A Ch'an̈ Schab'l Libro Samuel 13:12 - Chuj San Mateo Bible

¹² Ix tac'vi ix d'a vin̈: —Maay ach in nulej, man̈ in ac' pural, yujto a jun tic man̈ smojoc yuji d'a co cal a on̈ israel on̈ tic, te q'uixvelal ol aj jun tic.

Chuj San Sebastian Bible

¹² 'Ix ta'w 'ix 'a win 'ixtic: —May nul'ej, man̈ in ac' pural yic tza nib'n a b'on junc tas 'ayin, yujto a jun tic, may 'aj tzb'o 'a scal eb' quit chon̈ab'. Man̈ a b'o jun tic, caw wal q'uixweltac.

A Ch'an̈ Schab'l Libro Samuel 13:12 Referans Kwoze

Jueces 20:6

Yuj chi' ix vic'cot snivanil ix chi', ix in xicanb'ati. Ix vac'anb'at d'a masanil yol co macb'en, yic vach' tzeyil e masanil tas ix aj yoch jun nivan mul te chucxo pax tic.

Jueces 19:23

Ix elta vin̈ aj pat chi', ix yalan vin̈ d'a eb': —Maay ex vetanimail. Man̈ e na eyac' chucal chi' d'a jun vin̈ anima ayec' posado tic d'ayin.

Lv 20:17

Tato ay junoc vin̈ vinac syic' yanab' yetb'eyumoc, yanab' yuj smam ma yanab' yuj snun, a chavan̈ eb' chi', d'a val yichan̈ eb' yetchon̈ab' eb' satjieli, yujto a mach smulan yed' yanab', yelxo val q'uixvelal tas sc'ulej eb' chi', yuj chi' a mach icha chi' sc'ulej, a smul chi' scotcan d'a yib'an̈.

Lv 18:11

Malajocab' junoc vin̈ vinac smulan yed' ix yune' ix yisil smam, yisil val smam chi', schab'il yanab' yaj ix, max yal-laj smulan yed' ix.

Lv 18:9

Malajocab' junoc vin̈ vinac smulan yed' yanab': Yanab' yuj smam, ma yuj snun, vach'chom d'a yol spat aljinac ix, mato ch'oc b'aj aljinac, man̈ smojoc smulan yed' ix.

Pr 7:7

ay juntzan̈ eb' vin̈ quelemtac malaj jab'oc sjelanil ayeq'ui. Axo ix vilani, ay jun vin̈ malaj jab'oc spensar d'a scal eb' vin̈ chi'.

Dt 22:29

a vin̈ vinac chi' yovalil syac' 50 siclo q'uen plata vin̈ d'a vin̈ smam ix, yujto ix ac'ji pural ix yuj vin̈. Yovalil syic'xon̈ej ix vin̈ yetb'eyumoc, masanto chamel.

Gn 34:2

A vin̈aj Hamor heveo, yajal yaj d'a jun chon̈ab' chi'. Ay jun yuninal vin̈ scuchan Siquem. Ayic ix yilanoch ix Dina vin̈aj Siquem chi', ix ixtaj ix yuj vin̈ d'a ac'b'il puralil.

Dt 22:21

tz'ic'jiel ix d'a sti' spat smam, sjulq'uenajcham ix yuj masanil eb' vin̈ vinac ay d'a jun chon̈ab' chi', yujto ix yac'och jun nivan mul ix d'a e cal, syac'anpax q'uixvelal smam ix. Icha chi' tz'aj satel juntzan̈ chucal chi' d'a e cal.

Jeremías 29:23

Icha chi' ol aj sja d'a yib'an̈ eb' vin̈, yujto te chuc tas sc'ulej eb' vin̈ d'a yol e chon̈ab'. Tz'em eb' vin̈ ajmulal yed' eb' ix yetb'eyum eb' yetvinaquil. Syalan juntzan̈ esal lolonel eb' vin̈ d'a in b'i, man̈oc in tzin chec yal eb' vin̈. A in Jehová in svala', vojtac tas yaji, xchi Jehová, xin chib'at d'a jun in carta chi'.