A Ch'an̈ Schab'il Libro Yic Yab'ixal Eb' Rey 9:3 - Chuj San Mateo Bible

³ Slajvi chi' tzic'ancot aceite chi', tza tob'anq'ue d'a sjolom vin̈, tzalan d'a vin̈ icha tic: A Jehová tz'alan icha tic: A in tzach in sic'caneli yic ol ach och reyal d'a Israel, xchi, xa chi. Slajvi chi' tza jacan puerta, tzach el lemnajoc, man̈ ach och vaan, xchi vin̈aj Eliseo chi'.

Chuj San Sebastian Bible

³ Tzlajw cha, tze'n cot jac aceite cha, tza secn q'ue 'a sjolom, tzaln 'a 'ixtic: 'Ixtc 'ix yutj Jehová yalni: An tzach in si'cn 'eli yic tzach 'och reyl 'a chon̈b' Israel, xchi Dios, xa chi. Tzlajw cha, tza jacn̈ pax te puerta chi muc'uc, tzach 'at 'eloc, man̈ ach 'och wa'an, xchi Eliseo chi 'a jun win quelm cha.

A Ch'an̈ Schab'il Libro Yic Yab'ixal Eb' Rey 9:3 Referans Kwoze

A Ch'an̈ B'ab'el Libro Yic Yab'ixal Eb' Rey 19:16

Axo vin̈aj Jehú yin̈tilal vin̈aj Nimsi tza sic'paxcaneli yic ol och vin̈ sreyaloc Israel. Axo vin̈aj Eliseo yuninal vin̈aj Safat aj Abel-mehola, tza sic'canel vin̈ yic ol och vin̈ in checab'oc a q'uexuloc.

Mt 2:13

Ix lajvi spax eb' vin̈ mago chi', ay jun yángel Dios Cajal ix ch'ox sb'a d'a vin̈aj José chi' d'a svayich, ix yalani: —Q'uean̈ vaan. Ic'b'at vin̈ unin tic ed'oc yed' snun. Elan̈ec d'a elan̈chamel. Tzex b'at d'a Egipto. Tzex cann̈ej ta', masanto ol valxi d'ayach, yujto a vin̈aj Herodes ol checan sayjoquec' jun unin tic, yujto sgana vin̈ ol yac' miljocchamoc, xchi jun ángel chi'.

Dn 5:18

Mamin rey, a Dios Te Nivan Yelc'ochi, a' ix ac'an yopisio vin̈aj Nabucodonosor a mam icham yed' snivanil yelc'ochi, sb'inajnaquil yed' stziquiquial.

Dn 4:35

A d'a yichan̈, malaj val jab'oc tas syal yuj eb' cajan d'a sat luum tic. Sc'ulejn̈ej tas snib'ej d'a scal eb' ayec' d'a satchaan̈ yed' d'a scal eb' cajan d'a sat luum tic. Malaj mach syal syamanoch vaan sc'ab' syalan d'ay, ¿tas yuj icha chi' tza c'ulej? man̈ xchioc.

Dn 2:1

Ayic schab'ilxo ab'il yoch vin̈aj Nabucodonosor reyal, ay jun tas ix ac'ji svayichej vin̈. Ix te och vin̈ ilc'olal yuj jun svayich chi', yuj chi' majxo ochlaj svayan̈ vin̈.

2 Cr 22:7

A Dios toxo ix sna'a to ayic ol c'och vin̈aj Ocozías chi' yil vin̈aj Joram chi', ata' ol cham vin̈. Ayic ayec' vin̈ ta', ix elta vin̈ yed' vin̈aj Joram chi', yic syac'an oval eb' vin̈ yed' vin̈aj Jehú yuninal vin̈aj Nimsi, aton vin̈ ix sic'jiel yuj Jehová yic satanel masanil macan̈il eb' yin̈tilal vin̈aj Acab chi'.

A Ch'an̈ Schab'il Libro Yic Yab'ixal Eb' Rey 8:13

Ix yalan vin̈aj Hazael d'a vin̈ icha tic: —A in tic te malaj jab'oc velc'ochi, lajan in icha junoc noc' tz'i'. ¿Tas val ol aj in c'ulan tas icha chi'? xchi vin̈. Ix tac'vi vin̈aj Eliseo chi' d'a vin̈: —Toxo ix yal Jehová d'ayin to a ach ol ach ochcan sreyaloc Siria tic, xchi vin̈.

A Ch'an̈ B'ab'el Libro Samuel 16:2

—¿Tas val tz'aj in b'ati? Ta syab' jun tic vin̈aj Saúl chi', tzam in smilcham vin̈, xchi vin̈aj Samuel chi'. Ix tac'vi Jehová chi' d'a vin̈: —Ic'b'at junoc noc' cob'es vacax tzach b'ati, tzalani to ac'oj silab' d'a Jehová tzach c'ochi.

A Ch'an̈ B'ab'el Libro Samuel 15:17

Ix yalan vin̈aj Samuel chi' d'a vin̈ icha tic: —A d'a yalan̈taxo malaj elc'och a naani, palta ach och yajalil d'a masanil yin̈tilal Israel. A Jehová ix ach ac'anoch sreyaloc co chon̈ab' tic.

A Ch'an̈ B'ab'el Libro Samuel 15:1

Ay jun c'ual ix yal vin̈aj Samuel d'a vin̈aj Saúl icha tic: —A Jehová ix in checani ayic ix ach in sic'ancanoch reyal d'a Israel aton schon̈ab'. Yuj chi' cha ab' tas syal Jehová d'ayach.

A Ch'an̈ B'ab'el Libro Samuel 9:16

A q'uic'an yab' icha tic, svac'cot jun vin̈ vinac d'ayach, a d'a yol yic Benjamín scot vin̈. Tzac'q'ue aceite d'a sjolom vin̈, a vin̈ ol och yajalil d'a chon̈ab' Israel tic. A vin̈ ol colan in chon̈ab' tic d'a yol sc'ab' eb' filisteo, yujto toxo ix cus in c'ol yuj b'aj ix tevi eb' d'ayin, xchi d'a vin̈.

Lv 8:12

Ix lajvi chi' ix yac'anpaxq'ue aceite vin̈aj Moisés d'a sjolom vin̈aj Aarón yuj yochcan vin̈ yicoc Jehová.

Ex 29:7

Slajvi chi' tzic'ancot aceite sc'anchaji ayic sic'chajel junoc mach tz'ochcan vicoc. Tzac'anq'ue d'a sjolom vin̈aj Aarón chi' yic tz'ochcan vin̈ sacerdoteal.

Mt 10:16

Ab'ec, tzex in checb'ati. Icha juntzan̈ noc' calnel sb'at d'a scal noc' oques, icha chi' ol ex ajoc. Yuj chi', lista tzeyutej e b'a icha junoc noc' chan te jelan. Palta te nanam tzeyutej e b'a ichoc noc' paramuch.

Mt 26:7

Ayic c'ojanem Jesús sva'i, ix c'och jun ix ix d'ay. Yed'nac jun limeta ix sb'onac yed' jun q'uen scuch alabastro. B'ud'ud'i q'ueen d'a jun suc'uq'ui sjab' te caro stojol. Ix stob'anq'ue jun chi' ix d'a sjolom Jesús.

A Ch'an̈ B'ab'el Libro Samuel 10:1

Ix lajvi chi', ix yic'ancot jun yed'tal aceite vin̈aj Samuel chi', ix stob'anq'ue aceite chi' vin̈ d'a sjolom vin̈aj Saúl chi', ix stz'ub'anelta sti' vin̈, ix yalan vin̈: —A Jehová tzach sic'anel ticnaic yic tzach och yajalil d'a yib'an̈ schon̈ab'.

A Ch'an̈ B'ab'el Libro Yic Yab'ixal Eb' Rey 1:34

Ach sacerdote Sadoc yed' ach Natán, tzeyac'q'ue aceite d'a sjolom vin̈aj Salomón chi' yic tz'ochcan vin̈ reyal d'a co chon̈ab' tic. Tze pu'anpax noc' ch'aac tzex avaji: Nivanocab' yelc'och vin̈aj rey Salomón, xe chi.

A Ch'an̈ Schab'il Libro Yic Yab'ixal Eb' Rey 9:6

Ix lajvi chi', ix q'ue jucnaj vin̈aj Jehú chi', ix och vin̈ d'a yol pat. Ix yac'anq'ue aceite vin̈ schecab' Dios chi' d'a sjolom vin̈, ix yalan vin̈: —A Jehová co Diosal tz'alan d'ayach icha tic: A in tzach in sic'caneli, yic ol ach och reyal d'a in chon̈ab' Israel.