A Ch'an̈ Schab'l Libro Samuel 18:24 - Chuj San Mateo Bible

²⁴ C'ojanem vin̈aj rey David d'a snan̈al chab' spuertail chon̈ab' chi', axo pax vin̈ stan̈vumal chon̈ab' chi', ayec' vin̈ d'a span̈anil yib'an̈ smuroal b'aj ayoch puerta chi'. Ix yilan vin̈ scot jun vin̈ vinac sch'ocojil, te yelc'olal scot vin̈.

Chuj San Sebastian Bible

²⁴ A David wocn 'ejm 'a snan̈l chab' spuertail sti chon̈ab', ax win 'ilwjum 'ay q'ue 'a span̈nil sjolm smuroal chon̈b' 'a stojlal q'ue yib'n̈ spuertail chon̈b' cha. Ax xyiln 'at winac, caw carela sjaw jun winc 'a najt sch'ocoj.

A Ch'an̈ Schab'l Libro Samuel 18:24 Referans Kwoze

A Ch'an̈ Schab'l Libro Samuel 19:8

Yuj chi' ix q'ue vaan vin̈ rey chi', ix elta vin̈, ix b'at em c'ojan vin̈ d'a sti' spuertail chon̈ab' chi'. Ayic ix alchaj yab' masanil eb' chon̈ab', ix ja eb' d'a yichan̈ vin̈. Axo pax eb' israel ayoch yed' vin̈aj Absalón, elelal ix aj spax eb' d'a spat.

A Ch'an̈ Schab'l Libro Samuel 18:4

—Ichocab'ta', ol in c'anab'ajej tas tzeyal chi', xchi vin̈. Ix lajvi chi', ix elul lin̈an vin̈ d'a jun nivan spuertail chon̈ab' chi' yic syilan vin̈ yelta eb' soldado d'a macquiltaquil d'a stzolal.

A Ch'an̈ Schab'l Libro Samuel 13:34

Yacb'an chi' ix b'at vin̈aj Absalón chi' elelal. Ay jun vin̈ quelem ayq'ue d'a yib'an̈ smuroal chon̈ab' chi' yic smaclani, ix q'ue q'uelnaj vin̈, ix yilan vin̈ to ay juntzan̈ anima tz'emta d'a pac'an d'a sat vitz d'a sb'eal Horonaim, yuj chi' ix yalb'at vin̈ d'a vin̈ rey chi'.

A Ch'an̈ B'ab'el Libro Samuel 4:13

Axo ix javi vin̈, c'ojanem vin̈aj Elí d'a sc'ojnub' d'a ti' b'e smaclan junoc ab'ix, yujto ayoch vin̈ d'a ilc'olal yuj te' scaxail strato Dios. Axo ix javi jun vin̈ soldado chi', ix och ijan vin̈ yalan d'a eb' chon̈ab' tas van yuji. Ayic ix yab'an jun chi' eb', ix q'ue n̈ilnaj eb' yel yav.

A Ch'an̈ Schab'l Libro Samuel 18:23

—Malaj yelc'ochi, vach'chom malaj tas svic' d'ay, palta ol in b'at lemnajoc, xchi vin̈. —Ixic an, xchi vin̈aj Joab chi'. Val d'a jun rato chi' ix b'at lemnaj vin̈aj Ahimaas chi' d'a jun ac'lic, ix b'ab'laj vin̈ yuj vin̈ aj Etiopía chi'.

A Ch'an̈ Schab'l Libro Samuel 18:25

Te chaan̈ ix avaj vin̈, ix yalan vin̈ to ay jun vin̈ sjavi. Ix yalan vin̈ rey chi': —Tato sch'ocoj vin̈, alum vach' ab'ix vin̈ syal chi', xchi vin̈ rey chi'. Ayic lac'anxo sjavi vin̈,