A Ch'an̈ Schab'l Libro Samuel 19:25 - Chuj San Mateo Bible

²⁵ Ayic ix el vin̈aj Mefi-boset d'a Jerusalén, ix cot vin̈ scha vin̈ rey chi', ayic ix schalan sb'a eb' vin̈, ix yalan vin̈ rey chi' d'a vin̈: —¿Tas yuj maj ach b'at ved'oc? xchi vin̈.

Chuj San Sebastian Bible

²⁵ A Mefi-boset cha 'ix cot 'a Jerusalén, yic tzwul schanc win rey. 'Ix yaln win rey chi 'a 'ixtic: —¿Tas yuj ma 'ach 'at wet'oc? xchi 'a 'a.

A Ch'an̈ Schab'l Libro Samuel 19:25 Referans Kwoze

A Ch'an̈ Schab'l Libro Samuel 16:17

Ix sc'anb'an vin̈aj Absalón chi': —¿Tom icha chi' tz'aj a naan d'a spatic vin̈ amigo chi'? ¿Tas yuj maj ach b'at yed' vin̈? xchi vin̈ d'a vin̈.

A Ch'an̈ Schab'l Libro Samuel 4:4

(A vin̈aj Jonatán yuninal vin̈aj Saúl ay jun yuninal vin̈ cannac scuch Mefi-boset. A jun vin̈ chi', man̈ vach'oc yoc vin̈ schab'il, yujto ayic oye'anto ab'il sq'uinal vin̈, ix javi yab'ixal tas ix uji d'a Jezreel to toxo ix cham vin̈aj Saúl yed' vin̈aj Jonatán. Yuj chi' ix cheljib'at vin̈ yuj jun ix tz'ilan q'uib'oc, ix b'at eb' elelal yalani. Yujto ix spil yip ix yeli, ix yactanel vin̈ ix, yuj chi' icha chi' ix aj yixtaxcan yoc vin̈ chi'.)