon̈ab' chi', yujto a Jehová ol ac'anoch jun chon̈ab' chi' d'a yol co c'ab'.

Josué 8:2

Icha val ix eyutej chon̈ab' Jericó yed' vin̈ sreyal, icha pax chi' ol eyutej jun chon̈ab' chi' yed' vin̈ sreyal. Axo pax masanil tastac ay d'ay yed' noc' noc', tzeyiquejcani ayic toxo ix eyac' ganar. Ac'b'at junoc macan̈ eb' vin̈ soldado yic sb'at sc'ub'anel sb'a eb' vin̈ d'a spatictac jun chon̈ab' chi', axo junocxo macan̈ eb' vin̈ b'at tzuntzanelta eb' cajan chi' ta', xchi Jehová chi' d'a vin̈.

A Ch'an̈ B'ab'el Libro Samuel 22:15

¿Tocval b'ab'elto tzin c'anb'ej d'a Dios yuj vin̈? Mamin rey, malaj b'aj tzin och ajc'olal d'ayach, yuj chi' mocab'a tas tza na' d'a in patic yed' d'a spatic eb' in c'ab' voc, yujto man̈ vojtacoc jab'oc tas yaj jun lolonel tic, xchi vin̈.

A Ch'an̈ B'ab'el Libro Samuel 23:2

ix b'at sc'anb'an yab' vin̈ d'a Jehová icha tic: —¿Tzam in a chab'at vac' oval yed' juntzan̈ filisteo chi'? xchi vin̈. Ix tac'vi Jehová: —Ixic ac' oval, tza colancanel chon̈ab' Keila tic, xchi d'a vin̈.

A Ch'an̈ Schab'l Libro Samuel 5:19

Ix sc'anb'an vin̈aj David chi' d'a Jehová icha tic: —¿Tzam yal vac'an oval yed' eb' filisteo chi'? ¿Ol am ac'och eb' d'a yol in c'ab'? xchi vin̈. Ix tac'vi Jehová chi': —Ixic, ac' oval yed' eb'. A in ol vac'och eb' d'a yol a c'ab', xchi d'a vin̈.

A Ch'an̈ Schab'l Libro Samuel 2:1

Ix lajvi chi', ix sc'anb'an vin̈aj David d'a Jehová icha tic: —¿Tom syal in q'uexc'och d'a yol junoc chon̈ab' d'a yol yic Judá? xchi vin̈. Ix tac'vi Jehová chi' d'a vin̈: —Syala', xchi. Ix sc'anb'anpax vin̈: —¿Mach junoc chon̈ab' b'aj syal in c'ochi? xchi vin̈. —A d'a chon̈ab' Hebrón syal a c'ochi, xchi Jehová chi'.