A Ch'an̈ Schab'l Libro Samuel 18:19 - Chuj San Mateo Bible

¹⁹ Axo vin̈aj Ahimaas yuninal vin̈aj Sadoc, ix alan d'a vin̈aj Joab: —Sval d'ayach, cha in b'ati yic b'at val d'a vin̈ rey to a Jehová toxo ix colanel vin̈ d'a yol sc'ab' eb' yajc'ool, xchi vin̈.

Chuj San Sebastian Bible

¹⁹ Yuj cha, ax win Ahimaas win yunnal Sadoc, xyaln 'ixtc 'a Joab: —Tzwal 'ayach, to tzin a chaj 'ati yic tz'at walnc yab' win rey, chajtlto 'ix colx 'el yuj Jehová 'a yol sc'ab' eb' 'ajc'ojl yajch 'a 'a, xchi.

A Ch'an̈ Schab'l Libro Samuel 18:19 Referans Kwoze

A Ch'an̈ Schab'l Libro Samuel 15:36

Ata' ay pax vin̈aj Ahimaas yed' vin̈aj Jonatán yuninal eb' vin̈ chavan̈ chi'. Masanil tas tzab'i, a d'a eb' vin̈ tzalb'ati, axo eb' vin̈ ol alancot d'ayin, xchi vin̈ rey chi' d'a vin̈aj Husai chi'.

A Ch'an̈ Schab'l Libro Samuel 18:31

Ato val chi' ix ja n̈icnaj vin̈ aj Etiopía chi', ix yalan vin̈ icha tic: —Mamin rey, cha jun vach' ab'ix tzul val tic d'ayach: A ticnaic, toxo ix ach scolel Jehová d'a yol sc'ab' masanil eb' ix och ajc'olal d'ayach, xchi vin̈.

Ro 12:19

Ex xajanab'il vuuj, max yal co pacan co b'a d'a eb' quetanimail. Yovalil sco tan̈vej, yic vach' munil a Dios ol ac'an syaelal eb'. Yujto yalnaccan Dios d'a Slolonel icha tic: A in ton tic ay valan vic vac'an syaelal eb'. A in tic ol in pactzitej d'a eb', xchi Dios Cajal.

Salmos 10:14

A ach val tzil schucal eb'. A ach ix ila', yuj chi' ol ac' syaelal eb' icha val smojal, icha tas sc'ulej eb'. A d'ayach syal sb'a eb' max yal-laj scolan sb'a. A ach tzach colvaj d'a eb' unin man̈xalaj smam.

Salmos 9:16

Ojtacab'il Jehová yujto tojol syutej spactzitan tas sc'ulej anima. Munil syic'cot yaelal eb' sc'ulan chucal d'a yib'an̈.

Salmos 9:4

Yajal ach d'a stojolal. C'ojan ach em d'a a despacho, ix a b'oan yaj tas ix in c'an d'ayach.

Salmos 7:6

Mamin Jehová, q'uean̈ lin̈an yed' yoval a c'ool. Elan̈cot d'a yichan̈ yoval sc'ool eb' ayoch ajc'olal d'ayin. B'o yaj d'ayin icha val a gana d'a stojolal.

A Ch'an̈ Schab'l Libro Samuel 18:23

—Malaj yelc'ochi, vach'chom malaj tas svic' d'ay, palta ol in b'at lemnajoc, xchi vin̈. —Ixic an, xchi vin̈aj Joab chi'. Val d'a jun rato chi' ix b'at lemnaj vin̈aj Ahimaas chi' d'a jun ac'lic, ix b'ab'laj vin̈ yuj vin̈ aj Etiopía chi'.

A Ch'an̈ Schab'l Libro Samuel 17:17

Axo pax vin̈aj Jonatán yed' vin̈aj Ahimaas ato b'aj sq'ueul sjaj a' Rogel d'a stitaquel chon̈ab', ata' ayec' eb' vin̈ yic vach' malaj mach tz'ilan yec' eb' vin̈ d'a yol chon̈ab' chi'. Axo jun ix checab', ix b'at alan d'a eb' vin̈ d'a elc'altac tas yaji. Ixn̈ej val yab' eb' vin̈, ix b'at eb' vin̈ yal d'a vin̈aj rey David chi'.

A Ch'an̈ Schab'l Libro Samuel 18:20

Ix yalan vin̈aj Joab chi' icha tic: —Max yal-laj a b'ati, man̈ a mojoc a ach ol b'at al jun lolonel chi', tope ato d'a junelxo ol ach b'atoc, palta a ticnaic maay, yujto a val vin̈ yuninal vin̈ rey chi' ix chami, xchi vin̈ d'a vin̈.

Jeremías 51:31

B'elb'onxon̈ej ol aj sc'och eb' checab' yal d'a vin̈ sreyal Babilonia to toxo ix ac'ji ganar schon̈ab' vin̈ chi' smasanil.

A Ch'an̈ Schab'l Libro Samuel 15:27

Ix yalanxi vin̈ rey chi' d'a vin̈aj sacerdote Sadoc chi': —Ach schecab' Dios, meltzajan̈ d'a junc'olal yed' vin̈aj Abiatar yed' chavan̈ eb' eyuninal tic, vin̈aj Ahimaas, vin̈ ico' yed' vin̈aj Jonatán vin̈ yic vin̈aj Abiatar.