A Ch'an̈ Schab'il Libro Yic Yab'ixal Eb' Rey 11:10 - Chuj San Mateo Bible

¹⁰ Ix lajvi chi', ix yac'an q'uen lanza vin̈ yed' q'uen smaclab' jul-lab' d'a eb' capitán chi', aton q'uen aycan yuj vin̈aj rey David d'a yol stemplo Jehová chi'.

Chuj San Sebastian Bible

¹⁰ Xlajw cha, 'ix ya'n win jun tzo'n̈ q'uen lanza, yet' jun tzo'n̈ q'uen tzmacn sat jul-lab' 'a eb' capitan̈, atn q'uen yic win rey David 'a yaln̈taxi, ata 'ayc' eb' q'uen 'a yatut Jehová.

A Ch'an̈ Schab'il Libro Yic Yab'ixal Eb' Rey 11:10 Referans Kwoze

A Ch'an̈ Schab'l Libro Samuel 8:7

Ix lajvi chi', ix yic'anpaxcanec' juntzan̈ maclab' jul-lab' vin̈aj rey David chi' d'a eb' soldado vin̈aj Hadad-ezer chi', ayoch oro d'ay, ix yic'ancot vin̈ d'a Jerusalén.

1 Cr 18:7

An̈ejtona', ix yic'anpaxec' juntzan̈ maclab' jul-lab' vin̈ ayoch oro d'ay sc'an eb' yajalil eb' soldado vin̈aj Hadad-ezer chi', ix yic'ancot eb' d'a Jerusalén.

2 Cr 5:1

Axo yic ix lajvi masanil munlajel ix schec b'ojoc vin̈aj Salomón d'a stemplo Jehová chi', ix ic'jib'at masanil juntzan̈ yamc'ab' chi' b'aj sic'chaj tas tz'ac'ji yicoc Jehová d'a yol templo chi', aton juntzan̈ yamc'ab' nab'a oro, nab'a plata yed' juntzan̈xo tastac yic Jehová yajcan yuj vin̈aj rey David smam vin̈aj Salomón chi'.

A Ch'an̈ B'ab'el Libro Samuel 21:9

Ix tac'vi vin̈ sacerdote chi': —A d'a tic ayec' q'uen yespada vin̈aj Goliat, vin̈ filisteo a milnaccham d'a sch'olanil yic Ela. A d'a tic ayec' q'ueen, pichanoch jun c'apac d'a q'ueen, ayec' q'uen d'a spatic c'apac chaleca. Syal ic'anb'at q'ueen. Tato max scha a c'ol q'uen jun, man̈xalaj junocxo q'uen ay d'ayin, xchi vin̈ d'a vin̈. Ix tac'vi vin̈aj David chi', ix yalan vin̈: —Malaj junocxo q'uen lajan yed' jun q'ueen chi'. Ac' q'uen d'ayin, xchi vin̈.

A Ch'an̈ Schab'il Libro Yic Yab'ixal Eb' Rey 11:11

Ix och oyan eb' soldado chi' stan̈van d'a yamaq'uil templo yed' d'a spatictac altar yed' d'a spatic yichan̈ vin̈ rey chi'. Junjun eb', yed'nac syamc'ab' eb' yic oval.