A Ch'an̈ Schab'l Libro Samuel 23:17 - Chuj San Mateo Bible

¹⁷ Ix yalan vin̈: Mamin Jehová, ¿tom ol vuc' val jun a a' tic? Tato svuq'uej a' icha val to a schiq'uil juntzan̈ eb' vin̈ tic svuq'uej, yujto ix sb'ec sb'a eb' vin̈ schami yic ix b'at yic'ancot a' eb' vin̈, xchi vin̈aj David chi'. Yuj chi' maj yal-laj sc'ol vin̈ ix yuq'uej a'. A eb' vin̈ oxvan̈ soldado te jelan chi', a eb' vin̈ ix c'ulan jun chi'.

Chuj San Sebastian Bible

¹⁷ 'Ix yaln 'ixtic: Mamin Jehová, ¿tom 'oj wuc' jun a tic? Toto tzwuq'uej, 'icha to a schic'l jun tzo'n̈ eb' winc tic tzwuq'uej, yujto a eb' xit' 'i'nc a a tic, 'ix yac' sb'a eb' 'a yol sc'ab' chaml yuj a', xchi. Ma'ix yal xon sc'ojl yu'n jun a a cha. A eb' 'oxwn̈ soldado caw jelan, a eb' 'ix b'on jun cha.

A Ch'an̈ Schab'l Libro Samuel 23:17 Referans Kwoze

Lv 17:10

Te ay val yoval in c'ol d'a yaln̈ej mach eyetisraelal ma junoc ch'oc chon̈ab'il ayec' d'a e cal schi'an schiq'uil noc' noc'. A in val ol in och ajc'olal d'ay, ol in satanel d'a e cal.

1 Co 15:30

A on̈xo pax tic, ¿tas yuj scac'och co b'a d'a yol sc'ab' yaelal d'a masanil tiempo?

Mr 14:24

Aton jun tic in chiq'uil. Yuuj ol elc'och jun strato Dios syac' tic eyed'oc. Ol elcan in chiq'uil tic yic vach' tzijtum mach ol colchajel yuuj.

Mt 26:28

Yujto aton jun tic in chiq'uil. Yuj in chiq'uil tic ol elc'och jun strato Dios eyed'oc. Ol elcan in chiq'uil tic, yic vach' tzijtum mach ol ac'joc lajvoc smul yuuj.

Salmos 72:14

Ol coljoquel eb' d'a yol sc'ab' eb' ixtum anima yed' d'a yol sc'ab' eb' comonn̈ej sb'at d'a yib'an̈ eb' yetanimail, yujto nivan yelc'och sq'uinal eb' meb'a' chi' d'a yichan̈ vin̈.

A Ch'an̈ B'ab'el Libro Yic Yab'ixal Eb' Rey 21:3

Ix tac'vi vin̈aj Nabot chi' icha tic: —Max yal-laj, yujto max yal-laj sc'ol Dios to tzin chon̈el in macb'en ac'b'ilcan yuj in mam vicham, xchi vin̈.

A Ch'an̈ Schab'l Libro Samuel 20:20

Ix yalan vin̈aj Joab chi' icha tic: —Man̈ ichocta' van in naani yic tzin sataneli.

A Ch'an̈ B'ab'el Libro Samuel 26:11

Aocab' Jehová max chaan in milcham vin̈ rey sic'b'ilel yuuj. An̈ej to tzic'cot q'uen slanza vin̈ ayec' d'a sjolomtac chi' yed' jun yed'tal a a' chi', tzon̈ b'ati, xchi vin̈.

A Ch'an̈ B'ab'el Libro Samuel 2:30

Vach'chom a in Jehová sDiosal in Israel ix vala' to a ex yed' eb' in̈tilal d'a b'aq'uin̈ tzin eyac'n̈ej servil d'a in cajnub', axo ticnaic a in svala' to man̈xo ichocta ol ajoc, yujto a mach ay velc'och d'a sat, a eb' chi' ay yelc'och d'a in sat. Axo eb' tzin paticaneli, malaj yelc'och eb' d'a in sat, a in Jehová in sval jun tic.

Jueces 5:18

Axo eb' yin̈tilal Zabulón yed' eb' yin̈tilal Neftalí, ix sb'ecxon̈ej sb'a eb' scham d'a oval.

Gn 44:17

Ix yalanxi vin̈aj José chi' icha tic: —Maay, an̈ej vin̈ b'aj ix ilchajelta q'uen in copa chi', an̈ej vin̈ scan in checab'oc. A exxo tic, meltzajan̈ec d'a junc'olal b'aj ay vin̈ e mam, xchi vin̈.

Gn 9:4

Palta ay jun tas man̈ ol yal-laj e chi'ani, aton noc' chib'ej syuc' schiq'uil, yujto a d'a schiq'uil noc' chi' ay sq'uinal.

1 Cr 11:19

Ix yalan vin̈ icha tic: Mocab' scha Dios vuc' a a' tic. Ichato a' schiq'uil eb' vin̈ tic svuq'uej tato svuc' a', yujto ix sb'ec sb'a eb' vin̈ schami yic ix b'at yic'ancot a' eb' vin̈, xchi vin̈. Yuj chi' maj yuq'uejlaj a' vin̈. Aton jun tic ix sc'ulej eb' vin̈ oxvan̈ te b'inajnac chi'.