A Ch'an̈ Schab'l Libro Samuel 20:10 - Chuj San Mateo Bible

¹⁰ A vin̈aj Amasa chi' max snalaj vin̈ yuj q'uen espada ix siq'uixq'ue vin̈aj Joab chi'. Axo ix aji, ix stipanoch q'uen vin̈ d'a sc'ol vin̈aj Amasa chi'. Ix elta lan̈naj yol sc'ol vin̈ smasanil d'a sat luum. Junn̈ej ix yac' vin̈aj Joab chi' d'a vin̈, ix cham vin̈. Ix lajvi chi', ix b'at vin̈aj Joab chi' yed' vin̈ yuc'tac chi', aton vin̈aj Abisai d'a spatic vin̈aj Seba chi'.

Chuj San Sebastian Bible

¹⁰ Ax Amasa cha, toxn ma'ix snal jac yuj q'uen espada yet' win Joab cha. Yajn̈ej 'ix stecn 'och win Joab q'uen espada chi 'a sc'ojl winac. Smasnil yol sc'ojl winac 'ix 'ejm lan̈njoc 'a sat lu'um. Junn̈j xyac' win Joab chi 'a winac, 'ix chami. Xlajw cha, 'ix 'at win Joab yet' win yu'tac Abisai 'a spatquil Seba.

A Ch'an̈ Schab'l Libro Samuel 20:10 Referans Kwoze

A Ch'an̈ Schab'l Libro Samuel 2:23

Palta a vin̈aj Asael chi', maj yactej vin̈ spechan vin̈, yuj chi' axo yoc slanza vin̈aj Abner chi' ix stipcot d'a spatic, a val d'a sc'ool vin̈aj Asael chi' ix ochi, ix c'axpajelc'och te' d'a yich spatic vin̈. Ix telvi vin̈, ix cham vin̈. Masanil mach sc'och d'a jun lugar b'aj ix cham vin̈ chi' tz'och van eb' yila'.

A Ch'an̈ Schab'l Libro Samuel 3:27

Ayic ix jax vin̈aj Abner chi' d'a Hebrón, axo vin̈aj Joab chi' ix chaan vin̈ sjavi d'a spatiquel chon̈ab' chi', ix ic'jib'at vin̈ yuj vin̈ d'a stz'eyb'at sti' jun chon̈ab' chi', yic slolon eb' vin̈ ta' sch'ocoj. Ata' ix stipoch yespada vin̈aj Joab chi' d'a sc'ol vin̈, ix cham vin̈, yic syac'anec' spac vin̈ yuc'tac vin̈aj Joab chi'.

Jueces 3:21

ix yac'anb'at sq'uexan̈c'ab' vin̈aj Aod chi', yic syic'anq'ueta q'uen scuchilub' vin̈ d'a stojolal svach' c'ab'. Ix stipanc'axpaj q'uen vin̈ yed' yoc q'uen d'a sc'ol vin̈aj Eglón chi'. Yuj sb'aq'uechal vin̈aj Eglón chi', ix can ch'apnaj q'uen b'aj ix och chi', yuj chi' majxo yiq'ueltalaj q'uen vin̈aj Aod chi', ix elta usnaj yol sch'an̈tza' vin̈.

1 Cr 12:2

A juntzan̈ eb' vin̈ soldado chi' ay sjul-lab' eb' vin̈ yed' ch'an̈ smejmeech yed'nac. Syal sjulvaj eb' vin̈ d'a schab'il sc'ab'. A d'a scal eb' vin̈ chi' ay eb' vin̈ ayto yuj sb'a yed' vin̈aj Saúl d'a yin̈tilal Benjamín. Aton eb' vin̈ tic:

A Ch'an̈ Schab'l Libro Samuel 20:9

Ix syaman xil sti' vin̈aj Amasa chi' vin̈ yed' svach' c'ab' yic stz'ub'anelta sti' vin̈ vin̈, ix sc'anb'an vin̈ d'a vin̈: —¿Vach' am ix ach ajelc'och vuc'tac? xchi vin̈aj Joab chi'.

A Ch'an̈ B'ab'el Libro Samuel 26:8

Ix yalan vin̈aj Abisai chi' d'a vin̈aj David chi': —A val ticnaic toxo ix yac'och jun vin̈ ajc'ool tic Dios d'a yol a c'ab'. Ac' in permiso tzin milcham vin̈. A q'uen slanza vin̈ tic tzin tipem d'a sc'ool masanto tz'emc'och q'uen d'a yol luum, junn̈ej svac' d'a vin̈, scham vin̈ d'a juneln̈ej, xchi vin̈.

Gn 4:8

Ay jun c'u, a vin̈aj Caín ix avtan vin̈aj Abel yic sb'at eb' b'eyelec'. Ayic ayec' eb' b'aj ix c'och chi', ix b'at jucnaj vin̈aj Caín d'a vin̈ yuc'tac chi', ix smac'anchamoc.

Nm 35:20

Q'uinaloc ay junoc mach tz'ecanb'at poc'naj junoc anima yujto schichonoch sc'ol d'ay, ma syecanb'at junoc tas d'a yib'an̈ yuj yajc'olal,

Jeremías 41:2

Yacb'an van sva eb' vin̈, ix q'ue vaan vin̈aj Ismael yed' eb' vin̈ lajun̈van̈ ajun yed' chi', ix smilancham vin̈aj Gedalías chi' eb' vin̈ d'a q'uen espada, aton vin̈ ix ac'jioch gobernadoral d'a Judá yuj vin̈ sreyal Babilonia.

Jueces 3:15

masanto ix avaj eb' d'a Jehová. Ichato chi' ix ac'jioch junxo scolumal eb' yuj Jehová chi', aton vin̈aj Aod yuninal vin̈aj Gera, d'a yin̈tilal Benjamín, a sq'uexan̈c'ab' vin̈ smunlaji. Ix schecb'at vin̈aj Aod chi' eb' israel chi' b'at yac'can q'uen tumin d'a vin̈aj Eglón, aton q'uen yovalil syac' eb' d'a vin̈.