A Ch'an̈ Schab'il Libro Yic Yab'ixal Eb' Rey 2:4 - Chuj San Mateo Bible

⁴ Ix lajvi chi', ix yalanxi vin̈aj Elías chi' d'a vin̈aj Eliseo chi' icha tic: —Canan̈ d'a tic, yujto tzin schecb'at Jehová d'a Jericó, xchi vin̈. Ix tac'vixi vin̈aj Eliseo chi': —Svac' in ti' d'ayach d'a yichan̈ Jehová to ol in b'atn̈ej ed'oc, xchi vin̈. Yuj chi' ix b'atxi eb' vin̈ schavan̈il d'a Jericó chi'.

Chuj San Sebastian Bible

⁴ Xlajw cha, 'ix yaln pax Elías 'ixtc 'a Eliseo cha: —Cann̈ 'a tic, yujto tzin checx 'at yuj Jehová 'a Jericó, xchi Elías. —Tzwac' in ti 'a yojltac Jehová to tzin 'at et'oc, xchi Eliseo. Xlajw cha, 'ix 'at eb' schawn̈il 'a Jericó.

A Ch'an̈ Schab'il Libro Yic Yab'ixal Eb' Rey 2:4 Referans Kwoze

A Ch'an̈ Schab'il Libro Yic Yab'ixal Eb' Rey 2:2

Ix yalan vin̈ d'a vin̈aj Eliseo chi' icha tic: —Canan̈ d'a tic, yujto tzin schecb'at Jehová d'a Betel, xchi vin̈. Ix tac'vi vin̈aj Eliseo chi': —Svac' in ti' d'ayach d'a yichan̈ Jehová to ol in b'atn̈ej ed'oc, xchi vin̈. Yuj chi' ix b'at eb' vin̈ schavan̈il d'a Betel chi'.

Josué 6:26

Ix lajvi chi', ix yalan jun lolonel tic vin̈aj Josué: Catab'ajocab' yuj Jehová mach sb'oanxiq'ue jun chon̈ab' tic d'a schaelal, chamocab' sb'ab'el unin ayic tz'em yich, chamocab'pax stzac'an unin ayic tz'och spuertail, xchi vin̈.

Lc 19:1

Ix c'och Jesús d'a Jericó, ix ec' d'a yol chon̈ab' chi'.

A Ch'an̈ Schab'il Libro Yic Yab'ixal Eb' Rey 4:30

Ix yalan ix snun vin̈ unin chi': —Svac' in ti' d'ayach d'a yichan̈ Jehová to max in b'at d'a tic tato max ach b'at ved'oc, xchi ix.

A Ch'an̈ B'ab'el Libro Yic Yab'ixal Eb' Rey 16:34

Ayic ayoch vin̈aj Acab chi' reyal, axo vin̈aj Hiel aj Betel ix b'oanxiq'ue chon̈ab' Jericó. Ayic ix yac'anxiem yich jun chon̈ab' chi' vin̈, ix cham jun sb'ab'el yuninal vin̈ scuch Abiram. Axo yic ix och spuertail, ix cham vin̈aj Segub slajvub' yuninal vin̈. Ix elc'och icha tas yalnaccan Jehová d'a vin̈aj Josué yuninal vin̈aj Nun.

A Tas Sc'ulejnac Eb' Schecab' Jesús Hechos 11:23

Axo ix c'och vin̈, ix yilan vin̈, te nivan svach'c'olal Dios ix yac' d'a eb'. Yuj chi' ix te tzalaj vin̈ yuj eb'. Ix ac'ji stec'anil eb' yuj vin̈. Ix yalan vin̈ to tec'an syutej sb'a eb', syac'anpax och spensar eb' d'a Cajal Jesús d'a masanil tiempo.

A Tas Sc'ulejnac Eb' Schecab' Jesús Hechos 2:42

Ix yac'an val och spensar eb' d'a juntzan̈ c'ayb'ub'al ix yal eb' schecab' Jesús chi'. Junxon̈ej ix yutej spensar eb' smasanil. Slesalvi eb', smolb'an sb'a eb', svaan ixim pan eb' yic vach' snaancot Jesús Cajal eb'.

A Ch'an̈ B'ab'el Libro Samuel 1:26

Ix yalan ix Ana chi' icha tic: —Ac' nivanc'olal d'ayin mamin, a in ton tic ulnac in ec' d'a a tz'ey d'a junel, ayic in lesalvinac d'a Jehová.

Josué 6:1

A spuertail Jericó te vach' yaj smacchaji yujto xiv eb' d'a eb' israel. Yuj chi' malaj junoc mach syal yelta, ma tz'och d'a yol chon̈ab' chi'.

Rt 1:16

Ix tac'vi ix Rut chi' icha tic: —Man̈ ach och ijan alan d'ayin yic tzach vactejcani. Yaln̈ej b'aj ol ach b'atoc, ol in b'atn̈ej ed'oc. A b'aj ol ach ajoc, ata' ol in aj pax ed'oc. A a chon̈ab', a ol och in chon̈ab'oc, a a Diosal, a ol ochpax in Diosaloc.