A Ch'an̈ Schab'l Libro Samuel 16:9 - Chuj San Mateo Bible

⁹ Ix yalan vin̈aj Abisai yune' ix Sarvia d'a vin̈aj rey David chi' icha tic: —Mamin rey, ¿tas yuj sb'ajvajcot jun vin̈ icha noc' chamnac tz'i' tic d'ayach? Cha in b'ati, b'at in xiquel sjolom vin̈, xchi vin̈.

Chuj San Sebastian Bible

⁹ Yuj cha, 'ix yaln win Abisai yune 'ix Sarvia 'ixtc 'a win rey cha: —Mamin rey, ¿tas yuj a jun 'icha chamnc tz'i tic tzach b'ajni? 'Ac' in permiso yic tz'at in tzu'nc 'el sjolom, xchi winac.

A Ch'an̈ Schab'l Libro Samuel 16:9 Referans Kwoze

Ex 22:28

Man̈ eyal chucal lolonel d'a spatic eb' juez, ma d'a spatic vin̈ yajal e chon̈ab'.

A Ch'an̈ Schab'l Libro Samuel 9:8

Ix em n̈ojan vin̈aj Mefi-boset chi', ix yalan vin̈: —Mamin rey, ¿tas val yuj tz'oc' a c'ol d'ayin? A in a checab' in tic lajan in icha junoc noc' chamnac tz'i', xchi vin̈.

A Ch'an̈ Schab'l Libro Samuel 3:8

Yujto ix yal jun chi' vin̈aj Is-boset chi' d'a vin̈aj Abner chi', yuj chi' ix te cot yoval vin̈, ix yalan vin̈ icha tic: —¿Tom tz'i' in tzila', tocval van vac'anoch in b'a yed' eb' ajc'ol yic Judá tic? A in tic, te vach'n̈ej ix vutej in b'a d'a eb' ayto yuj sb'a yed' vin̈ a mam yed' d'a eb' vach' yac'an yed' vin̈, maj ach vac'paxoch d'a yol sc'ab' vin̈aj David, axo ticnaic tzac'an yovalil d'ayin yuj jun ix ix chi'.

A Ch'an̈ B'ab'el Libro Samuel 24:14

Mamin rey, natonab'i to a ach tic sreyal ach Israel. A inxo van in a sayanec' tic, tocval ay jab'oc velc'ochi. Lajan in val icha noc' chamnac tz'i', ma icha val noc' c'ac.

A Sb'ab'el Carta San Pedro 2:17

Ayocab' yelc'och junjun anima d'ayon̈. Sco xajanej eb' quetcreyenteal. Con̈ xivec d'a Dios. Nivanocab' yelc'och vin̈ sat yajal d'ayon̈.

A Tas Sc'ulejnac Eb' Schecab' Jesús Hechos 23:5

Ix yalanpax vin̈aj Pablo chi': —Ex vetchon̈ab', man̈ vojtacoc tato a vin̈ tic sat sacerdote yaj vin̈. Yujto syal d'a Slolonel Dios Tz'ib'ab'ilcani: Man̈ eyal chucal lolonel d'a spatic vin̈ yajal yaj d'a e chon̈ab', xchicani, xchi vin̈.

Lc 9:54

Ayic ix yab'an jun chi' eb' sc'ayb'um, aton vin̈aj Jacobo yed' vin̈aj Juan, ix yalan eb' d'ay: —Mamin, ¿mama a gana sco c'ancot c'ac' d'a satchaan̈ yic stz'ab'at juntzan̈ anima tic? xchi eb' vin̈.

A Ch'an̈ Schab'l Libro Samuel 3:30

A vin̈aj Joab chi' yed' vin̈aj Abisai ix milancham vin̈aj Abner chi', yujto ayic ix och oval d'a Gabaón, a vin̈aj Abner chi' ix milancham vin̈aj Asael, vin̈ yuc'tac eb' vin̈.

A Ch'an̈ Schab'l Libro Samuel 19:21

Axo vin̈aj Abisai yune' ix Sarvia ix alan icha tic: —A vin̈aj Simei tic, smoj scham vin̈ yujto ix scatab'ej vin̈ rey sic'b'ilel yuj Jehová tic vin̈, xchi vin̈.

A Ch'an̈ Schab'l Libro Samuel 19:22

Ix tac'vi vin̈ rey chi' icha tic: —¿Tas val eyoch a ex yune' ex ix Sarvia tic d'a jun lolonel tic? Man̈xo eyac' somchaj in c'ool. A ticnaic vojtacxo to ol in ochxoc sreyaloc eb' vetisraelal, yuj chi' malaj junoc mach syal scham d'a yol co chon̈ab' tic ticnaic, xchi vin̈.