A Ch'an̈ Schab'il Libro Yic Yab'ixal Eb' Rey 7:1 - Chuj San Mateo Bible

¹ Ix lajvi chi' ix yalan vin̈aj Eliseo chi' icha tic: —Ab'ec val tas syal Jehová: A q'uic'an yab' icha tic, a d'a spuertail Samaria tic, a junoc almul ixim harina, jun ciclo plata stojol ixim. Chab' almul pax ixim cebada d'a jun ciclo q'ueen, xchi Jehová, xchi vin̈.

Chuj San Sebastian Bible

¹ Xlajw cha, 'ix yaln Eliseo 'ixtic: —'Ab'c wal spaxti Jehová. 'Ixtc 'ix yutj yalni: Yab'n 'icha hora tic q'uic'an, a 'a sti spuertail chon̈b' Samaria tic, a junc 'almu 'ixm harina mto chab'oc 'almu 'ixm cebada, jun jab' yune tumn plata 'oj stojloc, xchi Dios, xchi.

A Ch'an̈ Schab'il Libro Yic Yab'ixal Eb' Rey 7:1 Referans Kwoze

Josué 3:5

Ix yalan vin̈aj Josué d'a eb' anima chi': A ticnaic, sacb'itejec e b'a yujto a q'uic'an sch'ox Jehová tas satub'tac yilji d'a co cal, xchi vin̈.

Ex 16:12

—Ix vab' val tas ix yal eb' israel tic d'a in patic. Yuj chi' al d'a eb' to a ticnaic d'a q'uic'b'alil, ol vac' noc' schib'ej eb', axo sq'uin̈ib'i q'uic'an svac' tas sva eb', masanto sb'ud'ji val sc'ol eb'. Icha chi' ol aj yojtacanel eb' to a in ton Jehová e Diosal in, xchi Jehová.

Ez 37:4

Ix yalanxi Jehová d'ayin icha tic: Al d'a juntzan̈ taquin̈ b'ac tic to scha yab' in lolonel eb'.

A Ch'an̈ B'ab'el Libro Samuel 11:9

Ata' ix yal vin̈aj Saúl chi' d'a eb' checab' ix cot d'a Jabes chi': —Alec d'a eb' eyetchon̈ab' to a q'uic'an d'a q'uec'ualil, toxo ix co col eb', xchi vin̈. Ix b'at eb' checab' chi' yal d'a eb' yetchon̈ab' chi' to a q'uic'an scolchaj eb'. Ix te tzalajq'ue eb'.

Ex 14:13

Ix tac'vi vin̈aj Moisés d'a eb' anima chi': —Man̈ ex xivoc, tec'b'ejec e b'a. Ol eyilnab'i tas ol yutoc Jehová scolvaj qued'oc ticnaic. Man̈xa b'aj ol eyil juntzan̈ eb' aj Egipto tic, axon̈ej ticnaic tzeyil eb'.

Salmos 46:5

A Dios ayec' d'a schon̈ab' chi', yuj chi' man̈ ol satel-laj. A tz'och yed' schon̈ab' chi' ayic van sacb'i.

Ex 8:23

Ata' ol ojtaquejeli to ch'oc yel in chon̈ab' tic d'a yichan̈ a chon̈ab' chi' d'a yol in sat. A q'uic'an, max ec'b'atlaj saclemb'at noc' cach, xchi Jehová, xa chi d'a vin̈ rey chi'.

A Ch'an̈ Schab'il Libro Yic Yab'ixal Eb' Rey 20:16

Ix yalan vin̈aj Isaías chi' d'a vin̈ icha tic: —Ab' tas syal Jehová d'ayach:

Apoc 6:6

Ix vab'an yoch sjaj jun d'a snan̈al eb' querubín chi' schan̈van̈il, ix yalan icha tic: —Chab'n̈ej libra ixim trigo d'a jun denario, vaquen̈ej pax libra ixim cebada d'a jun denario. Man̈ eyixtej aceite yed' vino, xchi.

A Ch'an̈ Schab'il Libro Yic Yab'ixal Eb' Rey 4:42

Axo d'a junel ix c'och jun vin̈ vinac aj Baal-salisa, yed'nac 20 ixim pan cebada vin̈ b'ob'il d'a ixim b'ab'el sat cebada chi', ix yac'an vin̈ d'a vin̈aj Eliseo chi', yed'nacpax ixim jolom trigo vin̈ yaxto. Ix yalan vin̈aj Eliseo chi' d'a vin̈ schecab': —Ac' ixim pan chi' sva eb' anima tic, xchi vin̈.

Jn 6:9

—Ay jun vin̈ unin ayec' qued' d'a tic, yed'nac oye' ixim pan cebada vin̈ yed' cha pitan̈ noc' chay. Palta ¿tom ol yab' jab' tic d'a scal eb' smasanil? Ina te tzijtum eb', xchi vin̈.

A Ch'an̈ Schab'il Libro Yic Yab'ixal Eb' Rey 6:25

Yuj chi' ix em jun nivan vejel d'a Samaria chi'. Ix te q'ue stojol masanil tastac, yujto te vach' yajoch oyan eb' vin̈ aj Siria chi' d'a spatic chon̈ab' chi'. A junoc sjolom noc' b'uru, 80 ciclo plata stojol, axo junoc vaso stza' noc' paramuch, oye' ciclo plata stojol.

A Ch'an̈ Schab'il Libro Yic Yab'ixal Eb' Rey 6:33

Vanto val slolon vin̈ ix javi vin̈ schecab' vin̈ rey chi', ajun pax vin̈ rey chi', ix yalan vin̈ rey chi': —A jun yaelal tic, a Jehová ix ac'ancoti. ¿Tasto val sco te tan̈vej ticnaic yic tzon̈ scolani? xchi vin̈.

Is 1:10

Ex yajal Jerusalén, lajan ex icha eb' aj Sodoma. E masanil ex anima, lajan ex icha eb' aj Gomorra. Ab'ec val sc'ayb'ub'al Jehová co Diosal.

A Ch'an̈ B'ab'el Libro Yic Yab'ixal Eb' Rey 22:19

Yuj chi' ix yalanxi vin̈aj Micaías chi' icha tic: —Ab' val slolonel Jehová. Ix vila' to c'ojanem Jehová d'a yol sdespacho, axo eb' yángel d'a satchaan̈ oyanoch eb' d'a spatic yichan̈.

A Ch'an̈ Schab'il Libro Yic Yab'ixal Eb' Rey 7:16

Ix lajvi chi' ix elta masanil eb' anima d'a yol chon̈ab' chi', ix yic'anelta masanil tastac ay d'a yol scampamento eb' sirio chi' eb', ix yic'ancot eb'. Ix elc'och icha ix aj yalan Jehová, a jun almul ixim harina, jun ciclo plata stojol ixim. Chab' almul pax ixim cebada d'a jun ciclo plata chi'.

A Ch'an̈ B'ab'el Libro Samuel 15:1

Ay jun c'ual ix yal vin̈aj Samuel d'a vin̈aj Saúl icha tic: —A Jehová ix in checani ayic ix ach in sic'ancanoch reyal d'a Israel aton schon̈ab'. Yuj chi' cha ab' tas syal Jehová d'ayach.