A Ch'an̈ Schab'il Libro Yic Yab'ixal Eb' Rey 4:16 - Chuj San Mateo Bible

¹⁶ Ix yalan vin̈aj Eliseo chi' d'a ix: —Yab' val icha tic junab', chelb'ilxo q'ue junoc une' uuj, xchi vin̈ d'a ix. Ix yalan ix icha tic: —Maay mamin, ach schecab' Dios, man̈ ach b'uchvaj d'ayin, xchi ix.

Chuj San Sebastian Bible

¹⁶ Xlajw cha, 'ix yaln Eliseo 'a 'ix 'ixtic: —Yab'n 'ixtc junab', mec'b'ilx chan̈ junc one o'oj, xchi 'a 'ix. —May mamin, ach schecb' Dios, man̈ ach b'uchwjoc 'ayin, xchi 'ix.

A Ch'an̈ Schab'il Libro Yic Yab'ixal Eb' Rey 4:16 Referans Kwoze

Gn 18:10

Ix yalan junoc eb' icha tic: —Yab' icha tic junab', svac'anxi a paxyal, ata' ol aljoc junoc yune' ix etb'eyum tic, vinac unin, xchi d'a vin̈. Yacb'an a ix Sara chi' van smaclan yab' ix tas syala', ayec' ix d'a sti' smantiado eb' d'a spatic vin̈aj Abraham chi'.

Lc 1:13

Palta ix yalan jun ángel chi' d'a vin̈: —Zacarías, man̈ ach xivoc, yujto ix yab' a lesal Dios. A ix etb'eyum ix Elisabet, ol yuneej jun vinac unin ix. Juan ol ac' sb'iej.

A Ch'an̈ Schab'il Libro Yic Yab'ixal Eb' Rey 4:28

Yuj chi' ix yalan ix icha tic: —Mamin, ¿tocval a in ix in c'an d'ayach to tz'alji junoc vune'? ¿Tom maj val d'ayach tas yuj ton̈ej tzach b'uchvaj d'ayin? xchi ix.

Gn 17:21

Palta a in trato ix vac' ed'oc, ol vaq'uelc'och yed' vin̈aj Isaac vin̈ uninal ol aljoc d'a ix Sara d'a junxo ab'il icha tiempo tic, xchi Jehová.

Salmos 116:11

Man̈xo animaoc vaj svab'i, yuj chi' ix vala' to masanil eb' anima, max yal-laj cac'anoch tas syal eb' yipoc co c'ool.

A Ch'an̈ Schab'il Libro Yic Yab'ixal Eb' Rey 2:19

Ix yalan eb' anima cajan d'a jun chon̈ab' chi' d'a vin̈aj Eliseo chi' icha tic: —Mamin, ilnab' val yilji jun lugar tic, te vach', palta malaj tas tz'el d'a sat luum yujto man̈ vach'oc a a' ay d'a luum, xchi eb'.

A Ch'an̈ B'ab'el Libro Yic Yab'ixal Eb' Rey 17:18

Ix yalan ix d'a vin̈aj Elías chi' icha tic: —Ach schecab' Dios, ¿tas alan ic d'ayin? ¿Tom yuj snachajcot in mul yed' scham tzun vune' tic, yuj chi' ach javi? xchi ix.

A Ch'an̈ B'ab'el Libro Yic Yab'ixal Eb' Rey 18:9

Ix tac'vi vin̈aj Abdías chi': —¿Tas in mul yuj chi' tzin ac'och d'a yol sc'ab' vin̈aj Acab yic tzin smilancham vin̈?

A Ch'an̈ Schab'il Libro Yic Yab'ixal Eb' Rey 4:15

—Avtejxicot ix, xchi vin̈aj Eliseo chi'. Ix avtajxicot ix, ix javi tec'tec' ix d'a spuertail jun cuarto chi'.

A Ch'an̈ Schab'il Libro Yic Yab'ixal Eb' Rey 4:17

Palta ix scuchanoch jun yune' ix, axo d'a junxo ab'il, ix alji jun yune' ix chi', icha val ix aj yalan vin̈aj Eliseo chi'.

A Ch'an̈ B'ab'el Libro Yic Yab'ixal Eb' Rey 17:24

Ix yalan ix d'a vin̈: —A ticnaic svac'och d'a in c'ool to yel schecab' ach ton Jehová Dios, a tas schec ala', tz'eln̈ejc'ochi, xchi ix.