A Ch'an̈ Schab'il Libro Yic Yab'ixal Eb' Rey 3:10 - Chuj San Mateo Bible

¹⁰ Yuj chi' ix yal vin̈ sreyal Israel chi' icha tic: —A ticnaic, ichato on̈ smolb'ej Jehová a on̈ oxvan̈ rey on̈ tic yic tzon̈ yac'anoch d'a yol sc'ab' eb' aj Moab tic, xchi vin̈.

Chuj San Sebastian Bible

¹⁰ Xlajw cha, 'ix yaln win sreyl chon̈b' Israel 'ixtic: —A ticnec, 'icha to on̈ smolb'tzejc Jehová an̈ 'oxwn̈ rey on̈c tic, yic tzon̈ ya'nec 'och 'a yol sc'ab' eb' moabita, xchi.

A Ch'an̈ Schab'il Libro Yic Yab'ixal Eb' Rey 3:10 Referans Kwoze

Is 51:20

Toxo ix el yip eb' eyuninal, toxo ix telvi eb' icha noc' c'ultaquil chej scan d'a ch'an̈ yaal. Toxon̈ej ix can teljab' eb' d'a schiquintac calle, yujto ix yab' val syail yoval sc'ol Jehová e Diosal eb', yuj scachji eb' yuuj.

Is 8:21

A eb' anima tic, ol b'at tic ol b'at tic eb' yuj vejel. Yuj val vejel chi', ol ovaj val eb'. Ol b'uchvaj eb' d'a sreyal yed' d'a sDiosal. Olto q'ue q'uelan eb' d'a satchaan̈,

Pr 19:3

A sman̈ pensaril eb' anima scuchb'an satoc, axo tz'aji, a d'a yib'an̈ Jehová syac'och eb'.

A Ch'an̈ Schab'il Libro Yic Yab'ixal Eb' Rey 6:33

Vanto val slolon vin̈ ix javi vin̈ schecab' vin̈ rey chi', ajun pax vin̈ rey chi', ix yalan vin̈ rey chi': —A jun yaelal tic, a Jehová ix ac'ancoti. ¿Tasto val sco te tan̈vej ticnaic yic tzon̈ scolani? xchi vin̈.

Gn 4:13

Ix tac'vi vin̈ icha tic: —Te nivan jun yaelal scotcan tic d'a vib'an̈, man̈ ol techajlaj vuuj.

A Ch'an̈ Schab'il Libro Yic Yab'ixal Eb' Rey 3:9

Icha chi' ix aj sb'at vin̈ sreyal Israel yed' vin̈ sreyal Judá yed' pax vin̈ sreyal Edom yed' eb' soldado. Uque' c'ual ix b'ey eb' yujto ix ec' yoymitej lum taquin̈ lum chi' eb', yuj chi' ix lajviel a' yaal eb' soldado syuq'uej yed' pax yic masanil snoc' eb' yed'nac.

A Ch'an̈ Schab'il Libro Yic Yab'ixal Eb' Rey 3:11

Ix yalan vin̈aj Josafat chi' icha tic: —¿Mama junoc vin̈ schecab' Jehová ayec' d'a tic yic vach' sc'anb'ej vin̈ d'a Jehová cuuj? xchi vin̈. Ay jun vin̈ yajal soldado yaj d'a vin̈ sreyal Israel chi' ix tac'vi icha tic: —A d'a tic ayec' vin̈aj Eliseo yuninal vin̈aj Safat. Aton vin̈ schecab'can vin̈aj Elías, xchi vin̈.