A Ch'an̈ Schab'il Libro Yic Yab'ixal Eb' Rey 5:5 - Chuj San Mateo Bible

⁵ Ix yalan vin̈ rey chi' d'a vin̈: —Vach' tzach b'ati, svac'b'at junoc carta d'a vin̈ sreyal Israel chi', xchi vin̈. Icha chi' ix aj sb'at vin̈aj Naamán chi', ix yic'anb'at nan̈al svajxaquil quintal q'uen plata vin̈ yed' nan̈al schab'il quintal q'uen oro yed' lajun̈ moj pichul.

Chuj San Sebastian Bible

⁵ 'Ix yaln win rey chi 'a win 'ixtic: —Caw wach', 'ixc 'an, 'oj wa't junc carta 'a win sreyl chon̈b' Israel cha, xchi win rey cha. —Xlajw cha, 'ix 'at Naamán, 'ix yi'n 'at 30 mil q'uen tumn plata, waque mil q'uen tumn nab'a oro, yet' lajn̈e mojn pichul.

A Ch'an̈ Schab'il Libro Yic Yab'ixal Eb' Rey 5:5 Referans Kwoze

Jueces 14:12

Ix yalan vin̈aj Sansón d'a eb' vin̈ quelemtac chi' icha tic: —Ay jun lolonel ol val d'ayex, a exxo ol e na'a tas syalelc'ochi: Tato a d'a uque' c'ual q'uin̈ tic ol eyal tas syalelc'ochi, ol vac' junjunoc e pichul nab'a lino yed' junjunoc e pichul yic q'uin̈.

Santiago 4:13

Ab'ec mach ex van eyalan icha tic: A ticnaic, ma q'uic'an, tzon̈ b'at d'a junoc chon̈ab'. Ol on̈ aj junoc ab'il ta'. Ol cac'anoch co chon̈, ol cac'an ganar co tumin, xe chi.

Is 5:5

Axo ticnaic jun, ol val d'ayex tas ol vutej in munlajel tic: Ol viq'uel smacte'al te' chi' yic ol satel te'. Ol jacvoquel smacte'al te' chi', yic vach' ol tec'joquem te' yuj noc' noc'.

Ec 2:1

Ix in naan val sic'lab'il, ix laj vac'an proval b'ajtac tz'ilchaj tzalajc'olal vuuj, palta axo ix vilani to malaj b'aj tz'ilchaji.

A Ch'an̈ Schab'il Libro Yic Yab'ixal Eb' Rey 4:42

Axo d'a junel ix c'och jun vin̈ vinac aj Baal-salisa, yed'nac 20 ixim pan cebada vin̈ b'ob'il d'a ixim b'ab'el sat cebada chi', ix yac'an vin̈ d'a vin̈aj Eliseo chi', yed'nacpax ixim jolom trigo vin̈ yaxto. Ix yalan vin̈aj Eliseo chi' d'a vin̈ schecab': —Ac' ixim pan chi' sva eb' anima tic, xchi vin̈.

A Ch'an̈ B'ab'el Libro Yic Yab'ixal Eb' Rey 22:3

Ix yalan vin̈ sreyal Israel chi' d'a masanil eb' ayoch yopisio yed'oc: —A ex tic eyojtac sic'lab'il to a chon̈ab' Ramot d'a yol yic Galaad, quictaxon yaji. ¿Tas yuj max quiq'uec' d'a vin̈ sreyal Siria chi'? xchi vin̈ d'a eb'.

A Ch'an̈ B'ab'el Libro Yic Yab'ixal Eb' Rey 13:7

Ix lajvi chi', ix yalan vin̈ rey chi' d'a vin̈ schecab' Dios chi': —Con̈ ved' d'a in pat, ol ach va jab'oc yacb'an tzin b'o jab'oc tas ol in siej d'ayach, xchi vin̈.

Nm 22:7

Ix lajvi chi', ix b'at eb' yichamtac vinaquil chon̈ab' Moab yed' eb' yichamtac vinaquil Madián b'aj ayec' vin̈aj Balaam chi'. Te nivan q'uen tumin ix yic'b'at eb' yic stupan scatab' vin̈ chi' eb'. Ix yalan schecnab'il eb' ix yalb'at vin̈aj Balac chi'.

Gn 45:22

Ix ac'jipax pichul ac'to d'a eb' vin̈ yic tz'och sq'uex c'apacoc eb' vin̈. Axo d'a vin̈aj Benjamín, 300 siclo plata ix ac'ji, ix ac'jipax oye' mojan̈ spichul vin̈.

Gn 11:7

A ticnaic, con̈ emec d'a scal eb' yic sco somchitan sti' eb', yic vach' man̈xo ol nachajel yuj eb' tastac syal junjun, xchi Jehová chi'.

Gn 11:3

Ay jun c'u ix yal-laj yab' eb' icha tic: Co b'oec lum ladrillo, sco mucan chacb'oc luum, xchi eb'. A lum ix yac'lab'ej eb' sq'uexuloc q'uen q'ueen. Axo spixul luum, ay jun sq'ueta d'a yol luum, te tat, axo stacji, te tzatz tz'aji, asfalto sb'i, a jun chi' ix yac'lab'ej eb'.

A Ch'an̈ Schab'il Libro Yic Yab'ixal Eb' Rey 5:4

Yuj chi' ix b'at vin̈aj Naamán chi' yal d'a vin̈ sreyal Siria tas ix yal ix cob'es chi'.

A Ch'an̈ Schab'il Libro Yic Yab'ixal Eb' Rey 5:6

Ix yic'anb'at jun carta chi' vin̈ d'a vin̈ sreyal Israel chi', syalan vin̈ sreyal Siria chi' d'a jun carta chi' icha tic: Ayic ol a chaan in carta tic, ol ojtaquejeli to a in tzin checb'at vin̈ sat yajal eb' in soldado scuchan Naamán tic d'ayach, tzan̈tej vin̈ d'a jun lepra ayoch d'ay, xchi vin̈ d'a scarta chi'.

Pr 18:16

Yuj tas co siej, yaln̈ej mach anima tzon̈ chaani, vach'chom eb' anima nivac yopisio.