A Ch'an̈ Schab'l Libro Samuel 15:8 - Chuj San Mateo Bible

⁸ Ayic ayinto ec' d'a Gesur d'a yol yic Siria, vac'nac in ti' d'a Jehová, valannac d'ay, tato tz'el d'a sc'ool to tzin meltzaj d'a Jerusalén, yovalil ol vac' junoc in silab' d'ay, xchi vin̈.

Chuj San Sebastian Bible

⁸ Yujto wa'jnac in ti 'a 'a, yic 'ayn 'ec' 'a chon̈b' Gezur 'a yol yic Siria. Ata waljnac 'a 'ixtic: Toto tzyal a c'ojl ach Jehová to tzin meltzj pax 'a Jerusalén, 'oj woch 'emmquilal 'aych 'a Hebrón, xin chi, xchi Absalón cha.

A Ch'an̈ Schab'l Libro Samuel 15:8 Referans Kwoze

A Ch'an̈ B'ab'el Libro Samuel 1:11

Ix yac'an sti' ix d'ay icha tic: Mamin Jehová, Yajal Ach d'a Smasanil, tato smoj val ilanoch in cusc'olal a in a checab' in tic, tato tzin a nacoti, comonoc tz'el val d'a a c'ol ac'an junoc vune' vinac unin. Svac'can d'ayach d'a juneln̈ej, max joxjiel-laj xil sjolom, yic scheclajeli to ic yaji, xchi ix.

Jeremías 42:20

te nivan e pitalil van eyac'anochi, yujto ix e chec in c'anb'ej d'a Jehová co Diosal, ix eyalan d'ayin icha tic: Lesalvan̈ d'a Jehová co Diosal cuuj. Ol ac'an cojtaquejel masanil tas ol yala', ol co c'anab'ajani, xe chi.

Is 28:15

Yujto ix eyal icha tic: Ay co lajti' yed' yajalil chamel, yuj chi' ayic ol javoc tas ol on̈ sataneloc icha a' eluma', malaj tas ol on̈ ic'anoc, yujto a juntzan̈ lolonel es ix cac'och yipoc co c'ool, ol co col co b'a d'ay, xe chi.

Ec 5:4

Ayic sco tac'van junoc tas d'a Dios, mocab' quiq'uec' tiempo cac'ani, yujto max tzalaj Dios yed' eb' scomon tac'van junoc tas, yuj chi' caq'uec tas sco tac'vej chi'.

Salmos 56:12

Ach in Diosal, ol vac' silab' yic ac'oj yuj diosal d'ayach icha ix aj vac'an in ti' d'ayach.

A Ch'an̈ Schab'l Libro Samuel 14:32

Ix tac'vi vin̈aj Absalón chi' d'a vin̈: —Ix ach vavtej, yic sb'at a c'anb'ej d'a vin̈ rey tas yuj ix b'at in cot d'a chon̈ab' Gesur. Te vach' ama, tato ix in canxon̈ej ta'. In gana svil vin̈ rey chi'. Tato ay in mul, syal in smilancham vin̈, xchi vin̈.

A Ch'an̈ Schab'l Libro Samuel 14:23

Ix lajvi chi', ix b'at vin̈aj Joab chi' d'a chon̈ab' Gesur yic b'at yic'anxicot vin̈aj Absalón chi' vin̈, yic sjax vin̈ d'a Jerusalén.

A Ch'an̈ B'ab'el Libro Samuel 16:2

—¿Tas val tz'aj in b'ati? Ta syab' jun tic vin̈aj Saúl chi', tzam in smilcham vin̈, xchi vin̈aj Samuel chi'. Ix tac'vi Jehová chi' d'a vin̈: —Ic'b'at junoc noc' cob'es vacax tzach b'ati, tzalani to ac'oj silab' d'a Jehová tzach c'ochi.

Josué 24:15

Palta tato malaj e gana tzeyal e b'a d'a Jehová chi' jun, sic'lejec mach b'aj tzeyal e b'a, tato a d'a juntzan̈ dios b'aj yalnac sb'a eb' co mam quicham d'a yichan̈b'at a' Éufrates chi', mato d'a sdiosal eb' amorreo cajan d'a tic, palta a inxo tic yed' masanil eb' cajan ved' d'a yol in pat, a d'a Jehová ol cal co b'a, xchi vin̈aj Josué chi'.

A Ch'an̈ Schab'l Libro Samuel 15:9

—Ixic d'a junc'olal, xchi vin̈aj rey David chi'. Yuj chi' ix b'at vin̈ d'a Hebrón chi'.