A Ch'an̈ Schab'l Libro Samuel 12:23 - Chuj San Mateo Bible

²³ Axo pax ticnaic, ¿tasto val yuj tzin och d'a tzec'ojc'olal? ¿Tom olto pitzvoc vin̈? Man̈xa b'aq'uin̈ ol jax vin̈ d'ayin, an̈ej to a in ol in b'at b'aj ix c'och vin̈ chi', xchi vin̈.

Chuj San Sebastian Bible

²³ Palta ax ticnec xcham winac, ¿tas to wal yuj tzin 'och 'a c'ajb'c'ojlal? ¿tom 'oj pitzwcto pax winac? Cojn to an 'oj in 'at yet' winac, al wal sjapx win wet'oc, man̈ xo, xchi.

A Ch'an̈ Schab'l Libro Samuel 12:23 Referans Kwoze

Gn 37:35

Masanil eb' yuninal vin̈ yed' eb' ix yisil vin̈, ix yac'lej eb' yac'an snivanil sc'ol vin̈, palta max yal-laj sc'ol vin̈ tz'ac'ji snivanil sc'ool. Tz'oc'n̈ej vin̈ yuj vin̈ yuninal chi'. Ix yalan vin̈ icha tic: Ol te cusn̈ej val in c'ool yuj vin̈ vuninal masanto ol in b'at b'aj ayec' vin̈ d'a scal eb' chamnac, xchi vin̈.

Lc 23:43

Ix yalan Jesús d'a vin̈: —Val yel sval d'ayach, a d'a jun c'u tic ol ach c'och ved' d'a svach'ilal, xchi d'a vin̈.

Job 30:23

Vojtacxo to vanxo in ic'anb'at d'a chamel, aton b'aj ol c'ochn̈ej masanil anima.

Job 10:21

yic manto in b'at d'a chamub' d'a scal q'uic'alq'uinal b'aj maxtzac yal in paxta. A d'a jun lugar chi', veventac yilji, q'uic'alq'uinal xon̈ej, man̈xalaj jab'oc saquilq'uinal, xchi vin̈aj Job chi'.

A Ch'an̈ B'ab'el Libro Yic Yab'ixal Eb' Rey 2:2

Toxo ol in chamoc icha tz'aj masanil eb' quetanimail. Tec'an val tzutej a b'a, icha junoc vinac te tec'anxo spensar.