A Ch'an̈ Schab'l Libro Samuel 24:25 - Chuj San Mateo Bible

²⁵ Ix sb'oanq'ue jun altar vin̈ d'a Jehová, ix yac'an silab' vin̈ sn̈usji yed' pax silab' yic junc'olal d'ay. Ichato chi' ix schaan yab' Jehová tas ix sc'an vin̈aj David chi' yuj chamel van yoch d'a yoltac schon̈ab' eb' israel. Yuj chi' ix vanaj jun ilya chi'.

Chuj San Sebastian Bible

²⁵ 'Ix sb'o chan̈ David jun yet'l xajmb'al 'a Jehová 'a jun lugar cha, 'ix yac' tz'a xajmb'al, yet' xajmb'al yic junc'ojlal. 'Ixtnta 'ix yutj Jehová yab'ni, yuj tas 'ix sc'an yuj chaml wan yoch 'a chon̈b' Israel, yuj cha, 'ix 'och wan jun yab'il cha.

A Ch'an̈ Schab'l Libro Samuel 24:25 Referans Kwoze

A Ch'an̈ Schab'l Libro Samuel 21:14

Ix mucji sb'aquil eb' vin̈ chi' d'a Zela d'a yol yic Benjamín, aton b'aj mucan vin̈aj Cis smam vin̈aj Saúl chi'. Ix uji masanil tas icha ix aj yalan vin̈ rey chi'. Ix lajvi chi', ix yab' Dios tas ix c'anchaj d'ay yuj svach'iloc chon̈ab'.

A Ch'an̈ Schab'l Libro Samuel 24:14

Ix yalan vin̈ rey chi' d'a vin̈: —Maxtzac nachaj vuj ticnaic tas tz'aj valani. Vach' tzon̈ can d'a yol sc'ab' Jehová, yujto nivan tz'oc' sc'ol d'ayon̈, mocab' d'a yol sc'ab' eb' anima tzon̈ cani, xchi vin̈.

A Ch'an̈ B'ab'el Libro Samuel 7:17

Slajvi chi', smeltzaj vin̈ d'a Ramá, b'aj cajantaxoni. Ata' sch'olb'itejpax eb' yetchon̈ab' vin̈. Ix sb'oanq'ue jun altar yic Jehová vin̈ ta'.

Gn 8:20

Ix lajvi chi', ix sb'oan jun altar vin̈ d'a yichan̈ Jehová. Ix yic'ancot noc' molb'etzal noc' vin̈ yed' noc' much, aton noc' smoj yoch silab'il d'a Dios. D'a junjun macan̈ noc' chi' ix yic'canel junjun noc' vin̈ sn̈ustz'a silab'oc d'a yichan̈ Jehová.

A Ch'an̈ B'ab'el Libro Samuel 7:9

Elan̈chamel ix yic'cot jun noc' yune' calnel tzato chuni vin̈aj Samuel chi', ix sn̈usantz'a noc' vin̈ smasanil silab'il d'a Jehová, ix och ijan vin̈ sc'anan scolval. Elan̈chamel ix tac'vi Jehová d'a vin̈.

Gn 22:9

Axo ix c'och eb' b'aj ix yal Dios chi', ix sb'oan jun altar vin̈aj Abraham chi', ix sb'oanq'ue te' c'atzitz chi' vin̈ d'a yib'an̈. Ix lajvi chi' ix tzuyan vin̈ yuninal vin̈ chi', ix yac'anq'ue vin̈ d'a yib'an̈ te' c'atzitz chi'.

Jueces 21:4

Axo d'a junxo c'u, ix q'ue vaan eb', ix sb'oanq'ue jun altar eb', ix sn̈usantz'a silab' eb' d'a yichan̈ Jehová, ix yac'anpax silab' eb' yic junc'olal.

A Ch'an̈ B'ab'el Libro Samuel 13:9

Yuj chi' ix yal vin̈aj Saúl chi': —Iq'ueccot noc' silab' ol n̈usjoctz'aoc yed' silab' yic junc'olal yed' Jehová, xchi vin̈. Axo vin̈ ix comon n̈usantz'a noc' silab' chi'.

A Ch'an̈ B'ab'el Libro Samuel 14:35

Ix sb'oan jun altar vin̈aj Saúl chi' ta'. A jun tic b'ab'el altar ix sb'oq'ue vin̈ d'a yichan̈ Jehová.

A Ch'an̈ B'ab'el Libro Yic Yab'ixal Eb' Rey 1:1

Ayic te icham vinacxo vin̈aj rey David, te siicxo syab' vin̈. Vach'chom te pim tz'ajq'ue sc'u' vin̈, palta maxtzac q'uixnajlaj vin̈.

Ez 16:42

Icha chi' ol aj sicb'i yoval in c'ol d'a yib'an̈, man̈xo ol chichon in c'ol d'ay. Man̈xo ol cot yoval in c'ol d'ay.

Gn 12:7

Ata' ix sch'ox sb'a Jehová d'a vin̈aj Abram chi', ix yalan d'a vin̈ icha tic: Masanil jun luum tic ol vac' d'a eb' in̈tilal, xchi d'a vin̈. Yuj chi' ix sb'o jun altar vin̈aj Abram chi' d'a yichan̈ Jehová, yujto ata' ix sch'ox sb'a d'a vin̈.

Nm 17:13

Tato jichan scham masanil eb' snitzcot sb'a d'a scajnub' Jehová, ol on̈ cham co masanil syal chi', xchi eb'.

Jueces 6:24

Ix lajvi chi', ix sb'oanq'ue jun altar vin̈ ta' yic syic'anchaan̈ Jehová vin̈. Ix yac'ancan vin̈ sb'iej: A Jehová ac'um junc'olal. A jun altar chi' ix cann̈ej d'a Ofra d'a yol smacb'en eb' yin̈tilal Abiezer.